مصر موتورز مجتمع السيارات - عندما تكون السيارة ساخنة تعتيل بالمارش ولاتدرو إلا زق

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

رد: عندما تكون السيارة ساخنة تعتيل بالمارش ولاتدرو إلا زق

اقتباس:

المشاركة الأصلية كتبت بواسطة mr_astra (المشاركة 640926)

المارش لو الجلب بتعتة مبوشة يعتل والعربية باردة لان الخلوص بتاع الجلب بيكون كبير والعكس لما العربية تسخن ما تحسش باى تعتيل لان اكس المارش اكيد بيسخن ويملى الخلوص اللى بين الجلبة ....... حاسس ان العيب عندك فى الاسبراتير لو هى اسبراتير عادى ومقدمة سنة كهربا ولما العربية بتسخن بتيلدك احساس تعتيل فى المارش معلش لو تسمح تاخر العربية كهربة شوية ونجرب مش هانخسر حاجة

اقتباس:

المشاركة الأصلية كتبت بواسطة طارق ابوذيد (المشاركة 640948)

أخى الكريم سبب التعتيل هو جلب المارش اذهب الى كهربائى واكشف على المارش وثمن 2 جلبه مارش عند الخراط من 20 جنيه الى 30 جنيه بخلاف مصنعيه الكهربائى .

اقتباس:

المشاركة الأصلية كتبت بواسطة mr_astra (المشاركة 641022)

ابدا والله لكن فعلا معنديش تخيل للمشكلة
وفكرت كتير صدقنى بس مش مقتنع بتفكيرى فقلت نستنى اى حد من الاخوة يرد عليك وفعلا الشيخ طارق رد على حضرتك وكلامة مقنع
لانة حلل المشكلة بطريقة معكوسة لتحليلى
هو تخيل ان والعربية باردة كولة تمام ولما المارش بيسخن الجلب بتعتة بتوسع مع ان الجلب مصنوعة من النحاس والاكس من الحديد ومفروض ان الحديد بيتمدد اكتر من النحاس بس معرفش يمكن يكون تحليللة للمشكلة ادق منى
نجرب

الحمدلله رأينا واحد وما إختلفش هى بس الطريقة
هتكشف على المارش و البطارية و الإسبراتير
الميكانيكى هيشوف الإسبراتير
والكهربائى هيكشف على المارش والبطارية
ومتابعين معاك اخى الكريم
تقبل مرورى

رد: عندما تكون السيارة ساخنة تعتيل بالمارش ولاتدرو إلا زق

اقتباس:

المشاركة الأصلية كتبت بواسطة طارق ابوذيد (المشاركة 640948)

تحليل سليم جدا

برافو عليك ياشيخ : طارق

:clapW15:

رد: عندما تكون السيارة ساخنة تعتيل بالمارش ولاتدرو إلا زق

بص يا اخي انا كان معايا حاجة قريبة من مشكلتك
لما بسيب العربية يومين واكثر بتدور من اول تكة
ولما ادورها كل مشوار في نفس اليوم لازم تغيب في الدوارة بس المكنة كانت بتلف كويس والموضوع دة معايا علي طول
ودة كانت نتيجتها ان الرشاشات بتسيل والان بعد التغير الحمد لله
انا بقول المشكلة دة قريبة من مشكلتك لية لان انت مابتحسش بجلب المرش ومن اول تكة بيدور وهيا باردة اما لما بتسخن بتكون الرشاشات بتسيل وتغيب في الدوارة
ودة استنتاجها في امرين :
1:جلب المارش
2:البطارية بيكون شحنها قليل بسبب الدينمو
عامتا روح لحد غير بياع البطارية وخلية يكشف علي البطارية وشحن الدينمو
اما عن سخونة العربية ملهاش اي صلة بالمرش
وظيفة المارش بالمختصر
هوا ملف كهربائي بداخل جسم اسطواني محاط بمجال مغناطيسي عند اعطاءة امر كهربائي
يدور الملف ومسبت علية ترس يسمي البندكس
وترس البندكس مسبت علي اوتوماتك يعمل علي اخراج الترس ليعشق مع ترس الفلان لاتمام الدوارة وبعد ترك المفنتاح يرجع الترس مكانة وليس لة اي علاقة بعد الدوارة بالموتور

رد: عندما تكون السيارة ساخنة تعتيل بالمارش ولاتدرو إلا زق

اقتباس:

اما عن سخونة العربية ملهاش اي صلة بالمرش

جلب المارش بتصنع من البرونز ( النحاس الأحمر )

وعمود البوبينا ( أى العضو الدوار للمارش ) بيصنع من الحديد

وهناك إختلاف كبير فى معامل التمدد الحرارى للنحاس عن الحديد

وفى بعض الأحيان الخاصه

مثل حالة الزميل بيحدث تبويش بين الجلب والعمود نتيجة تآكل الجلب

وهذا التبويش بيكون سطحه الداخلى فى الجلب غير منتظم ( معرج أو مريج )

وبتكون الجلب من الداخل فيها عالى وواطى

ومع السخونه

بتقمط الجلب نتيجة العالى بها على نهاية عمود المارش

وتمنع ترس البندكس من الحركه للأمام للتعشيق مع ترس الفلام

فى حالة رغبة السائق فى تدوير سيارته والغرفه ساخنه

رد: عندما تكون السيارة ساخنة تعتيل بالمارش ولاتدرو إلا زق

م.سمير
ان مش مختلف مع حد انا من ناحية الجلب انا مرجح الجلب في مداخلتي
انا بكلم عن السخونية المحاطة بالمرش مش هيا درجة الحرارة الي تخلي الحديد يتمدد
التمدد الفعلي للحديد 120 درجة مؤية
بداية التمدد للحديد 90 درجة مؤية