مصر موتورز مجتمع السيارات - ازاي تعرف ان اللي سايقه واحده ست ؟؟؟

مصر موتورز مجتمع السيارات (https://www.masrmotors.com/vb/index.php)

- سيارات حواء (https://www.masrmotors.com/vb/forumdisplay.php?f=181)

- - ازاي تعرف ان اللي سايقه واحده ست ؟؟؟ (https://www.masrmotors.com/vb/showthread.php?t=81956)

رد: ازاي تعرف ان اللي سايقه واحده ست ؟؟؟

هههههههههههههههه ربنا يهدى
ولكن اوع تنسى ان لكل قاعدة شواذ

رد: ازاي تعرف ان اللي سايقه واحده ست ؟؟؟

اقتباس:

المشاركة الأصلية كتبت بواسطة الايطالى الصغير (المشاركة 658095)

مش عيب ان اللى سايقة واحدة ست

ومش عيب انهم بيسوقوا على قدهم

انما العيب يبقى عيب

لما يكون الرجالة هم اللى بيعملوا الغلط ويسوقوا الهبل على الغباء

وانا عندى اقتراح تخلى الموضوع عنوانه

ازاى تعرف ان اللى سايق مصرى مش جنسية تانية

لما تلاقى اللى جمبك بيحدف عليك

وبيلف عليك فى الدوران صف تانى

وبيفتح النور فى وشك ويعميك

ويمشى وهو بيتكلم فى التليفون وممشى الشارع كله وراه

لما تلاقى واحد ماشى عكس الاتجاه ومش فى باله كوم الحديد الى واره عمال يزمرله

لما تلاقى الى قدامك بيقفل عليك فى ثلاثة متر علشان يعدى هوه من حارتك انت ويجبرك انك تهدى

بالذمة

بقى دى سواقة

بقى ده شعب

استغفر الله العظيم

وبعدين نعيب على الستات

طيب الستات كثر خيرهم

نقول ايه بقى على مصر

الى كل حاجة فيها باظت

وبقى اسلوب البلطجة المرورية هو الى بيحكم الشارع

وعايز تشوف

انزل شوف سواقين السرفيس والميكروباص

بيعملوا ايه

بيشترى الشارع لحسابه

ويركنك واره كانك شفاف مش موجود

وبعدين نعيب على الستات

ده عيب على الرجالة

وعجبى

اصلى يا معلم .. بصراحه جاب التايهه فعلاSLAMSLAMSLAMSLAMSLAMS LAM

رد: ازاي تعرف ان اللي سايقه واحده ست ؟؟؟

مش كل الستات وحشين فى السواقه ومش كل الرجالة بارعين فيها
فيه كده وفيه كده
انا مثلا اذكر اتنين ستات لو مأختش بالك من السيارة وهى ماشية هتقول ده شاب هو اللى سايق مش واحدة ست
الأولى كانت سايقه اوبل كورسا هاتش باك ومعدية جنبى فى ملف على سرعة 100 -110 وبكل ثبات وراكبه واحده صحبتها معاها وانا طبعا مقدرتش احصلها
التانية كانت سايقة رينو ساندريو زيرو وماشية بكل ثقة وبتاخد غرز زى اى شاب ولما طلعت على الطريق فتحت للعربية
لكن فيه صفة عامة للستات فى السواقة وهى (اللبخة) ماشية فى نص الطريق , مش عارفة تتصرف , تحس انهم ملبوخين على طول
لكن طبعا فى رجالة تكرهك فى السواقة والعربيات والطريق والمرور ......الخ

رد: ازاي تعرف ان اللي سايقه واحده ست ؟؟؟

والله العظيم معاك حق انا بشوف واقعى وحصلت وانا كنت ماشى فى الشارع لقيت عربيه ماتريكس كانت ركنه بالطول والشارع زحمه وكانت بتتكلم فى التليفون بترجع للخلف سدت الشارع وكله بيدر كلكسات وهى وقفه فى نصف الشارع بتتكلم فى التليفون بداخل العربيه وبتضحك لا حول ولا قوة الا بالله انا من نفسى رايي ان مفيش بنات تركب عربيات خالص واى عسكرى يشوف وحده بتسوق عربيه يقبض عليها وحبس 80 سنه اعمال شاقه :ROFL_C~118:

رد: ازاي تعرف ان اللي سايقه واحده ست ؟؟؟

اقتباس:

المشاركة الأصلية كتبت بواسطة محمد اشرف (المشاركة 665366)

ليه كده بس الكلمة الطيبه صدقه والكلمة السيئه تضرك