المشاركة الأصلية كتبت بواسطة soltanfriend (المشاركة 616601)

طيب ربنا يخليك عندى سؤال مهم جدا بالنسبالى
انا عندى مشكلة جديدة وهى انى لما بشغل التكييف المفروض العربية بتعلى لكن اللى بيحصل عندى انها بتعلى 5 ثوانى مثلا وبعد كدا توطى بالرغم من ان مروحة التكييف شغالة وطبعا العربية بتترعش جدا
بالاضافة ان اصلا سلانسيه العربية مش مظبوط اوى وانا نظفت البوابة كاملة قطعة قطعة
بالاضافة ان العربية بتتعبنى جدا فى التدوير الصبح ولما بتدور بتطفى مرة وبعد كدا تقعد تعلى وتوطى لغاية ما تسخن بتتظبط
وعلى فكرة المشاكل دى كلها حصلت مرة واحدة للأسف

المشاركة الأصلية كتبت بواسطة samirayad (المشاركة 616606)

هقول لحضرتك على فكره حلوه

علشان نعرف المشكله قادمه من بلف الأيدل ولا ليها أسباب أخرى

1- خللى حد يقعد على كرسى السواق

2- إفتح الكبوت وشيل خرطوم الهواء من على زور البوابه

3- ببكرة الأكسراتير ....وارب البوابه سنه بسيطه بحيث يخش هواء

بدون الأعتماد على بلف الأيدل

4- لو دارت على طول بدون مشاكل خليك ثابت على الوضع ده فتره وجيزه

لحد ماتسخن

لو حصل معاك كده بالضبط

يبقى يجب أنك تعمل الكلام المكتوب فى الموضوع ده

مع تغيير فلتر الهواء


هتلاقى كله بأه تمام