مصر موتورز مجتمع السيارات - هوندا أو اكسنت مستعمل و لا فيرنا أو سبيرانزا جديد

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: هوندا أو اكسنت مستعمل و لا فيرنا أو سبيرانزا جديد

اقتباس:

المشاركة الأصلية كتبت بواسطة Tota El Masry (المشاركة 604966)

-------------------------------------

جزاكم الله خيراً أخ محمد بجد ربنا يوقفلك ولاد الحلال مشاكل الفيرنا البسيطة ده كنت بفكر في حلول ليها و ربنا أكرمني بيك تساعدني و تفكر معايا
كله إلا فوانيس الشبورة أنا بخرج من البيت أحياناً الساعة 5,45 أو 6 صباحاً و طريقي زراعي بجد بجد موضوع الشبورة ده من و أنا طالبة معقدني من الحوادث ربنا يستر طريق الكل
بس لو تتفضل عليا تقول ليا ممكن أجيب الحاجات الناقصة منين؟؟؟ علشان يبقى ملف الفيرنا كامل و جاهز بأمر الله على الشراء

تحياتي لحضرتك

ربنا يكرمك وانا تحت امرك في اي وقت
بالنسبه لفوانيس الشبوره حتلاقيها متوافره في اي حته لان العربيه معروفه انها بتنزل من غير فوجات و الطلب عليها مستمر
انا صراحه معرفش القاهره لو انتي من سكانها يبقي التوفيقيه اكيد حتلاقي فيها استيراد وياريت متجيبيش صيني لانك شكلك حتستخدميه كتير وممكن يسيح معاكي الفانوس لانه بيبقي بلاستك مش زجاج
فالاستيراد حتلاقيه متوافر ان شاء الله وباسعار حنينه

بالنسبه للاربي ام فهو علي حسب برضه سواقتك لان في ناس بتعتمد عليه في السواقه مثلا بيستنوا لما الار بي ام يوصل ل 3 او 3ونص ويبداوا يدوا غيار اعلي لكن لو انتي متابعه صوت المتور ومن رواد العربيات القديمه شبهي وغيارات الفتيس بتبقي مع احساسك للعربيه فيبقي مش مشكله وجوده

بالنسبه للفئه فنصيحتي بما انك حتجيبيها وبرضه حتركبي انزار وسنتر وزجاج كهربا وريموت وما الي ذلك
فانا اعتقد انك تجيبيها فئه تانيه احسنلك وبدل متيجي تركبي الحاجات بره ويقولك ضمان الكهربا حيسقط

وكان عندي اقتراح انك تدوري في المعارض علي فيرنا كسر زيرو تبقي ماشيه مثلا 10 الف كيلو ولا حاجه وتبقي موديل السنه وكامله
حتلاقيها ارخص بحوالي 10 الاف بس دي محتاجه مجهود في البحث شويه
وربنا يكرمك بالافضل ان شاء الله
واحسن حاجه في الموضوع ده الدعوتين الحلوين اللي باخدهم منك بجد :140109~347::140109~347:: 140109~347:

رد: هوندا أو اكسنت مستعمل و لا فيرنا أو سبيرانزا جديد

اقتباس:

المشاركة الأصلية كتبت بواسطة screamseko (المشاركة 605510)

---------------------------------
جزاكم الله خيراً أخي محمد
أعطاك الله من الخير أغدقه و أثمره