مصر موتورز مجتمع السيارات - خايف اشترى التيجو واندم

مصر موتورز مجتمع السيارات (https://www.masrmotors.com/vb/index.php)

- Tiggo (https://www.masrmotors.com/vb/forumdisplay.php?f=189)

- - خايف اشترى التيجو واندم (https://www.masrmotors.com/vb/showthread.php?t=76282)

رد: خايف اشترى التيجو واندم

اقتباس:

المشاركة الأصلية كتبت بواسطة moatzaziz (المشاركة 589033)

يا جماعه ارجو الافادى انتو عرفين ان التيجو غليت تانى ويقت 88,000 ودا سعر مش قليل انا خايف اشتريها واندم ارجو ان المشتركين اللى معاهم التيجو ومجربنها يفيدونى علشان اعرف اقرر :070104~242:
MADDRIVE

الصين ثاني اكبر اقتصاد في العالم وخبره كبيره في كل المجالات الصناعيه وفي رأيي الشخصي أن التيجو هي العربيه صاحبة أعلى أمكانيات وأقل سعر في فئتها وياأخي العزيز أنت تشتري سياره منتشره جدا وقطع غيار متوفره وتوكيل معروف ومواصفات أمان غير متوفره في كثير من السيارات الحاليه أما الآراء الأخرى فلها كل الحترام ولكن يا أخي أنظر ماذا يقولون عن الرينو الفرنساوي والبيجو والستروين والنيسان الحاليه والآكسنت ار بي والسيراتو ---الخ فلو لم تختلف الأذواق لبارت البضائع0 اذا عزمت فتوكل-ربنا يباركلك فيها ويديلك خيرها ويكفيك شرها

رد: خايف اشترى التيجو واندم

اقتباس:

المشاركة الأصلية كتبت بواسطة chiro (المشاركة 589658)

انا معايا ماتريكس مانيوال 2008 وجبت عليها اسبيرانزا 113 وبعد اقل من سنة بعتها وجبت التيجو من اسبوعين ب85500 زيرووووو ولازلت محتفظ بالماتريكس في رأيي الشخصي العربية التيجو تاخد 85% ومع احترامي لكل العربيات اللي في نفس سعرها إلا انهم كلهم ماياخدوش برضه اكتر من 85% ويزيد عليها في التيجو كمان الحجم والشكل مايعيبهاش إلا جودة التقفيل الداخلي للتابلوه انما اي عربية تانية هاتلاقيها برضه فيها حاجة تخليك مش مبسوط منها تماما
توكل على الله وهاتها وبعدين اي عربية تجيبها لو جبت حتى بورش انت ونصيبك
وبالنسبة لسعر اعادة البيع نفس الخسارة واحدة في كل العربيات طالما سعرها واحد

نسيت اقولك يا ريت تجيب 2000سي سي لو حبيت ومبروووووووووووووووك

رد: خايف اشترى التيجو واندم

انا الحمد لله صليت صلاة الاستخارة لاخر مره علي التيجو وهنام دلوقتي وان شاء الله هصحي اروح اجيب التيجو لو ربنا قاسمهالي

رد: خايف اشترى التيجو واندم

بص انا ليه رقى تانى خالص او ببص للعربيات الصينى من ناحيه تانيه
فى عربيات صينى كتير جدا كويسه ومحترمه
لكن لاقدر الله لو العربيه اتخبطت خبطه جامده ومحتاجه نص ولا ربع
هتجيبه منين
لو رحت التوكيل وقالك كده خلاص معدتش نافعه هتعمل ايه هتبعها خرده؟
الكورى واليابانى قطع غياره موجوده فى كل حته جديد ومستعمل وانصاص واربع
ومواتير يعنى لو عاوز تجمع عربيه هتجمعها
لكن الصينى كبيرك هتلاقى باب جديد كبوت شنطه اكصدمات قطع غيار للمتور
لكن مش هتلاقى ليه مواتير استعمال مثلا هتطر توفق له متور
زى ما بيحصل دلوقتى فى الاسبرنزا 516 بيركبوا عليها موتير الانسر بومه
وتيجى تبيع يفطسوا فيها ويقولك دى مغيره متور مع ان متور الانسر افضل
فانا عايزك تفكر لقدام لو احتجت حاجه جامده للعربيه لقدر الله هتعمل ايه
انا مره شفت تيجوا عايزه فرش لباب السواق وكان مغطيه بجلد وشكله
تعبان جدا
يعنى نصحتى ليك دور على قطع الغيار والصيانه قبل ما تدور على العربيه

رد: خايف اشترى التيجو واندم

اقتباس:

المشاركة الأصلية كتبت بواسطة كومندا (المشاركة 747355)

معهلش مع احترامى لحضرتك ايه العربيات اللى فى نفس الفئه الللى هى التيجو والكارينز مثلا مع فرق السعر الرهيب اللى هتلاقى ليها ارباع وانصاص ؟؟؟؟؟؟؟؟؟؟؟ حضرتك العربيات دى جديده وبعدين لو انا هاخد قرار شراء العربيه على ان ليها نص وربع يبقى مش هاتشترى حاجه خالص يعنى حضرتك مثلا الهيونداى الالنترا الجديده والاكسنت ار بى ماشتريش علشان لسه مافيش نص ولا ربع ليها !!!!!!!!!!!!!!!!!!!!!!!!! !!!!!!!!!