رد: مشكله فى دواره العربيه
 

هو كأجراء وقائى مفيش منه ضرر و فعلا ممكن يجيب نتيجة
خليك فى المنتجات صناعة USA مكتوب عليها fuel system cleaner فعلا غالبا معدية ال 50 جنيه و لو ناوى فى المستقبل تستخدمه تانى حيبقى مش قبل من 30 ل 40 الف كم تانيين عشان كتره ممكن يكون غلط


و متنساش دى ضرورى لان برضه عدم استمرارية المشكلة مقلل احتمالية انها وساخة رشاشات

رد: مشكله فى دواره العربيه
 

تمام يا رجاله

انا سالت على الزجاجه دى ومش لقيها هحاول فى اقرب فرصه سفر الاقيها فى اى محطه على الطريق وانا عرفت انها بتتحط على فول تانك 92 ويفضل لو على سفر بحيث العربيه تجرى وتحرق

عامتا انا هجرب وهوافيكم النتيجه باذن الله

تحياتى لكم اخوانى جميعا

رد: مشكله فى دواره العربيه
 

السلام عليكم اخوانى
اعتزر عن انقطاعى عن المنتدى وتاخرى فى الى وصلت ليه فى الموضوع ده
المهم علشان مش اطول

انا روحت لمكانيكى حبيبى اوى جاب ماده كده فى بخاخه بس هيه صناعه امريكى وفك المسطره الى جاى عليها خرطوم البنزين الى بيوزع البنزين على 4 رشاشات وفك 4 رشاشات ونظفهم بلماده دى
الرشاشات بقى كان بينزل منها حاجه زى تفل الشاى حجات زى الرمل كده بس سوده وناعمه اوى اوى وكذلك المسطره وغيرت طقم بوجيهات NGK 3 شمعه يابانى ومن ساعتها ما شاء الله عليها دورتها رجعت زى الفل والحمد لله

انا بشكر كل الى تابع وشارك برايه وبنصيحه فى الموضوع ده
بجد الواحد فى المنتدى هنا كانه وسط عيلته واخواته واصحابه

تحياتى لكم جميعا

رد: مشكله فى دواره العربيه
 

طيب الحمد لله على حل المشكلة ربنا يباركلك فيها يا رب

رد: مشكله فى دواره العربيه
 

فين المكانيكي ده عشان نرحلوا ؟؟؟