المشاركة الأصلية كتبت بواسطة fineart607 (المشاركة 570000)

الله يكرمك غير صورة التوقيع ابوس ايديك

المشاركة الأصلية كتبت بواسطة sharooo (المشاركة 571373)

السلام عليكم
اسف لو كنت ازعجتكم لدرجه ان تتعصبو زي ما هو واضح من كلامكم .
1-انا برد على الاخ الكريم على كلامه..ارجعو لكلامه هتلاقوه بيسالني ليه بلاش الصيني(مقلتش اسبرانزا)
2-انا بقول ارجعو ل يو تيوب...مقلتش اصلي سمعت..او صاحبي قالي
3-انا اتكلمت عن الجالينا عشان هي افخم الصيني واغلى حاجه فيه
4-اتكلمت عن ال لوبو عشان نزلت 2004 تقريبا..فاخدت وقت تم تجربتها من خلال الناس.وشفتهم بعنيا فعلا بيدللو عليها
5-انا اقسم بالله اني شوفت ال M11عند بتاع الكوالين بيصلح مكن الزجاج والي مش عايز يصدق القسم ده براحته
6-بالنسبه للقطع الاستيراد...حتى لو العربيه قدمت شويه..قطعها مش هتتوجد ويبقى ده عيب فعلى فيها..حتى لو حضرتك ما اقتنعتش بكده(طبعا مع كامل احترامي)
وبالمناسبه...كل حاجه موجوده استيراد للالانترا والسيراتو وكل الماركات الي تتخيلها وده مش كلام
7-انا مش برد وبس زي ما حضرتك تفضلت..انا بكتب رايي والي كتير من اعضاء المنتدى بيتفاعلو معاه ايجابيا والحمد لله
8-الاخ طارق السحت..هسال حضرتك سوال وجاوب لنفسك .مش شرط تكتبلي الاجابه.هو حضرتك امتلكت عربيات ايه قبل الاسبرانزا عشان تحكم الحكم ده عليها؟
انا الحمد لله امتلكت مازدا 929 ودايهاتسو شارد وفيات 126 وبولونيزوداتسون 120 وكرسيدا وبيجو 505و128 وبرايدونيسان سيديرك ولانسر وسيفيا وحجات تانيه وسقت سيارت كتير من اصدقائي على الطرق وكان منها الاسبيرانزا.وبفضل ربنا بعرف اقيم السياره كويس.واغلب ردودي بتكون من علم او تجارب شخصيه ومش بفتي الحمد لله
وبالنسبه للتاكسيات الي حضرتك قولت عليها..انا عايزك توقف5 او 10 تاكسيات منهم (بس يكون من الي عليهم اعلان)وتسالهم عن رايهم في ادائها ..يافندم حضرتك في مصر واغلب القرارات الاداريه الي بتتاخد مش سليمه لانها بتكون مبنيه على رشوه او اجتهاد شخصي او اي حاجه لكن عمرها ما بتكون مبنيه على اسس علميه ودراسه لاحتياجات السوق

وبعدين ربنا يملى عربياتكم الصيني بركه يا جماعه...بس انا راي فيها زي ما كتبت للاخ الكريم صاحب الموضوع

وبعدين حضراتكم زعلانين ليه؟؟ مانا اكتبت تعليق تاني بعد ما رديت على الاخ الكريم وقلت ان ده وجهه نظري التي تحتمل الصواب والخطأ ومكنتش بفرض رايي على حد!!للاسف ومع كامل احترامي لوجهات نظر الاعضاء الكرام لكن كان ممكن توصلوهالي بطريقه اشيك من كده
اخيرا شكرا لذوقكم وبكرر اعتذاري لوكان كلامي دايقكم..بس اتفرجو على الفيديوهات ده

http://www.youtube.com/watch?v=f7rrk3ZjN-I

شوفو العربيات ده..وخاصه ال سمارت الالماني ..صغيره ومع ذلك شوفو الكبينه متاثرتش
http://www.youtube.com/watch?v=mz-s1...eature=related
وده الاختبار بتاع العربيه..انا مش شايف الاستابيلتي الي حضرتك بتوصفها..الكوتش بيصفر بشده والعربيه بتميل جدا وهم بيعدي بين الاقماع
http://www.youtube.com/watch?v=Qf-TkNIN6XY
http://www.youtube.com/watch?v=cu95gB04VC4

المشاركة الأصلية كتبت بواسطة sharooo (المشاركة 569994)

السلام عليكم
1- شوف اختبارات الامان على يو تيوب..شوف العربيات ده بتاخد كام نجمه(انا شفت اختبار ل جيب صيني...والله التابلوه اتكسر والدميه نفسها ..دراعاتها انفصلت ورجليها اتكسرت...وشوفت اختبار ال جالينا..مش هوصفلك شوفه بنفسك)
2-شوف الجالينا مثلا اول ما نزلت كانت ب 160 وبالحجز..والنهارده في حدود 75 الف زيرو على حسب ما سمعت
3- شوف اكتر عربيه كانت ناجحه في الجيل الاول من العربيات الصيني(هافي لوبو) كانت ب 65 الف . والنهارده اصحابها بيدللو عليها ب 20 الف ومش لاقين الي يشتري
4-مفيش قطع غيار...والعربيه نفسها اخرها 3 او 4 سنين وتفتح بقها
5-كمالياتها كولها بتتلف بعد فتره بسيطه من الاستخدام(انا شفت M11 عند بتاع الابواب ..الكراسي بكيسها لسه ومكن الزجاج بتاعها بايز)
6 -ملهاش قطع غيار استيراد.فلو العربيه عملت حادث لا قدر الله واحتاجت نص قدام بالمتور والعفشه والضفيره...مش هتلاقيهم او هتضطر تشتريهم بالواحده من التوكيل (ده اذا كان لماركتها وكيل من اساسه)
7-هتلاقي اسوا خامات ..هتلاقي الضفيره فيشها نشفت من الحراره واتكسرت..والفوانيس طوست لوحدها ...وحجات كتير غريبه
العربيات الصيني وصلت امريكا من زمان ودلوقتي وصلت اوروبا كمان(وكانت ممنوعه قبل كده تدخل اوروبا)..بس للاسف مش ده العربيات الي المستوردين بتوعنا بيجيبوهالنا هنا في مصر

مترميش فلوسك في الارض .واشتري ماركه معروفه وقطعها موجوده
:THE_PR~18: