مصر موتورز مجتمع السيارات - تعرف حاجة عن السيارات فى ليبيا؟؟؟؟

بالنسبة للمعيشة

لو حسبتها بالجنية المصرى (يعنى كل ما تشترى حاجة تضربها * 4.25 وتقارنها بسعرها فى مصر) هتلاقى انها زى مصر تقريبا

لكن الفرق هو انك فى مصر مثلا هتاخد 1000 جنية وهتشترى كل احتياجاتك مثلا ب 800 جنية الباقى ليك يبقى 200 جنية مصرى (دة مجرد مثل)

هنا هتاخد بردو 1000 دينار هتشترى كل حاجاتك ب 200 دينار (نفس الحاجات اللى هتشتريها فى مصر لكن تقسم على 4.25 ) وهيتبقى معاك 800 دينار

يبقى الفرق فى الحتة دى اللى يارب تكون فهمتها كويس (انا حاولت اوضح على اد ما اقدر)

بالنسبة للسكن ودة هو اصعب حاجة خصوصا لو انت عازب مش متجوز فى السنوات الاخيرة بعد هجوم الناس بشكل كبير اوى على ليبيا ظهرت المشكلة دى بشدة

لكن هى مش بنفس صعوبة مشكلة السكن فى بلاد تانية يعنى الموضوع هنا بيحتاج مجهود فى البحث لكن هتلاقى فى الاخر

بالنسبة الى تكلفة السكن فى تفاوت كبير طبعا بين الشقق وبعضها حسب مساحتها والمنطقة اللى هى فيها وكمان من حيث اللى هيسكن متجوز او عازب

طبعا لو عازب بتكون اغلى شوية لان الاسرة او العيلة بتكون اضمن واكثر راحة لصاحب البيت
وكمان لان العزاب ممكن اربعة يشتركو فى شقة واحدة

لكن انا مش عايز اديك ارقام معينة فى موضوع السكن علشان الموضوع فعلا متفاوت جدا ومالوش معيار محدد

اما بالنسبة الى تثبيت الموضوع او لا دى حاجة ترجع لحضرتك انا اصلا معرفش اية الفرق بين التثبيت او عدم التثبيت

اللى تشوفة انت ياباشا