مصر موتورز مجتمع السيارات - بالله عليكم شوفوا الفرق و قولوا رأيكم

مصر موتورز مجتمع السيارات (https://www.masrmotors.com/vb/index.php)

- صور وفيديو الأعضاء (https://www.masrmotors.com/vb/forumdisplay.php?f=57)

- - بالله عليكم شوفوا الفرق و قولوا رأيكم (https://www.masrmotors.com/vb/showthread.php?t=71104)

رد: بالله عليكم شوفوا الفرق و قولوا رأيكم

اقتباس:

المشاركة الأصلية كتبت بواسطة محمد فيصل (المشاركة 544678)

بسم الله ما شاء الله
بارك الله لحضرتك فيهما ورزققى برهما وحبهما ان شاء الله

السلام عليكم و رحمة الله و بركاته
الله يبارك لك يارب
جزاك الله خيرا
جزاكم الله خيرا جميعا و بارك الله لكم فى أزواجكم
وزوجاتكم و ذرياتكم و هداهم و هدانا جميعا و جمعنا فى الفردوس الاعلى آآآآآآآآآآآآميييييييييييي ييين
اشكركم جميعا على ذوقكم:01FDAB~189:

و عيد أضحى سعيد على كل المصريين يا رب
مسلمين و مسيحيين وكل من يحمل الجنسية المصرية و على العرب جميعا يا رب العالمين:03895E~170:

رد: بالله عليكم شوفوا الفرق و قولوا رأيكم

اقتباس:

المشاركة الأصلية كتبت بواسطة HaMaDa-ToUBaR (المشاركة 544683)

بسم الله ما شاء الله ربنا يباركلك فيهم يا بشمهندسة

حضرتك فكرتينى بوالديتى من 5 سنين لما كان عندى 18 سنة كانت بتشد فى شعرها منى

بس انا كنت بسمع الكلام فى كل حاجة ماعدا المذاكرة وكان فى بينا معارك شرسة ايام الثانوية العامة اياااام سودة

انا والدتى فضلت تذاكرلى لحد اعدادى ومكنتش ولا باخد دروس ولا اى حاجة ولا كنت بخرج ولا كان ليا اصحاب للاسف ..

دخلت الثانوية وفى ثانية ثانوى ... قالو يسبونى افك شوية واعرف اصحاب واخرج وكدة

طبعا الانفتاح بعد الحرمان السنين دى كلها بوظ الدنيا ومكنتش بروح الدروس فى ثانوى واروح السيبر اعد ع النت . والسنة انتهت بمجموع زى الزفت 66.6

طبعا ميدخلينيش حاجة ... وشدونى تانى فى تالتة ثانوى والدروس فى البيت وممنوع الخروج طبعا كنت دايما بتشاكل معاها ومتضايق خصوصا بعد ما جربت طعم الحرية والصياعة .. بقى صعب ارجع اتحبس تانى ...

بس كانت النتيجة انى فى تالتة ثانوى جبت 94% .. طبعا حضرتك شايفة الفرق ازاى !!

ودخلت كلية تجارة جامعة المنصورة ولحد انهاردة بقول لولا والدتى كان زمانى صايع ومش لاقى حاجة ادخلها .

انا رغيت كتير بس الى انا عاوز اوصلة لحضرتك انك اعملى الى عليكى فعلا ومتخافيش من اى حاجة ولا تعملى اعتبار لاى ردود فعل .... لانهم فى الاول وفى الاخر هيقدرا الى انتى عملتية دة كويس وهيعرفوا ان لولا الى انتى عملتية مكنوش هيوصلوا للى هما فية .

حضرتك بتقولى بيعندو ودة فعلا حقيقى وانا كمان لما كنت بزعل وساعات بسيب البيت واعند وبينى وبين نفسى اقول هما الى غلطانين وهما وهما ... وشوية بس اول ما اهدى واعقل كدة بعرف انى طلعت بعند ع نفسى مش عليهم وبرجع تانى ..

وربنا يوفقك ويعينك وربنا يعوضك تعبك كلة خير فيهم

اشكرك و بارك الله فيك
و فعلا انا بالضبط كنت اذاكر لهم كل المواد حتى 3 إعدادى و كان التفوق واضح جدا
لدرجة كل المحيطين كانوا يحسدوننا و يقولوا ده انتى موفرة فلوس كثير ندفعها للدروس الخصوصية
و سبحان الله اول ما دخلنا عل الثانوية العاميه دى ظهر التمرد فى المذاكرة و اصبحوا يقولوا لوالدهم هى ماما واخدانا مقاولة من KG1 كل اصحابنا بياخذوا دروس و من هنا فعلا على رأيك بدأت المصيبة و الخروج للدروس و دخول السيبر مما اضطرنا لدخول النت فى البيت افضل من السيبر اللى كله رائحة سجائر و قرف
و بدأت معهم طرق اصلاح عديدة و لسة أجاهد حتى الآن و ربنا يستر:sd::sd::sd:

رد: بالله عليكم شوفوا الفرق و قولوا رأيكم

اقتباس:

المشاركة الأصلية كتبت بواسطة AboNoRa (المشاركة 544684)

ربنا يباركلك فيهم ويارب بس اشوف اسلام ابنى قدهم :30p[1]:
بسم الله ماشاء الله ،، ربنا يحميهملك يا مدام سلوى صورهم وهما صغننين ماشاء الله جميلة وهما كبار اجمل ،، هما بس يمكن اتحمصو شوية من الشمس :fun_36_3_13[1]:

تحياتى تقديرى لحضرتك والاسرة الكريمة وعيد سعيد عليكم ان شاء الله :01FDAB~189:

ربنا يبارك لك يا أ \ وائل و تشوف اسلام راجل و تفرح به و يكون قرة عين لك و لوالدته
أشكرك على ذوقك و مرورك الكريم
و عيد سعيد عليك و على الاسرة الكريمة وعلى مصرموتورز كلها
:03895E~170:

رد: بالله عليكم شوفوا الفرق و قولوا رأيكم

ربنا يباركلك فيهم

رد: بالله عليكم شوفوا الفرق و قولوا رأيكم

بسم الله ماشاء الله لا قوة الا بالله
ربنا يبارك لحضرتك فيهم ويجعلهم سعداء وابرار بحضرتك ووالدهم
ويبعد عنهم كيد الشيطان واعوانه من الانس والجن اجمعين