رد: الخوف من السواقه
 

الف مبروك و ربنا معاك ويسترها معانا جميعا و عقبالي يا رب لما اتخلص من مشكلة الخوف دي انا مبتدء في السواقة وعندي 35 سنة و تقريبا ده السبب لما الواحد بيتعلم علي كبر بيقابل المشاكل دي
انا فعلا بخاف من السواقة جدا مع ان دي مش طبيعتي و ده محيرني جداااا
اتمنى من الله انه يسهلي الموضوع ده و الله المستعان و شكرا يا استاذ هريدي انك اثرت الموضوع ده
و ربنه يجعلة في ميزان حسناتك

رد: الخوف من السواقه
 

يعم الحج فى لعبة اسمها GTA San Andreas

حاول تلعب اللعبة دى كتير فى البيت وتحاول انك متكسرش ولا اشارة ومتخبطتش العربية خالص
اول مره هتلعب اللعبة هتخبط العربية كتير
ثانى مره هتخبطها بردوا بس موش كتير
بعد كده هتلاقى نفسك اتعودت انك تحافظ على العربية وعلى الناس
بعد كده حاول تمشى فى اللعبة دى بسرعات كبيرة هيا فيها طرق سريعة اطلع على طريق سريع واجرى بالعربية وحاول متعملش حوادث كتير بالعربية على الطريق السريع

اللعبة دى معموملة بطريقة فيها محاكاه للواقع وكل عربية هتلاقيها غير الاخرى يعنى هتلاقى العربيات الامريكانى فى اللعبة اتزانها على الطريق موش سهل التحكم فيها فى الملفات
هتلاقى العربيات السيدان كويسة وسلسة جدا
المهم قوى نفسك باللعبة دى الاول كتير وهى هتفتح نفسك للسواقة بعربيتك وهتخليك تحب العربية وتحب تنزل بيها وتنسى خوفك
-------------------------------------------------------------------------------------
وفى طريقة اخرى بردوا انا كان عندى خوف زى حضرتك فى الاول روحت نازل دورت على عربية لادا واعدت اطلع بالعربية اللادا دى كل شوية وادخل بيها شوارع زحمة والعربية اللادا كانت قديمة اوى والدريكسيون تقيل جدا والفيتيس والديبرياج اصعب واصعب والفرامل كانت تعبانة والعربية مكنتش بتقف بسهولة وربنا كان بيسترها بعد ما طلعت باللادا كتير وبعد كده جربت 128 بردوا كتير وبعد كده جربت 124 فيات كتيررررر
النتيجه الان ان لما بسوق عربية حديثة من العربيات اللى موجوده الان بعرف احس بالفرق وطبعا موضوع الخوف الحمد لله اختفى بس الحذر موجود لان الحذر ده شئ أساسى فى القياده ولا غنى عنه لازم تركز ويكون عندك حذر لحسن تخبط حد وربنا يسترها عليك وعلينا وانت نازل من البيت بردوا قول دعاء النزول بسم الله توكلت على الله ولاحول ولا قوه الا بالله
ولما تركب السياره قول ((الحمد لله الذي سخر لنا هذا وما كنا له مقرنين)) واقراء المعوذتين وقول هو الله احد
علشان الحسد وربك يسترها

رد: الخوف من السواقه
 

عادي يا اخي واللي انت فيه ده طبيعي جدا وده دليل انك انسان محترم ومسؤل وبتخاف على الاخرين
بص ياسيدي انت خاي خروجك في اوقات الهدوء وبعيدا عن الزحمه يعني بالليل متأخر والشوارع فاضيه عشان تتخلص من الخوف واللخمه وسوق اطول وقت ممكن وخش في اماكن واسعة الاول ولف ودور بالعربيه عشان تعرف تتحكم في العربيه ازاي في الملفات والمنحنيات واركن مرة بوش العربيه ومرة بضهرها ومافيش مانع تنزل تبص على وضع العربيه عشان تشوف ركنتك كانت ازاي ومره على مره هاتبقى معلم وجمد قلبك وان شاء الله مستوره والخوف اللي عندك ده مش جبن ولا مؤاذخذه ابداااااااااااااااااااااا ااااااااااااا ده حذر وشيئ جميل ومحترم يالله بقه قوم اخبط واحد شاي تقيل وفي خلال 3 ايام بامر الله هاتقول عايز اسافر شرم بالعربيه بس ماتنساش انا معزوم في الرحلة دي ...............ماشي ؟ وربنا يوفقك ويوفق الجميع للخير وعلى فكره واحد صاحبي اشتريت له عربيه ورحت له بالليل عشان اعلمه السواقه حلف عليا بالطلاق مايركبها وده طبعا من رهبة التجربة ...تعالى اتفرج عليه دلوقتي قرب ينام في العربيه ومراته بقت تغير من العربيه من كتر صياعته وسفره بيها هههههههههههههههه

رد: الخوف من السواقه
 

أتفق معاك فى الرأى
تحياتى:GROWIN~12::GROWIN~ 12::GROWIN~12::GROWIN~12:

رد: الخوف من السواقه