مصر موتورز مجتمع السيارات - انقذوا الناس من الــ M11

مصر موتورز مجتمع السيارات (https://www.masrmotors.com/vb/index.php)

- M11 , M12 (https://www.masrmotors.com/vb/forumdisplay.php?f=190)

- - انقذوا الناس من الــ M11 (https://www.masrmotors.com/vb/showthread.php?t=70276)

رد: انقذوا الناس من الــ M11

اقتباس:

المشاركة الأصلية كتبت بواسطة طارق السحت (المشاركة 536804)

ليه أى عربيه اسبيرانزا بالذات؟

وليه مايكونش أى عربية زى البطيخه ؟؟
وليه مش فاكر موضوع تيوتا مثلا ومركز فى الأسبيرانزا رغم انك لا تملكها ؟؟؟ وشكرا

الراجل بيقول لحضرتك أنه كان بيفكر فى الm11 ولما شافها قال يسأل الراجل عنها وأعتقد ان الكلام منطقى جدا ومفهوش حاجة مريبة
وجملة الأسبيرانزا عاملة زى البطيخة دى جملة أصحاب الأسبيرانزا نفسهم همه اللى قالوها ...يبفى برضوه الراجل مقلش حاجة ولا تجنى على العربية
أنا لا أدافع عن أحد ولكنى أقول ما أراه وما أنا مقتنع به وعن نفسى الأسبيرانزا حلوه على قد فلوسها لكن كان المفروض تبقى أحسن من كده لأنها عربيات كويسة لو أتقفلت كويس .....وشكرا لك

رد: انقذوا الناس من الــ M11

يا ريت اللى مجربش العربيه او اشترهاما يفتيش
العربيه ممتازه وعيوبها معروفه وغير مؤثره
ما المزايا كثيره
الثبات 170 كم على طريق السخنه ومحمل 5 افراد
قوه الصاج التصادم مع عمود مسلح كنت بفادى واحد معدى خبطات خفيفه فى الرفرف موصلتش للكبوت و القايم
الاوبشن كتييييييييييييييييييير زى العربيات الهاى لاين عدا الاتوماتيك وفتجه السقف
العفشه احسن من عربيات فى نفس سعرها
الفرامل ممتازه حتى من غير abs
الحمد لله 36000 كم منذ 11\2009 وكل يوم حبى لها بيزيد
الخلاصه السياره صفقه رابحه للى مابيخافش من الصينى
والله على ما اقول شهيد

رد: انقذوا الناس من الــ M11

سلام عليكم
ياخونا انامعايا الm11بقالي سننه و4 شهور وانا قبل ما اجبها كنت معجب بفخامتها جدا جدا وده اللي شجعني اجبها بالرغم من التخوفات الكتير اللي كانت جوايا بس انا احب احكي تجربتي معاها بعد 25 الف من السفر والمطبات والسواقه السيئه اللي في مصر:
اولا:هاتكلم عن المميزات:

العربيه كشكل عالي جدا وفخامه وتبقى قاعد مستريح جدا وانت سايق.
الصاج جامد جدا ويستحمل واكثر في السمك من اغلب العربيات الاخري ومرن كمان لاني جربت ده اول شهر جبتها فيه في اكثر من تصادم من الخلف بعربات ربع نقل والعربيه تستحمل كويس ,ولوحد ركن عليها الصاج مايدخلش جوا مثلا
الثبات بامانه عالي جدا جدا الحقيقه وعلى سرعات عاليه 140 وانت طالع وفي الملفات مافيش اثبت منها حقيقي,العربيه تقيله جدا على الطريق كوزن.
المكنه ملهاش صوت وادائها جيد وماعملتش مشاكل معايا حتى الان .
الاوبشن اللي فيها رائعه جدا.
التوكيل في المنصورة معقول بس احيانا بحس انهم لسه مش فاهمين في العربيه واحيانا بيكبروا دماغهم مش عاوزين يفكروا.معقول على قد المشاكلاللي بتبان في العربيه.

العيوب:
السحب: معقول لكنه مثلا اقل من الكوري بس ده يرجع لوزن العربيه الثقيل بس في نفس الوقت العربيه بتشد معاك كويس على الطريق.
استهلاك البنزين عالي شويه.
الفتيس ناشف واحيانا بيزرجن في النقل للاول والخلف
بعض الاكسسورات المصنوع منها السياره زي الاكر مثلا والجوانات بتاعه الابواب تبوظ بسرعه مع الاستعمال السيئ بس ده عيب ممكن يطنش له حل
اما بالنسبه لقطع الغيار فانه لسه ماجربتش التوكيل في الحكايه ده لاني لسه ماحتجتش اني اغير اي حاجه في العربيه
وده شهاده لله عن تجربتي مع العربيه

رد: انقذوا الناس من الــ M11

اقتباس:

المشاركة الأصلية كتبت بواسطة agiad_doctor (المشاركة 537126)

العربيه كشكل عالي جدا وفخامه وتبقى قاعد مستريح جدا وانت سايق.
الصاج جامد جدا ويستحمل واكثر في السمك من اغلب العربيات الاخري ومرن كمان لاني جربت ده اول شهر جبتها فيه في اكثر من تصادم من الخلف بعربات ربع نقل والعربيه تستحمل كويس ,ولوحد ركن عليها الصاج مايدخلش جوا مثلا
الثبات بامانه عالي جدا جدا الحقيقه وعلى سرعات عاليه 140 وانت طالع وفي الملفات مافيش اثبت منها حقيقي,العربيه تقيله جدا على الطريق كوزن.
المكنه ملهاش صوت وادائها جيد وماعملتش مشاكل معايا حتى الان .
الاوبشن اللي فيها رائعه جدا.
التوكيل في المنصورة معقول بس احيانا بحس انهم لسه مش فاهمين في العربيه واحيانا بيكبروا دماغهم مش عاوزين يفكروا.معقول على قد المشاكلاللي بتبان في العربيه.

:14FEAD~151::14FEAD~151:و انا يا اخى من ملاك العربيه هيه بألها معايه دلوقتى شهرين وعامله 4000 كيلو وبالرغم من انى عارف انه لسه بدرى على ما اعرف عيوب العربيه بس انا حابب انى اقول ان العربيه ممتعه جدا فى سواقتها بغض النظر عن مشاكل التقفيل الناتجه من عدم الدقه والإهمال من الوكيل....
وعلى فكره انا مختلف معاك فى موضوع السحب.. انا شايف ان السحب معقول جدا عند 3000 RPM ورائع عند 4000RPM وفيما فوق......هوه فعلا كنت تحس ان العربيه مخنوقه فى بداية ما استلمتها ولكن دلوقتى ويم بعد يوم كل ما بقرب من ال 5000 كيلو بحس ان العربيه اداءها بيعلى...... بسم الله ماشاء الله.
واحب اوضح ان مافيش عربيه فى الدنيه مافيهاش مشاكل... وبالرغم من كده معظم مشاكل العربيه اللى شوفتها واللى سمعت عنها وأرتها هنا فى المنتدى عيوب تقفيل من الوكيل (حسبى الله ونعم الوكيل)...
وعايز اقول حاجه عن توكيل ابو رواش انا طبعا روحت فى صيانة ال 1000 كيلو وكان عندى مشكلتين
1- ظبط زواية.
2- حراره بحس بيها من تحت الدريكسيون.
3- العفشه بتزيق بصوت خفيف جدا ماتسمعهوش غير فى مكان هادى.
الناتج بعد الصيانة:
1- تم ضبط الزواية بس عوجلى الدريكسيون.
2- المهندس المسؤل قالى انه حل مشكلة الحرارة بتأكيد على تربيط فتحات التكيف بس الحرارة لسه موجوده مع العلم انى بخلى اللمبه بتاعة مفتاح التكييف اللى فى النصف منورة (اللى عليها السهم ملفوف). زى ما قلى المهندس.
3- العفشة بتزيق لسه بس على فترارت... يعنى ايام تزيق وايام لأه.
ده غير ان المهندس المسؤل وبعد انتظار فى التوكيل فوق ال 5 ساعاة سلملى العربيه وهوه بيجرى علشان يلحق العربيات اللى هاتروح...
ده كل اللى عندى.
1- تم ظبط الزواية

رد: انقذوا الناس من الــ M11

يا جماعة من غير تعصب، كل المنتجات الصيني مش بس في العربيات بطيخة مقفولة وإنت وحظك؛ وده هو سبب رخص هذه المنتجات، أنا ساعات بأجيب الحاجة الصيني وتعيش وزي الفل، وساعات تيجي وتبوظ بعد أيام. وأعتقد إن ده أمر بق لا جدال فيه. والله العظيم أنا جبت كاسيت صيني لعربيتي فلاشة وكارت ميموري، ومن أول يوم والفلاشة لما بأشغل ملفاتها الملف مش بيكمل لللآخر وبيقطع، وكذلك كارت الميموري، والراديو طالع ونازل ومش ثابت على الموجة، طبعا هيدخل واحد ويقول بالعكش أنا جبت تسجيل صيني وزي الفل. وده بيأكد إنه بطيخة مقفولة، وبختك يا أبو بخيت.
أنا شخصيا مستحيل أشتري عربية صيني، إلا لما نظرت الصين عن المصريين تتغير، ونظرة المصريين عن نفسهم تتغير، ويبدءوا يستوردوا من الصين أفضل ما عندهم مش العكس، للأسف الجشع بيخلي المستورد المصري يطلب الرخيص وبس.