|
رد: حكايه صديقى والسياره الملعونه-2 روايه رعب واثاره وتشويق
مستني بقيت القصه
بصراحه طلعت جامده |
رد: حكايه صديقى والسياره الملعونه-2 روايه رعب واثاره وتشويق
-16-
انزعجنا جدا عند اتصال رشدى بنا انا وهشام وهو يصرخ: -الكلب 00كان عايز يقتلنى وعندما ذهبنا اليه فى منزله كان يعلق ساعده ويتحسسه فى الم 00 قال هشام: -ايه اللى حصل؟ قال رشدى حانقا: -امبارح بالليل وانا راجع00 عربيه خبطتنى من ضهرى ولولا واحد صرخ وقال لى حاسب00كانت خلصت علىّ قلت: -يا ساتر يا رب مخدتش نمر العربيه؟ -ما كنش عليها نمر 00اكيد هو عادل لانى لمحت اللى سايق واحد يشبهه جدا والله اعلم00اللى صعبان عليا الاتنين كيلو فراوله اللى اتبدروا ف الشارع! قلت: -اكيد هو؟! بس ح يعمل كده ليه؟ هوه عايز العربيه00لكن انت؟! معتقدش يا راجل قال هشام: -انا حاسس ان الملعونه بتطارده ويمكن يا أحمد راح لحد قاله ان خلاصه فى حرق العربيه او قتل رشدى00وطبعا قتل رشدى اسهل! وضحكت: -الظاهر كده فعلا 00لكن رشدى طلع محجب زى عربيته! قال رشدى متعجبا: -خلاص ايه00احنا ف ولاده؟ انا مش فاهم حاجه؟! قال هشام: -ولا عمرك هتفهم يا بتاع الفراوله قلت : -نسيت اقولك على اللى حصل وحكيت له قصه الدكتور علّق منزعجا: -نعم!!00اولع فى العربيه00مجنون ده ولا ايه! دا اكيد رجل اهبل وبيخرف00لا00مستحيل وايه التانيه دى كمان00نشتغل مباحث لسيادتها ونجيب القاتل وبعدين نقتله00يا حلاوه00دكتور خلل وجنان 00داهيه تخده قلت: -انا برضه مقتنعتش بالكلام هشام: -ولا انا بس ايه الحل؟ رشدى: -احنا لازم نشوف شيخ بركه يحل المشكله اذا كانت مسكونه زى ما قال قال هشام: -هوه فيه بركه تغلب بركتها يا راجل00!! قال رشدى منتحبا: -كانت شوره سوده00كانت شوره سوده00وانا المغفل شربتها زى الجردل قلت: -انت ح تغنيها00ما انت اللى عملت ناصح00وياريتك شربتها لوحدك 00لكن مورطنا معاك00انا خلاص زهقت من الموضوع ده00وكل واحد فينا يشوف حاله نظر لى هشام وقال: -هوه ده الكلام 00 هوه من طريق واحنا من طريق! انزعج رشدى جدا وانتفض: -هيه دى اخرتها00تسبونى غرقان وتخلعوا00هيه دى اخلاق الرجاله؟ قال هشام: -ياروح ما بعدك روح -حرام عليكم 00ح تسيبوها تخلص عليا وعلى فلوسى 00آه يا فلوسى00آه ياخيبه سودا قلت: -انت ح تعيط على شويه فكه00بينا نروح للراجل نولع فيها ونخلص قال: -على جثتى00تولعوا فيها وانا جواها قال هشام: -للدرجه دى؟! -واكتر00 دى ألوفات 00الوفات قلت: -يعنى تقتل انسان ولا تحرق عربيه؟ -لا دى ولا دى00اكيد ح ابيعها واخلص انا متنازل عن السعر اللى طلبته00انا عايز فلوسى وتغور قلت: -اخيرا عقلت00خد فلوسك وانفد بجلدك00او اقول لك نرجعها لحسن وتاخد فلوسك لمعت عيناه وقال: -ايوه00فكرة00هو الكلب حسن00النصاب الحرامى00يا انا يا هوه قال هشام: -مفيش غير كده00نضغط عليه بأى شكل قلت : -الموضوع صعب00تفتكروا ممكن يوافق؟ قال رشدى: -انا يا قاتل يا مقتول 00بالرزاله بقله الادب بأى وسيله ح ياخدها يا عمره قلت: -واحنا معاك قال هشام: -تفتكروا ان اللعنه ح تزول بعد ما تخلص م العربيه؟ قال: -قصدك ايه؟ -ما هى اللعنه مازالت تطارد عادل -لكن حسن لا00بعد ما خلص منها قلت : -ياريت يكون كلامك صحيح وما كدت انهى عبارتى حتى كان بسام صديقى العزيز يحادثنى من فلسطين! تتبع باذن الله |
رد: حكايه صديقى والسياره الملعونه-2 روايه رعب واثاره وتشويق
متبعين بشغف
|
رد: حكايه صديقى والسياره الملعونه-2 روايه رعب واثاره وتشويق
كل يوم بتزيد حلاوه عن اللى قبله
|
رد: حكايه صديقى والسياره الملعونه-2 روايه رعب واثاره وتشويق
-17-
كان صديقى بسام عند حسن الظن به فجمع لنا معلومات فى غايه الاهميه اصبحت نقطه فارقه فى حكايتنا والمعلومات التى اوردها امست طريقنا الصحيح نحو النهايه لحل هذا اللغز الذى ارقنا لايام وليالى00فالسيده التى وجدنا كرتا لها بالسياره00كانت تعمل بالشركه المذكوره منذ اكثر من عام قبل ان تقتل فى حادث غامض بسيارتها ولم يعرف الفاعل ويقال انها كانت ذات علاقات متشعبه ومشبوهه ويقال ايضا ان جثتها اختفت من المشرحه قبل دفنها! فتحت الايميل الخاص بى لارى ماذا بعث لى بسام00 وكانت المفاجأه المدويه! لقد ارسل صديقى الصحيفه التى نشرت الخبر الذى كان حديث الساعه وقتها وتتصدر الصفحه صوره هذه السيده00 والتى هى00 السيده الملعونه!!!!!!! لم استطع الانتظار لحظه فطلبت رشدى وهشام فحضروا على الفور00لاريهم صوره السيده التى تطاردنا لكن كانت المفاجأة!!!!! كل شىء كان قد محى من على الجهاز وكأنه لم يكن! حاولت استرجاعه لكن بلا جدوى00فاتصلت ببسام وطالبته باعاده الارسال00 وقد فعل وعندما فتحت الرساله مره اخرى رأينا الصفحه المنشور بها الخبر وكانت الصوره مازالت موجوده لكنها مشوهه بلا معالم ولا يمكن التعرف على ملامحها! اخذتنى الحيره وخالجنى بعض الخوف وطبعا لم نقرأ حرف لاننا لا نعرف حرف من اللغه اللعينه قال هشام: -العربيه بتاعت رشدى هيه العربيه اللى الست اتقتلت فيها قلت: -ليس بالتأكيد لكن محتمل قال رشدى مفزوعا: -يانهار أسود00 مقتول فيها قتيل00انا مش ح عتب بابها بعد كده قلت: -ميبقاش قلبك خفيف00يعنى ح نشوف ايه اكتر من اللى حصل00وبعدين الكلام ده مش مؤكد مجرد احتمال قال رشدى: -انتوا نسيتوا ان العربيه مستورده وتقريبا هيه الوحيده بمصر فى الموديل ده اللى مستورده قال هشام: -كلام منطقى 00احتمال كبير قلت: -يا جماعه منسبقش الاحداث ودى مهمتك بكره يا رشدى تستعلم عن العربيه00تحاول تعرف تاريخها وجايه منين وفى اليوم التالى تقابلنا فى المساء فى مقهانا00جلس رشدى وهو يلتقط انفاسه00 فبادرته: -عملت ايه؟ -العربيه دى دوختنى النهارده -ايه اللى حصل ؟ -الزفت عادل جايبها من بورسعيد ومخلص جماركها قلت: -يعنى مستورده فعلا -للاسف00آه قال هشام: -كده يبقى اللغز اتحل قال رشدى: -انا دماغى ورمت قلت: -الله يكون فى عونك قال هشام: -سافر بورسعيد هات قرارها -هيه ناقصه مصاريف -والله ما عندك دم قلت منهيا الحوار بينهما: -كلهم ساعتين وعشرين جنيه يا رشدى فكر رشدى : -الامر لله قضينا سهرتنا وعند انصرافنا ركبنا سياره هشام للعوده 00 فقال رشدى: -انا عايز اروح للحته اللى عطلت فيها العربيه قال هشام مندهشا: -ليه؟ -معرفش00النور اللى شفته هناك مش قادر انساه -نور ايه يابنى00انت اتجننت ولا ايه؟ اقولك بكره00 بكره قلت : -احنا لازم نروح بكره للراجل اللى اسمه حسن نتفاهم معاه ونحاول نضغط عليه ونخلص0 وعزمنا الامر على ان نحاصر حسن بكل الطرق الممكنه ولكن ما حدث فى اليوم التالى كان غريبا جدا! تتبع - |
| الساعة الآن 01:14 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017