رد: يا أهل الخبرة .. افتونى فى الماروتى المستعمل جزاكم الله خيرا
 

طب حضرتك ايع رائيك فى ال 128 و 127 يعنى مش لازم حيطلعو عينك لو جيبها حالتها حلوة و نضيفة ب 20000 الف تقدرى تجيبى حاجة جميلة 128 و 15 تجيبى احلى 127 وكتير كمان و استخيرى ربنا بردو و انا معايا زيك بالظبط على فكرة وصليت استخارة و استريحت لل 128 يا ريت تستخيرى ربنا بردو و اوعى و الملل الصبر احلى حاجة و دايما اسالى ناس بتفهم ويفدوكى فى الحكاية دى

رد: يا أهل الخبرة .. افتونى فى الماروتى المستعمل جزاكم الله خيرا
 

انا فعلا فكرت فى ال128 فى البداية لان دى اللى اتعلمت عليها السواقة , فى البداية الموضوع كان ماشى كويس وكان قدامى واحدة ب11000 وممكن تنزل وكانت حالتها كويسة الى حد ما وبعد الاستشارة قالولى ماجبهاش , قوللى ليه , اقولك ..
اخويا الكبير جاب لادا ب16000 من واحد جاره وبجد بجد اتلسع فيها جامد والعربية بقت عبارة عن ماسورة فلوس مفتوحة , لالالا بلاعة , لالالالا بعيد عنك بكابورت بيبلع فلوس , كان الله فى عونه , وكانت غلطته انه ماكشفش عليها وخد الكلام من جاره على طول , والتانى طبعا ماصدق خلص منها الله يسامحه , المهم ان والدتى ربنا يديها الصحة هى اللى كانت مسلفاه فلوس العربية , قررت ماتدينيش فلوس لعربية مستعملة , فكل ما اجيب لها سيرة عربية موديلات التمانينات او التسعينات ماترضاش , وطبعا اعلى من كده غالى , اقصد هايكون اكتر من 20000 اللى هى حيلتى , عشان كده مش قدامى غير القسط , وطبعا مش مستعجلة خالص , وقبل ما افكر اجيب عربية طبعا لازم اقول لاهل الخبرة واولهم حضراتكم طبعا , وكل تأخيرة وفيها خيرة , ويارب يرزقنا كلنا اللهم آمين

رد: يا أهل الخبرة .. افتونى فى الماروتى المستعمل جزاكم الله خيرا
 

والله الاول معلش يعنى بس عارفة لازم الواحد يتلسع كده فى حبت عربيات مفيش حد شاطر على طول بس يعنى انا البقولو لو تجيبى حاجة 128 موديل 98 او 99 مثلا تكون لسه مش بقالها كتير و اهم حاجة تكون فبريكاا ومفهاش اى غلطة علشان انا بردو كنت زيك وعايا 20 و فكرت فى جديد بس قولت حرام الاقساط دى حتبقى تقيلة يعنى فا دورت و قولت لكذا واحد يشوفلى واحدة 128 حلوة و الحمد لله جبت واحدة 98 ب 19 ونص و ما شاء الله حلوة يعنى حسيت انى مستريح فيها و اهم اهم اهم حاجة والله صلى صلاة استخارة

رد: يا أهل الخبرة .. افتونى فى الماروتى المستعمل جزاكم الله خيرا
 

رد: يا أهل الخبرة .. افتونى فى الماروتى المستعمل جزاكم الله خيرا
 

انا بحاول اتعلم من أخطاء غيرى بحيث اطلع بأكبر فايدة ممكنة فى اى امر مقبلة عليه , هى عربية واحدة فى العمر (على الاقل بالنسبة لى) وربنا كريم طبعا لا يعجزه شئ , والله المستعان , اكيد قبل اى حاجة باستخير , من غير الاستخارة الأمور ماتمشيش وتحس انك تايه ومش عارف تاخد قرار , وربنا يرزقنى واياكم الخير ان شاء الله
دعواتكم بظهر الغيب