مصر موتورز مجتمع السيارات - كارثة بكل المقاييس....!

اقتباس:

المشاركة الأصلية كتبت بواسطة حبيب الناس (المشاركة 509189)

الاخ mahmoud8 العربيه الماروتي سهله جدً واي ميكانيكي يشتغل فيها لو حاسس ان الميكانيكي بتاعك مش فاهم غيره وشف اي ميكانيكي تاني لان العربيه مش طالبه متخصص

ممكن تحكي مشكلتك وهنا الاخوه الاعضاء يسعدوك

اكيد لو روحت التوكيل هيكون افضل بكتير لكن التوكيل غالي جدا وممكن حظك يكون وحش وتقع في ايد فني لسه جديد وبيعتلم جوه التوكيل

شكرا للاخ حبيب الناس و الاخ mahranahm وانت اسلوبك كمان جميل اوي والله.......

يا اساتذة الموضوع مش كبير اوي يعني بس خنيق جدا........غريبة صح ..... الحمد لله العربية كويسة وتمام ...يعني بتشد وبتحفر وكله تمام .>>>>>>>>>>>>>ولكن :
اولا بعد حوار سير الكاتينة اللذيذ ده تم ملاحظة الاتي:
واحد : كان فيه ونة في صوت العربية بس الحمد لله راحت.
اتنين :لوحظ ارتفاع طفيف في درجة الحرارة عن المعتاد.
تلاتة: وده هو الاهم ..العربية بتنتش علي اي سرعة ....!
طبعا كالمعتاد (شلة الجوع الكافر )بتاعتي اصدروا فتوي ان دي حوار كهربا بسيط هيتحل في اول زيارةللميكانيكي...!
>>>>>>>>>>>>>>>> وعليه
تم عمل زيارة عاجلة للميكانيكي وبعد ان فحص الكاديلاك تبين الاتي:
موتور العربية بيتشنج ....! واول ما رفع العمة بالصدفة عشان كنت بغير فلتر هوا سمع صوت فرقعة بسيط اوي ومش بيكون ظاهر لو قفلت العمة ( طبعا قلت ده ابلاتين وكوندنسر) قالي لا يا استاذ..استعد للصدمة الكبري..:
العربية دي جايبة صباب....!!
يانهار ملون ..صباب ايه يا عمونا..ده لسة يعني ...قالي لا يا بيه العربية دي جايبة صباب ولازم نفك الموتور ونعمل نص عمرة ونغير الصباب اللي معووج ده....اوبس ...!
طبعا كنت لسة راجع من الشغل ومخنوق جدا جدا ..رحت مكلم واحد من شلة الجوع الكافر...عشان نقعد ع القهوة....طبعا البيه جه بعد ساعة.. وقال :
ياض انت عبيط ..؟ موتور ايه اللي عايز تفكه ده ..؟ هي العربية مشيت كام عشان نفك الموتور..؟ واصدر فتوي تانية :(امشي بالعربية عادي ونفض لحوار النتشة وتشنج الموتور ده..بس حاول تحسس عليها وبلاش تحفر بيها).
والله يا اخوانا مش عارف اعمل ايه..هل امشي وانفض زي ما قال المفتي وهل ده له تاثير ..؟ ولا افتح الموتور زي ما قال الميكانيكي وطبعا ده هيتكلف زي ما قال حوالي 300:400 جند.
فلو حد عنده خبرة ف العربيات الكاديلاك دي..او يعرف ميكانيكي ثقة يكون بيتعامل معاه يبقي كتر خيركم ..واسف ع الاطالة.