مصر موتورز مجتمع السيارات - سؤال بخصوص النمر الجديدة

اقتباس:

اللوحات المعدنيه الجديده كانت حديث الشارع المصري في الفتره الاخيره ، لكن الطريف ان معظم المويدين والمعارضين لا يعرفون اصلا معاني الرموز الخاصه بالحروف والارقام المكتوبه عليها ولا سبب تغير اللحوات القديمه اصلا !!
ويقول مساعد اول وزير الداخليه ومدير الاداره العامه للمرور اللواء محمد منصور : اللوحات المعدنيه الجديده تشير الي حروف وارقام ، القاهره تاخذ 3 حروف و 3ارقام والجيزه تاخذ حرفين و 4 ارقام وباقي المحافظات تاخذ 3 حروف و 4 ارقام والارقام تبدا من الشمال يشير الي المحافظه بمعني ان القاهره تاخذ حرف (أ) والحرفان الاخران عباره عن متواليه عدديه للارقام بمعني ان البدايه ستكون علي الارقام من 111 الي 999 علي الحرف ( أ ) وبعد استنفادها سيتم تكرار نفس الارقام علي الحرف ( ب ) ثم ( ج ) وهكذا ..، واللوحات الجديده تستخدم الالوان لتحديد هويه السياره فاللون الازرق للملاكي واللون الاحمر للنقل واللون الاصفر للاجره واللون الاخضر للهيئه السياسيه .
وبذلك نحاكي النظم العالميه الحديثه في القضاء علي العديد من سلبيات اللوحات المعدنيه القديمه كما يتوفر لنا عدد لا نهائي من الارقام لان اللوحات المعدنيه القديمه كانت عباره عن كوكتيل من الاشكال الغير منظمه او المؤمنه ويسهل تزويرها ، لو ارتكب بها اي جرائم او حوادث في الطرق فكان لابد من توافر معلومات مؤكده وسليمة عن هذه السياره اضافه الي انه لا يجوز ان يرتكب مخالفه ويلتقط رقم اللوحه خطا ونحملها علي اي سياره اخري نظرا لعدم وضوحها وبالتالي صاحب السياره الثانيه يصبح مظلوما ..، واللوحات المعدنيه القديمه كان من السهل عن طريقه اضافه او ازاله رقم او طمسها اما اللوحات المعدنيه الجديده فمؤمنه ضد التزوير والكشط والتعديل باي طريقه وهي علي درجه عاليه من الامان لانه لا يمكن لاي شخص ان يقوم بفك اللوحه المعدنيه او تركيبها الا من خلال اداره المرور ولو حاول احد العبث فيها سيؤدي الي تلف اللوحه وتعرضه للمسئوليه القانونيه لانه يتم صناعه اللوحات الجديده في مصلحه سك العمله لتامنيها ويوجد باركود علي اللوحه وهو في تقليده مثل علامات التامين الموجوده في اوراق النقد وحرصا من وزاره الداخليه علي اثبات المخالفات ولا تظلم سياره اخري نتيجه الخطا في التقاط رقم السياره وبدانا بموافقه من وزاره الداخليه للتطور العالمي والتكنولوجي علي عدم التقاط المخالفه عن طريق جهاز اشبه بالتليفون المحمول يوجه الي اللوحه ويلتقط رقم السياره وهو BDA ويلتقط المخالفه بدون تدخل بشري ويقوم بتسجيل المخالفه الفوريه ويستخرج ايصال المخالفه لقائد السياره اوتاماتيكيا ، ونجري الان اعداد دورات تدريبيه لمديري المرور بادارات المرور علي كيفيه التعامل مع اللوحات المعدنيه الجديده ومفهومها .

المصدر : موقع لذيذ

بالمناسبة الشكل الجديد ده ممكن يدى حوالى 21 مليون لوحة مختلفة لو مكون من تلات أرقام + تلات حروف و لو كل محافظة أخدت حرف مميز هيبقى متاح ليها تشحيلة مكون من حوالى 750 ألف لوحة مختلفة

و طبعا أكتر من 200 مليون لوحة مختلفة لو تلات حروف و أربعة أرقام و سبعة مليون لوحة مميزة لكل حرف

لكن طبع الرقم ده هينخفض بسبب إستبعاد اللوحات إللى الأحرف اللى فيها تعطى معانى مسيئة

عموما الأرقام هتكون كما يلى

القاهرة 3 حروف + 3 أرقام
الجيزة 2 حروف + 3 أرقام
باقى المحافظات 3 حروف + 4 أرقام

إسكندرية هتبتدى بحرف س
الشرقية هتبتدى بحرف ر
الدقهلية هتبتدى بحرف د
البحيرة هتبتدى بحرف ب
الغربية هتبتدى بحرف غ
المنوفية هتبتدى بحرف م
كفر الشيخ هتبتدى بحرف ل
القليوبية هتبتدى بحرف ق
الفيوم هتبتدى بحرف ف
بنى سويف هتبتدى بحرف و
المنيا هتبتدى بحرف ن
أسيوط هتبتدى بحرف ى
بورسعيد هتبتدى بحرف ط و يليه ع
الإسماعيلية هتبتدى بحرف ط و يليه ص
السويس هتبتدى بحرف ط و يليه س
دمياط هتبتدى بحرف ط و يليه د
و كذلك البحر الأحمر و شمال و جنوب سيناء هتبتدى بحرف ط و يليه حرف آخر مميز لكل محافظة
قنا هتبتدى بحرف ص و يليه أ
الأقصر هتبتدى بحرف ص و يليه ق
مطروح و الوادى الجديد هتبتدى بحرف ج يليها حرف أخر مميز لكل محافظة