رد: مشكله ( السيارة بتدور وبعدين الار بى ام بيوطى وكل ما احاول ادوس بنزين ولا كان فى دواسه بنزين )
 

يا جماعه الف شكر انا لقيت الحل وكله تمام الحمد لله
وعلشان الكل يستفيد انا هشرح لقيته ازاى وايه اللى اتعمل بالضبط
وعلى فكره مش شكر فى الميجان العربيه دورتها سهله جدا ميكانيكياواسمحولى ابتدى الخطوات اللى تمت لحد موصلت للحل
1- فحص فيوز الطرمبه وده موجود فى علبه الفيوزات شمال العربيه ورقمه 5
2- فحص راجع البنزين وده موجود واصل على الموتور بجانب علبه مياه المساحه تقريبا والمفروض تحاول تدور وهو مخلوع والمفروض يجيب بنزين ( يجب الحرص ) وللاسف مجابش بنزين
3- تطمن على الطرمبه انها بتعمل سحب ويمكن الاحساس بيها بدون حلها وهى موجود اسف الكنبه داخل العربيه ( وجدت تمام )
4- تفحص الفلتر هتلاقيه زى الزفت من البنزين بتاعنا \ تنظفه وتحاول تنفخه هتلاقيه برضه مسدود \ تروح خارمه بالمفك وتركبه وعلى فكره حله وتركيبه سهل جدا (الصعب مكانه) اسفل الباب الشمال اللى ورا
5- تدور العربيه ومعلش هتتاخر شويه لحد ما تسحب بنزين
6- تروح تجيب فلتر جديد وتغير القديم اللى بهدلك اسف اللى بهدلنى
يارب اكون قدرت افيد اى حد وربنا يستر على الايام اللى جايه

رد: مشكله ( السيارة بتدور وبعدين الار بى ام بيوطى وكل ما احاول ادوس بنزين ولا كان فى دواسه بنزين )
 

:THUMBS~220::THUMBS~220:: THUMBS~220:

رد: مشكله ( السيارة بتدور وبعدين الار بى ام بيوطى وكل ما احاول ادوس بنزين ولا كان فى دواسه بنزين )
 

الحمد لله ان المشكلة اتحلت
نصيحة بلاش تعملها تانى حكاية انك تخرم الفلتر بمفك علشان تحافظ على الرشاشات
و ربنا يبارك لك فى العربية :14369D~149:

رد: مشكله ( السيارة بتدور وبعدين الار بى ام بيوطى وكل ما احاول ادوس بنزين ولا كان فى دواسه بنزين )
 

حاضر يا ابو حميد بس انا كنت دايخ ومش عارف اعمل ايه
وبعدين كل ده اتعمل تحت البيت ولا روحت ورش ولا غيره فكان لابد من حل سريع
ويارب اكون افادتكم بحاجه زى ما بتفيدونى
وعاوز اعرف حد يشرحلى طريقه زبط العدادات والتريب والحاجات دى اللى مش عارف اولها من اخرها

رد: مشكله ( السيارة بتدور وبعدين الار بى ام بيوطى وكل ما احاول ادوس بنزين ولا كان فى دواسه بنزين )
 

طيب حاول تجيب دليل المستخدم من صاحبها السابق