مصر موتورز مجتمع السيارات - المسافات من والى القاهرة

مصر موتورز مجتمع السيارات (https://www.masrmotors.com/vb/index.php)

- سفارى وطرق (https://www.masrmotors.com/vb/forumdisplay.php?f=7)

- - المسافات من والى القاهرة (https://www.masrmotors.com/vb/showthread.php?t=576)

رد: المسافات من والى القاهرة

اقتباس:

المشاركة الأصلية كتبت بواسطة Dr. Bolbolan (المشاركة 62029)

و فين المنصوره و طنطا و كفرالشيخ و المحله و السويس ومارينا و العلمين وبنى سويف والزقازيق

و المنيا و سوهاج و الفيوم والواحات الخارجه والداخله و القصير والسلوم ! ptmnlo123per111

عموما من القاهره للمنصوره 120 كم بس ! ptmnlo123per154ptmnlo123p er154ptmnlo123per154

Dr. Bolbolan :waving:

بعتذر طبعا عن نسيان العلمين وهي بالقطار من القاهرة 325 و من الاسكندرية 128 وبالسيارة من القاهرة222 القاهرة /السلوم بالسيارة 570 تقريبا والقاهرة/ مارينا بالسيارة طبعا لان مالهاش قطار حوالى 250 ولاتزعل نفسك يااستاذى وتبعتلنا واحد متغاظ وبيقول جررررررررر والكلام ده ههههههههههههه

رد: المسافات من والى القاهرة

اعتقد المسافات اللى قلتها تستاهل ان اخونا ابو نورا يحطها ف موضوع ويثبتها ان حب لانى بعرفش اعمل موضوع ازاى ولا تثبيته بيتم ازاى مع ان محدش يعرف يثبتنى وخصوصا لما اكون فى منطقتنا هههههههههههههههههه

رد: المسافات من والى القاهرة

اقتباس:

المشاركة الأصلية كتبت بواسطة Dr. Shanawany (المشاركة 92686)

ومن القاهره للمنوفية 80 كيلو

كلمة القاهرة المنوفية دى كلمة عايمة لان مفيش مكان اسمه المنوفية لكن المنوفية دى عبارة عن مجموعة مراكز كلها مع بعضها تشكل محافظة المنوفية والشرقية كذلك والغربية كذلك والبحيرة والدقهلية والقليوبية ومفيش فى بحرى مكان محدد على اسم المحافظة الا المحافظات الساحلية فقط لكن الصعيد كله المكان هو اسم المحافظة فلما تقول القاهرة المنوفية 80 كيلو يبقى تقصد مركز ايه وهو طبعا واضح ان حضرتك تقصد بلدكم عموما انا جبت اهم مراكز المنوفية فى موضوع المسافات بتاعى وجزاكم الله خير

رد: المسافات من والى القاهرة

اقتباس:

المشاركة الأصلية كتبت بواسطة imca (المشاركة 62362)

وفين الاسكندريه ولا هيا عنصريه

ياباشا ولاعنصرية ولاغيره أؤمرنا انت بس واحنا ننفذ طبعا بالسكة الحديد نسمى باسم الله ونبتدى الاسكندرية /سيدى جابر 5 الاسكندرية/ كفر الدوار 26 الاسكندرية /ابو حمص44 الاسكندرية/دمنهور 61 الاسكندرية/ايتاى البارود86 الاسكندرية كفر الزيات /104 الاسكندرية /طنطا 122 الاسكندرية/ بركة السبع 140 الاسكندرية / قويسنا 151 الاسكندرية/ بنها 163 الاسكندرية / القاهرة ( بالقطار208 بالطريق الزراعى 216 والصحراوى 222 )الاسكندرية / الجيزة 221 الاسكندرية/بنى سويف 332 الاسكندرية / المنيا 455 الاسكندرية/ سوهاج 675 الاسكندرية / قنا 817 الاسكندرية / الاقصر 879 الاسكندرية / اسوان 1087 الاسكندرية / مطروح 311 الاسكندرية /بورسعيد (334 بالقطار لانه بيدخل الزقازيق وميت غمر والاسماعيلية / لكن بالسيارة بتدخل الدولى من ابيس وتنزل قبل كفر سعد على فار سكور ثم دمياط فبورسعيد وهى تقريبا 200 كيلو او ازيد قليلا ) الاسكندرية /الاسماعيليه( 278 بالقطار او السيارة لان من طريق دمياط زى طريق الزقازيق مش هتفرق ) الاسكندرية / الزقازيق 178 الاسكندرية / المنصورة 177 الاسكندرية/ دمياط (بالقطار 239 لكن فى طريق من دمياط لاسكندرية من ناحية رشيد طوله حوالى 150 كيلو تقريبا وبالمناسبة الاسكندرية / رشيد 71) الاسكندرية / مدينة السادات 130 الاسكندرية /شبين الكوم( بالصحراوى 185 بالزراعى 164 مع العلم بالنسبة للقادم من الصحراوى تحود من عند اللومان وتدخل طريق كفر داوود وهو طريق فى اوله جميل و فى نصه سخيف وضيق ومنحنياته ومطباته كتير وكل م تقرب من شبين الكوم الطريق بيضيق والمطبات بتزيد والمنحنيات بتزيد وهو طريق طوله 55 كيلو وعليك التعامل كالحاوى مع النص نقل والميكروباس ) للاسف سيناء مدخلتهاش ولذلك مش هعرف افيدك فيها واخير ا الاسكندرية/ السويس حوالى 300 كيلو تقريبا لان بروح السويس من القاهرة لكن ممكن طريق السويس الاسماعيليه ثم كوبرى الفرادن تدخل يمين من تحته على دمياط ثم رشيد ثم الاسكندرية او العكس وهى تقريبا مسافة حوالى 300 كيلو تقريبا اللى قلتلك عليها ولاتزعل نفسك ياعم علشان تعرف بس ان الصعايدة جدعان وهما تلتين اسكندرية يعنى احتلال ههههههههههههههه

رد: المسافات من والى القاهرة

معلش ياعمنا نسيت الاسكندرية / الفيوم وهى مسافة تساوى 290 كيلو بالطريق الصحراوى طبعا