رد: سحب العربيه ضعيف ؟؟؟
 

حاول تخلى ميكانيكى تانى يتأكد من سلامة و صحة تركيب طقم الدبرياج لان قواعد الماتور مش حتأثر على سحب العربية

رد: سحب العربيه ضعيف ؟؟؟
 

رحت عند ميكانيكى تانى يتاكد من سلامة تركيب طقم الدبرياج
قالى ان القنطره فيها مسمار مكسور الى ماسك الفتيس
وقالى هات قواعد ماتور للقنطره وجبت الحاجه والحمد لله الخشونه دى راحت
بس اوقات بسمع صوت طرقعه بس مش دايمه وقالى لا كل حاجه سليمه ماتقلقش

دلوقتى بقى موضوع سحب العربيه
بتوصل سرعتها معايا ل120 وصوتها بيعلى كانى جايب 160
وبحس ان العربيه مكتومه

يعنى مثلا وانا ماشى على التانى بوصل لسرعه 40 وصوت الماتور يعلا
اجيب التالت توصل 60 والصوت يعلا
اجيب الرابع يوصل ل80:85 والصوت يعلا
اجيب الخامس يوصل ل120 والصوت يعلا
لو حبيت ازود عن كده ممكن توصل ل130 واكون دايس بنزين للاخر والصوت بيبقى عالى جدآ ايه سبب المشكله دى

المشكله انى مش لاقى ميكانيكى يدينى سبب المشكله
بقول للميكانيكى على المشكله قلتله ممكن يكون بوجيهات وفلتر الهوا
قالى ممكن هات ونجرب (فاكيد ده مش فاهم)

رد: سحب العربيه ضعيف ؟؟؟
 

و الله يا باشا موضوع تحليل الاعطاب ده متدرج يعنى الميكانيكى طبيعى يبتدى من الاسهل و الارخص صعودا للاصعب و الاغلى
بالاخص ان فلتر الهواء هتلاقيه ب 20 جنيه مثلا و تغيره بياخد 3 دقايق
و كذلك فلتر البنزين بس على الاقل ابتدى بفلتر الهواء
و لو المشكلة مراحتش مش معناها ان الميكانيكى مش فاهم لكن معناها اننا عزلنا المشكلة و نفكر فى حاجة تانية
رجاء خاص غير فلتر الهواء الاول و جرب

رد: سحب العربيه ضعيف ؟؟؟
 

ان شاء الله انزل بكره اجيب فلتر الهوا واجرب

سؤال بس لو سمحت
انا اوقات بسمع صوت شخلله من الكاوتش اليمين وانا ماشى ده من ايه ؟؟؟

تانى حاجه المروحه عندى بتاعت الردياتير بتعلق يعنى اوقات وانا ماشى الاقى امبير الحراره عالى انزل افتح الكبوت ادى المروحه زقه تشتغل بس اغلب الوقت بتشتغل لوحديها عادى وتبريدها كويس دى ( بتتصلح ولا اشترى واحده جديده ؟؟؟ )

النهارده وانا ماشى على فجأه الفتيس ساب خالص مابقاش يجيب غيارات وبقيت على الغيار التانى رحت عند الميكانيكى قالى على الواير الى ماسك الفتيس اتقطع ولقيته بيتباع الطقم كله جبته وغيرته بس كنت حابب اعرف سبب انه يتقطع ايه

انا كنت بعشق العربيه على غيار يعنى ما شدش فرامل اليد واوقف العربيه على الغيار الاول ممكن هو ده السبب ولا يكون عمر افتراضى ولا ممكن بتاع الفتيس لما حل الفتيس ماركبهوش عدل فتقطع مع الوقت ؟؟؟
ولا ايه هو اسبب الاساسى الى يخلى الواير ده يتقطع ؟
اسف على الاطاله

رد: سحب العربيه ضعيف ؟؟؟
 

الاصوات بالذات محتاجة تتسمع صعب الوصف بالكتابة بس على العموم
احتمال الشخللة تكون دشمة الفرامل مبوشة يا التيل مش ثابت مكانه

حكاية المروحة مش متأكد بس اكيد لو اتفكت و الماتور اتنضف حتشتغل فترة تانية معقولة تستحق الاصلاح لغاية لما فعلا تضطر (هى تضطر كده صح؟) تشترى واحدة جديدة

طبعا طبيعى جدا الواير ليه عمر افتراضى لكن حكاية ان الفتيس مكنش ثابت مظبوط وارد انه يكون مشترك فى سبب الانقطاع

نصيحة هامة : بما انك بتعتمد على التعشيق لتثبيت العربية (زى حلاتى) فمهم جدا لما تركن قبل ما تعشق تثبت العربية الاول بفرامل اليد و تتاكد انها وقفت تماما وبعدين تعشق
يعنى المفروض ان يكون الى موقف العربية فرامل اليد و التعشيق ده يبقى وسيلة امان احتياطية مش اساسية
لان لو التعشيقة هى الى فعلا موقفة العربية مع الزمن حتبوظ الفتيس