|
رد: مياة ريداتير الاكسيل
اقتباس:
ايه هو بقا الاوتوماتيك شوك متابع باهتمام وشكرا جزيلا |
رد: مياة ريداتير الاكسيل
اقتباس:
مخدتش بالى من السؤال و الله ده الجزء المسئول عن ظبط السلانسيه يعنى بديل عن الشفاط اليدوى اهم حاجة لانى مشوفتش ماتور الاكسيل بس شبه متأكد انه فيها ( عايزة ميكانيكى فاهم اكسيل ) ده بيبقى صمام راكب على بوابة الهواء علشان يعدى الهواء اللازم لعملية الاحتراق لما تكون دواسة البنزين مش متداسة يعنى و العربية باردة بيبقى فاتح حتة صغيرة لان لازم نسبة البنزين للهواء تبقى عالية و لما العربية تبتدى تسخن واحدة واحدة بيفتح اكتر و بيحس بسخونة الميه من خلال خراطيم ميه متوصله بيه و بتعدى فى جسمه و غالبا بيبقى داخله جزء شمعى بيستجيب للسخونية بتاعة الميه و فى انواع شغال بالكهرباء يعنى سولونويد كهرباء هو الى بيحرك الصمام فمن وصفك ان العربية و هى باردة بتترج جامد فالاحتمال الكبير ان الصمام معلق فاتح فعند التسخين بيبقى نسبة الهواء اعلى من اللازم فالاحتراق مش مظبوط فبتترج فمبدئيا حيتفك و يتنضف و لو مفيش نتيجة و معرفوش يصلحوه يبقى حيتغير و الله اعلم |
رد: مياة ريداتير الاكسيل
يعنى يا بشمهندس احمد
ده جزء فى الكربراتير ولا خلافه وتكلفته ايه ده ومدى تأثيره السلبي والايجابي؟ اسف للاطاله وشكرا جزيلا |
رد: مياة ريداتير الاكسيل
اه نسيت اقولك العربيه فيها شفاط يدوي بس انا مبستعملوش الا ىف التسخين الصبح
وفى ناس بيقولوا بيعمل مشاكل ؟ هل هذا صحيح ؟ وشكرا جزيلا لاهتمامكم |
رد: مياة ريداتير الاكسيل
كده طالما فيها شفاط يدوى يبقى مفيهاش اتوماتيك شوك و ده سهل الميكانيكى يظبطه تانى و تكلفته بسيطة جدا
اما حتى لو فيها اوتوماتيك شوك و بايظ فتاثيره السلبى صغير الى هو البرجسة اثناء التسخين و الايجابى ان حتلاقى العربية عالية اثناء التسخين و توطى لوحدها لما العربية تسخن |
| الساعة الآن 05:32 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017