مصر موتورز مجتمع السيارات - الفار دخل المصيدة

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - الفار دخل المصيدة (https://www.masrmotors.com/vb/showthread.php?t=54315)

رد: الفار دخل المصيدة

بناء على رغبة أخوانى فى المنتدى هشرح الموضوع من الأول
فى شهر فبراير رحت عملت صيانة 10000 أخر يوم سبت فى الشهر وبعدها كتبت موضوع تحذيز ! ( أبعد عن يوم السبت و غنيلة ) المهم كنت بشتكى من ضعف الفرامل و المهندس قالى دى حلوة بس انت مبتفهمش فى الفرامل قلتله صديقى معاه لوجان هاف أوبشن و أنا سقتها كتير عايز سيارتى تبقى زيها المهم مختش حق ولا باطل معاه و اخذت السيارة بدون غسيل
المهم رحت غسلتها برة و لاحظت بعد الغسيل ان الفرامل ضعفت عن الاول قلت فى صيانة 15000 اغير التيل و امرى الى الله
المهم فى 11000 دخلت فى اتوبيس من الخلف بسبب ضعف الفرامل و كتبت موضوع ( التوكيل ولا التوفيقية) الاصابة كانت فى الكبوت - الفوانيس - الشبكة - النيكل - الاكصدام - سربنينة المكيف
المهم رحت التوكيل عملت مقايسة اصلاح
سمكرة و دوكو للكبوت 1100
فانوسين 1300
شبكة 275
نيكل امامى 660
علامة رينو 95
السربنينة شغالة بس معووجة سبتها زى ماهى
المهم وديتها التوكيل يوم الاحد قالولى تعالى خدها يوم الخميس ( حتى الان بعشق الرينو و التوكيل لان كان معايا فرنا 2009 تعبانة جنب الرينو الحمد لله الفرنا اتسرقت فى الاحداث الاخيرة و كتبت موضوع الحقونى نتج عنه ان نصاب اخد الرقم و اتصل بيا و حب ياخذ منى فلوس )

رد: الفار دخل المصيدة

على فكره انا مصدقق قوى ومتزعلش من الزميل اللى كتب كلام مش كويس فى حقك اكيد هو مايقصدش والمسامح كريم وانت شكلك راجل كريم
وربنا يباركلك فيما رزقك ويكفيك شرها قولوا امين

رد: الفار دخل المصيدة

المهم سلمت العربية فى التوكيل فرع العبور راح المهندس واخدها و طالع بيها فوق الرصيف ركنها نصف على الرصيف و نصف على الارض رحتله قالى كلها نصف ساعة و ندخلها نشتغل فيها اتكل انت روح شغلك قولت له الوقفة دى تبوظ المساعدين + الطلعة دى تاثر على المقصات ( العفشة كلها ) المهم مشيت و رحت ليهم يوم الخميس استلم العربية لقيتها الدوكو مسيل فى الكبوت الرفارف متجرحة الشنطة من الداخل بيها اوساخ التابلوة علية معجون الفرامل زى ما هى بل بوظوا فرامل اليد بحجة تقوية الفرامل الخلفية الفوانيس الامامية المفكوكة مسروق منها عدد 2 لمبة امال انا واخد الفانوس القديم ليه علشان اللمبات المهم روحت بالعربية لقيت العربية اختلف اداؤها الدوكو مش حلو الكبوت مش مضبوط الانوار بتضرب فى السما يعنى العربية خربانة خالص + 3.5 الاف اترموا فى الارض المهم فى دربكة و صوت تكه مع الفرامل و مع الدركسيون رحت للمهندس قالى شاكك فى علبة الدركسيون سالته عن سعرها و اتصدمت زيكم المهم فكرت فى البيع الخسارة فظيعة المهم حاسس ان العربية باظت و مش هقدر اصلحها من الاسعار المبالغ فيها و شكراً لاهتمامكم

رد: الفار دخل المصيدة

بوية مسيلة و معجون مكنتش تستلم شغل السمكرة - ده بند لوحدوا
النور ضارب في السما ترجع و تجلي الكهربائي يظبتها غصب عن عينوا
دربكة و يقولك علبة دريكسيون - روح لاي مركز صيانة محترم و خليه يكشف عليها و حيقولك العيب فين
عموما لازم تاخد حقك في شغل الدوكو و السمكرة و الكهرباء الاول و بعدين نتكلم عن العفشة

رد: الفار دخل المصيدة

الرجاء عدم إقتباس المشاركات المسيئة ﻹن ذلك يعنى تكرار اﻹساءة و نشرها