مصر موتورز مجتمع السيارات - أرجو الإفاده من أهل الخبره

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - أرجو الإفاده من أهل الخبره (https://www.masrmotors.com/vb/showthread.php?t=53104)

رد: أرجو الإفاده من أهل الخبره

اقتباس:

المشاركة الأصلية كتبت بواسطة طارق ابوذيد (المشاركة 405496)

بسم الله الرحمن الرحيم . اخى الكريم ردا على سؤال حضرتك بخصوص الطبلوه فالافضل فعلا هو الفيات اونو ويوجد منه مودلات حديث بها مجموعه زراير التكيف ولو ركبت الاوبل كورسا فلن تعمل معك نصف الامبيرات واذا اردت ان تركب تكيف فعليك بشراء كمبروسر تمبرا فهو لن يحتاج منك تعديل كثير ثم تغير طمبوره الكرنك ويوجد منها طمبوره دوبل وهى توجد فى الريجاتا المكيفه وايضا عليك بشراء اى نوع كويل صغير المهم يركب تحت الطبلوه وعمل خراطيم له امام هويات الطبلوه لخروج الهواء والله الموفق . والسلام عليكم ورحمه الله وبركاته .

لأ يا باشا . واحده واحده عليه الله يكرمك .
معلش أنا أصلى لسه جديد فى الموضوع دا . ومحتاج لحد يظبطنى فيه .
أولا : ايه حكاية الكومبريسور بتاع التمبرا دا ؟؟؟؟؟؟؟؟؟؟ وليه هو أفضل ؟؟؟؟؟؟؟. وهل فى منه جديد . ودا يركب على ال 128 ؟؟؟؟؟؟؟ وايه الفرق بينه وبين الساندن اليابانى بتاع الماروتى ؟؟؟؟؟؟؟؟؟؟
وثانيا : بالنسبه لطمبورة الكرنك فى ناس قالولى انى مش حاغير الطنبوره دى وانما حايركب طنبوره دوبل فى الكومبريسور ونغير السيور بحيث تاخد من الموتور وهى اللى تدى للدينامو .
وثالثا : يعنى ايه ( عليك بشراء اى نوع كويل صغير المهم يركب تحت الطبلوه ) معلش مش فاهم .
وقبل كل دا متشكر جدا على ردك الوافى وعلى سعة صدرك .
واتمنى اتعرف بيك فى يوم مقابلة الفيوم .

رد: أرجو الإفاده من أهل الخبره

اقتباس:

المشاركة الأصلية كتبت بواسطة سيف الدين سعيد (المشاركة 405554)

لأ يا باشا . واحده واحده عليه الله يكرمك .
معلش أنا أصلى لسه جديد فى الموضوع دا . ومحتاج لحد يظبطنى فيه .

ايه ياعم سيف ده مينفعش تقول كده انت استاذ كبيييييييييير
اقولك خلي الامير يظبطك

أولا : ايه حكاية الكومبريسور بتاع التمبرا دا ؟؟؟؟؟؟؟؟؟؟ وليه هو أفضل ؟؟؟؟؟؟؟. وهل فى منه جديد . ودا يركب على ال 128 ؟؟؟؟؟؟؟ وايه الفرق بينه وبين الساندن اليابانى بتاع الماروتى ؟؟؟؟؟؟؟؟؟؟

كومبريسور تمبرا متصمم على مواتير فيات
فيبقى افضل لانه متصمم على ماتور قريب من الماتور اللي راكب عندك
معتقدش فيه منه جديد بس في حالة انه استيراد هتلاقيه رخيص مش غالي
الساندن اللي في موضوع الاستاذ حبيب الناس مش خاص بالماروتي فقط
ولكنه كمبريوسور صغير للعربيات الصغيرة

وثانيا : بالنسبه لطمبورة الكرنك فى ناس قالولى انى مش حاغير الطنبوره دى وانما حايركب طنبوره دوبل فى الكومبريسور ونغير السيور بحيث تاخد من الموتور وهى اللى تدى للدينامو .

الحلين ممكن يمشوا
بس لو فرضنا ان الاكس بتاع الكمبريوسور ميتحملش ياخد من الماتور ويرجع يدي للدينامو
يبقى ايهما اولى ندي للدينامو من الماتور مباشرة وكذلك التكييف واال ندي للكمبريوسور ونرجع ناخد منه
الموضوع في تكلفة تغيير الطنبورة اللي على الماتور وتبقى مجوز

وثالثا : يعنى ايه ( عليك بشراء اى نوع كويل صغير المهم يركب تحت الطبلوه ) معلش مش فاهم .

الكويل اللي بيعمل عمليه التبريد داخل العربية بيركب تحت التابلوه

وقبل كل دا متشكر جدا على ردك الوافى وعلى سعة صدرك .
واتمنى اتعرف بيك فى يوم مقابلة الفيوم .

ردي في الاقتباس

انت توصل الشيخ طارق يجيبلك الكومبريسور والكويلر والطنبورة والتابلوه
وتطلع على السروجي يفكلك التابلوه ويركب التابلوه الثاني
(وتحافظ على التابلوه القديم عندك)
بعد كده تطلع على واحد بتاع تكييفات يكرب الهيصة دي كلها ويتعامل هو
وانت تقف تتعلم منه علشان هنفح مركز تكييف بعد كده
ههههههههه

أظن الموضوع لو اتعمل استيراد مش هيتكلف اكتر من 2500 في حين انك لو عملته ساندن ممكن يوصل 4000

رد: أرجو الإفاده من أهل الخبره

طابلوه الاونو والريجاتا يركب وتابلوه اللانوس ، فى اكثر من كام طابلوه للعربيات الجدية ممكن يركب على ال 128

رد: أرجو الإفاده من أهل الخبره

اقتباس:

المشاركة الأصلية كتبت بواسطة eyadziad (المشاركة 405999)

طابلوه الاونو والريجاتا يركب وتابلوه اللانوس ، فى اكثر من كام طابلوه للعربيات الجدية ممكن يركب على ال 128

أشكر سيادتك ياباشا على المعلومه الجديده دى . GIFT4U
بس حضرتك متأكد من حكاية تابلوه اللانوس دا ؟؟؟؟؟؟؟؟؟؟؟؟

رد: أرجو الإفاده من أهل الخبره

اقتباس:

المشاركة الأصلية كتبت بواسطة eyadziad (المشاركة 405999)

طابلوه الاونو والريجاتا يركب وتابلوه اللانوس ، فى اكثر من كام طابلوه للعربيات الجدية ممكن يركب على ال 128

بسم الله الرحمن الرحيم . اخى العضو الكريم اسمح لى باستفسار صغير مقاس الطبلوه الانوس 130سم اما مقاس الطبلوه السياره 128 124سم فاين اضع 6 سم الذياده فى الطبلوه الرجاء الافاده . والسلام عليكم ورحمه الله وبركاته .