|
رد: انا احذركم جميعا من التعامل مع غبور هيونداى
ربنا يكون فى عون حضرتك ورأيى تستعين بجهاز حماية المستهلك......
|
رد: انا احذركم جميعا من التعامل مع غبور هيونداى
اقتباس:
وعملت توكيل لمحامى من القاهرة ليتولى البلاغ الى النيابة العامة والحاكم العسكرى فى محضر بقضية غش تجارى وعن احتجاز السيارة بلا داعى لمدة عشرة ايام |
رد: انا احذركم جميعا من التعامل مع غبور هيونداى
اهلاً بيك يا استاذ قناوى فى مصر موتورز ويارب مشكلتك تخلص فى اسرع وقت وتستمتع بعربيتك
انا بس ارجو ان حضرتك تهداء (وانا عازرك فى انفعالك ) علشان ان شاء الله تاخد حقك واحنا كمان نفهم ويمكن نقدر نساعدك لان الحمد لله المنتدى على شهرة كبيره وكل التوكيلات بما فيهم غبور ليهم ممثلين هنا ونقدر نضغط عليهم لمتابعة وحل مشكلتك زى ما حصل مع توكيلات تانية فى السابق فصلى بينا على النبى (عليه افضل الصلاة والسلام) واحكيلى واحدة واحدة كده كل حاجة بإمانة وانا اوعدك ان مشكلتك توصل للتوكيل ولهيونداى كورياً نفسها كمان لو لزم الامر اولاً كل اللى حضرتك قولته لحد دلوقتى ميعبش الوكيل فى اى حاجة لانك كده بتتكلم عن عيب صناعة مش عيب فى الخدمة واى عربيه فى الدنيا من اول المرسيدس وانت نازل وارد تنزل واحدة بعيوب صناعة اللى يهمنا هو اللى التوكيل هيعمله لتعويضك عن العيب ده وضياع وقتك وحرقة دمك واللى انا فاهمة ان العربيه لسه بتبص عليها فى التوكيل ومفيش تفاصيل واضحة من اسبوع لدلوقتى فانا بطلب من حضرتك تعمل سكان لجوب العربيه او اى مستند اخدته من التوكيل يفيد استلامة للعربيه وما بها من عيوب وتفاصيلها (نمر العربيه - رقم شاسية ...) 2. تحكيلنا بالراحة كده ايه طبيعة وشكل المشكلة او المشكلتين اللى قولت عليهم وظهرو ازاى وهل انت اشتريت العربيه من التوكيل مباشرة ولا من معرض ؟ 3. اسماء المهندسين اللى حضرتك تعاملت معاهم فى التوكيل ومدى رضائك عنهم وتوضيح لكلامك عن انها شغالة تاكسى او حاجة كده مش فاهم بصراحة !!! وانا اوعدك بمجرد اثبات جدية المشكلة اتابع معاك ومع التوكيل مباشره ان شاء نوصلها لكيا نفسها زى ما قولتك وده وعد والتزام جاد من إدارة مصر موتورز تجاه مستهلكى السيارات عموماً اللى هما اساس مجتمع السيارات لكن لا سمح الله فيه بعض الناس بتخش ساعات لتختلق قصص وهمية لتشويه صورة وكيل على حساب اخر باستخدام المواقع الالكترونية والمنتديات وطبعاً احنا مش ممكن نسمح بإستغلال موقعنا لحملة من حد ضد حد فلازم يكون الكلام موثق وبالجدية الكافية علشان احنا كمان نقدر نتعامل بالجدية والثقة فى مطالباتنا للتوكيل فى انتظار رد حضرتك |
رد: انا احذركم جميعا من التعامل مع غبور هيونداى
2 مرفق
اقتباس:
هنا سيدى التفاصيل http://www.masrmotors.com/vb/showthread.php?t=51146 وبالنسبة للمستندات فى المرفقات عزيزى وخلاصة الموضوع وارد عيوب الصناعة عادى ما قلناش حاجة الغير مقبول التجاهل ولم يعطينى اى حد منهم اى تقرير شامل عن العيوب الموجودة ولم يكلمنى اى احد وهو عندة دراية كاملة عن اللى فى السيارة لو حد كلمنى على الفتيس بيفتى فقط ولا يعلم شئ على وجة اليقين لا عن الفتيس ولا عن حاجة تانية ولما استفسر زيادة يقللى انا لم ارى السيارة لم يرفع فيهم حد التلفون ويكلمنى انا اللى دايخ عليهم تكلمت مع هانى نزية ومع عصام فرحات ومع فرع غبور اللى فى طنطا اللى شاريها منهم تانى شئ عيوب كبيرة فى اقل من اسبوع من استلام السيارة يبقى تتغير ليس الا لا لتصليحها |
رد: انا احذركم جميعا من التعامل مع غبور هيونداى
تمام يا دكتور هى بس الصور مش واضحة شوية بس كفايه مؤقتاً عايز حضرتك تبعتلى رقم تليفونك ورقم العربيه والشاسية واضح على الخاص لو سمحت وان شاء الله من اول الاسبوع الجاى هبداء اتصالاتى وربنا يقدر اللى فيه الخير
|
| الساعة الآن 06:44 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017