المشاركة الأصلية كتبت بواسطة كنتوش (المشاركة 401311)

انا غيرت الابلاتين وبعدها العربيه ظبطت شويه بس مش كويسه برضه المهم الميكانيكى قاللى الكاربراتير عطرت فى واحد بتاع كاربراتير وكنت ناوى اروحله النهارده روحتله بس بحاجه تانيه مش مفهومه بالنسبالى وانا حاسس ان العربيه دى راكبها عفريت وشكلى هروح اعمل لها زار فى المفرمه بتاعة العربيات الاجره هههههههههههه
انا روحت النهارده مشوار كده حوالى 40 كيلو بس كان فى عز الحر وقولت بالمره اشوف لو التاكيهات مقفوله العربيه هتسخن جامد واجرب روحت المشوار تمام وزى الفل بس العربيه سحبها قل حبتين وقولت ياد مش مشكله ده كاربراتير وانا راجع بقه لقيت العربيه اديها الرابع تمشى شويه وبعدين تترج جامد جدا وكانى ماشى على 40 ومديها الغيار الرابع لدرجه انها بقت تبطل منى ادورها تمشى لحد التالت زى الفل وتيجى للرابع ونفس الكلام قولت يمكن فيه بوجيه قطع او العربيه سخنت ولا حاجه والمؤشر باظ ولا لقيتها سخنت ولا فيه بوجيهات قاطعه لغاية ما وقفت خالص وما رضيتش تدور نهائى والمارش كمان بطل يلف وبقى يتكتك بس وكملت من كل حاجه الغريب انى سيبتها شويه ودورتها زق دارت وزى الفل يا دوب مشيت بيها حاجه بسيطه وبعدها بطلت تانى واتكرر ده كتير لغايه ما قربت من البيت قفلتها مكانها ومشيت ورجعتلها تانى بس كانت بردت لقيتها دارت من اول لمسه للمارش!!!!!!!!!!!!!!
شغل عفاريت مكملتش الكيلو وبطلت والمارش عتل تانى اديتها زقه بتدور من اول لفه للعجل حاجه غريبه بجد اول ما ارميلها ما بتكونش حتى خدت سرعه وتلقط امشى بيها تبطل وبقت تبطل على التانى كمان !!!!!!
لغاية ما جيبتها تحت بيت ميكانيكى اول مره اتعامل معاه واديته المفتاح وهيشتغل فيها اول ما يصحى بكره ان شاء الله يا ترى ده ممكن يكون ايه علشان ما يشتغلنيش ويعمللى فتح ونصب وانتوا فاهمين بقه

المشاركة الأصلية كتبت بواسطة كنتوش (المشاركة 401350)

انا مش باتكلم على مشكلة المارش خالص انا كلامى على مشكلة السحب والتبطيل على السرعات العاليه والمنخفضه واللى حصل ده كله يا ريت تفيدنى قبل ما اروح بكره للراجل علشان ما يشتغلنيش