مصر موتورز مجتمع السيارات - أستملت النهارده المازدا الهاى لاين 2011

مصر موتورز مجتمع السيارات (https://www.masrmotors.com/vb/index.php)

- مازدا MAZDA (https://www.masrmotors.com/vb/forumdisplay.php?f=34)

رد: أستملت النهارده المازدا الهاى لاين 2011 - بداية مش ظريفه

الف مبروك عليك العربية و ربنا يديك خيرها و يكفيك شرها و ان شاء الله كل الحاجات اللي قلت عليها بسيطة و تتظبط فى التوكيل و معلش بالنسبة للخبطة هي دي ضريبة اي سيارة جديدة لازم حاجة تاخد العين ربنا يكفيك شر طريقك و يبارك لك فى العربية GIFT4U

رد: أستملت النهارده المازدا الهاى لاين 2011 - بداية مش ظريفه

معلش يا باشا و الحمد لله على كل شئ و ان شاء الله كل المشاكل دى تتحل فى صيانه الالف الاول

رد: أستملت النهارده المازدا الهاى لاين 2011 - بداية مش ظريفه

الف مبروك العربية
ربنا يديك خيرها ويكفيك شرها
معلش كويس انها جت فى حاجه بسيطه
بالنسبة للـ rbm ان شاء الله وانت بتعمل صيانه الـ 1000 خلى التوكيل يعملهالك
اكيد الكلبسة بس ناطره ولا حاجه
اما عن موضوع الخبطه فخلى التامين يعملهالك لو انت مأمن
والف مبروك مره تانيه

رد: أستملت النهارده المازدا الهاى لاين 2011 - بداية مش ظريفه

اقتباس:

المشاركة الأصلية كتبت بواسطة THë_int®µD£R (المشاركة 392901)

السلام على أعضاء وزوار المنتدى الكرام

أستملت النهرده المازدا 3 موديل 2011 من معرض شيرين بالميرغنى
أستلمت العربية من المعرض وروحت المرور عملت الرخصة والنمر

وأنا راجع أكتشفت الأتى

أول شىء عداد السرعه مش شغال - الأر بى أم بس شغال

لمبه ال Check Engine منوره علطول ومعاها لمبة ال ABS وال Hand-Break والهاند مش مرفوعه أصلا

المهم لاحظت الموضوع وطفيت العربية وشغلتها تانى العداد أشتغل
ولمبة ال Check Engine بس هى اللى شغاله

وحاليأ لمبة الشيك أنجين بس هى اللى شغاله علطول
كلمت مهندس فى أبو رواش وقولتله على المشكلة دى
والمهندس طلب منى أجيب العربية أبو رواش علشان يكشف عليها

بداية جميلة جدأ بجانب أنها أتخبتط منى لسه من شوية خبطه بسيطة من الجنب فى الخلف

الحمد لله على كل شىء - حبيت بس أشارك بالمشكلة علشان أى حد يشترى العربية من المعرض وهو بيستلم يشوف المشكلة دى

شكرأ

ألف مبروك
ربنا يرزقك خيرها و يكفيك شرها
كان لازم تبص على العيب دة في المعرض الأول بس مش مشكلة التوكيل يعملهالك من غير مشاكل إن شاء الله
و بالنسبة للخبطة عادي أنا أول ما اشتريت العربية اتخبطت في أول اسبوع
الحمد لله

اقتباس:

المشاركة الأصلية كتبت بواسطة mmffor (المشاركة 392977)

ان شاء الله خير و بسيطة
سؤال بسيط
الكنبة الورا واسعة و اللا ضيقة؟ يعني تاخد 3 رجالة مرتاحين و اللا مزنوقين؟

الكنبة واسعة بس الباب اللي ورا هو اللي ضيق شوية

اقتباس:

المشاركة الأصلية كتبت بواسطة THë_int®µD£R (المشاركة 393158)

مجربتيش ثلاث أشخاص الحقيقة لسة
أثنين صحابى أوزان تقيله كانو راكبين ورا ومرتحين

جرب تلاتة و أربعة كمان

اقتباس:

المشاركة الأصلية كتبت بواسطة karem ali (المشاركة 394762)

معلش يا باشا و الحمد لله على كل شئ و ان شاء الله كل المشاكل دى تتحل فى صيانه الالف الاول

انت فين يابني؟
و ازاي تتكلم في المازدا من غير ما تاخد إذني ؟ :):)

رد: أستملت النهارده المازدا الهاى لاين 2011 - بداية مش ظريفه

ربنا يباركلك فيها ويكفيك شرها

... انا كمان كانت عندي نفس مشكلة العداد بالاضافة للعلامة بتاعة الحزام الي بتنور وتطفى وطلع صوت لمدة دقيقة كده اول ما تشغل العربية

مكانوش شغاليين
بعد صيانة الاف اشتغلوا الاتنين
متقلقش كل ده في صيانة الف هيظهر ويتعالج

يعني انا مكونتش اعرف ان اول ما تطلع بالعربية صوت المبة بتاعة الحزام بتشتغل
هي مضيقاني الوقتي هههههه صوتها مزعج قوي بس اتصلحت يعني