رد: عوزه ادهنها على مزاجى .. ينفع ?
 

ياستى مدام دى عربيتك غيرى اللون براحتك ومتحطيش فى دماغك

رد: عوزه ادهنها على مزاجى .. ينفع ?
 

طيب ممكن اعرف الاجراءات من البداية للنهاية فى المرور؟؟؟
المعطيات:
اللون الحالى زيتى(راشة خوارج قبل كده)
الموديل 95
المرور الحالى (الوايلى) وشهادة المخالفات بتطلع من السلام
لم يتم نقل الملكية بعد (معايا عقد مسجل شهر عقارى بدون امضاء كمشترى)
سيتم نقل الملكية والتجديد الى مرور بين السرايات
نهاية الترخيص الحالى 8-2011 الفحص 2011

المطلوب : تغيير اللون ونقل الملكية وتجديد الترخيص
ايه قبل ايه ؟؟؟
وعايز اغير اللون اليومين دول وبالمرة انقل ملكية واجدد من غير ما استنى لشهر 8
هلى فى مشاكل او اضرار او تكاليف اضافية؟؟؟؟

رد: عوزه ادهنها على مزاجى .. ينفع ?
 

اجراءات نقل الكلية فيه موضوعات كتير اتعملت عليها ممكن تراجعها
ومن الافضل تخلي تغيير اللون لوحده بعد ما تنقل الملكية

تغيير اللون بتروح تجيب استمارة فحص من المرور
وتروح تغير اللون وترجع بعد ما تخلص تثبته على الرخص ب
عد ما المهندس ما يعاينها
التفاصيل بالضبط هسألك عليها

رد: عوزه ادهنها على مزاجى .. ينفع ?
 

متشكر جدا لاهتمام حضرتك بالرد
ايه الغرض من تأجيل تغيير اللون الى مابعد نقل الملكية؟؟؟
مع العلم انى عايز امشى فى كل الاجرااءت مع بعض عشان مش كل شوية اغير فى الرخصة مره عشان التجديد ومره عشان نقل الملكية ومره عشان تغيير اللون
وعلى كلام حضرتك لازم اروح المرور عشان اجيب الستمارة دى قبل تغيير اللون وبعدين ارش وبعدين ارجعلهم تانى باللون الجديد؟؟؟ وعلى كده الكلام ده مع انهى مرور ؟؟؟ المرور اللى عليه الرخصة دلوقتى(السلام).؟؟ ولا اللى هنقل عليه(بين السرايات)؟؟؟
اعذرنى انا متلخبط خالص ولايص

رد: عوزه ادهنها على مزاجى .. ينفع ?
 

ما هو علشان اللخبطة دي بقولك انقل ملكية الاول وبعدين تغيير اللون سهل عمله