مصر موتورز مجتمع السيارات - سوال اعجز المكيانكيه على الرد عليه

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - سوال اعجز المكيانكيه على الرد عليه (https://www.masrmotors.com/vb/showthread.php?t=49066)

رد: سوال اعجز المكيانكيه على الرد عليه

طبعا الموضوع ممكن يكون من كذا حاجة:
ممكن زي ما أستاذ حازم خضر تفضل مشكورا إن المشكلة في إن الكاربيراتير مش بتاع العربية.
والحاجة الثانية ويمكن الاحتمال الأكبر فيها إنه فعلا بك السلانسية؛ لأن حضرتك قلت إنك ساعات لما العربية تيجي تبطل تزود بنزين فتلقط تاني، وبك السلانسية فعلا لو فيه مشكلة هيخلي العربية تبطل، بس في حالة إنك تشيل رجلك من على البنزين، لكن طول ما رجلك على البنزين مش هتبطل، يعني أنا متأكد إن العربية ما بتبطلش منك أبدا طول ما إنت دايس بنزين تمام؟؟؟؟؟؟؟؟؟؟
أما بالنسبة لمشاكل الكهربا فحضرتك لازم تكشف على حاجتين كويس جدا:
الموبينة
الدينامو
تأكد إنهم تمام.
لكن أنا ظني إنها مشكلة في دورة البنزين، يعني حضرتك اكشف كويس أوي على الكاربيراتير والبكات، ويستحسن تغير الكاربيراتير بالأصلي بتاعها زي أستاذنا حازم ما قال لحضرتك.
وربنا يوفقك ويرفع عنك

رد: سوال اعجز المكيانكيه على الرد عليه

اقتباس:

المشاركة الأصلية كتبت بواسطة mnp (المشاركة 369058)

الموضوع ببساطه ان هناك عيب فى سيارتى وهذا العيب اختلف حوله الاراء بين المكيانيكى والكهربائة فكل ادلا بدلوة لكن دون فائدة فارجوا من اهل المنتى الكرام ان يفيدونى بارائهم وعلمهم
العيب هو ان سيارتى وهى واخدة جميع الغيارات فجاة دون اى انذار او تنيش اوهرتله وممكن اكون على 80 او 90 وتلاقى العربيه بطلت لوحدة مما قد يودى بحياتى اكثر من مرة ولكن الله سلم لان طبعا فى هذة الحاله الفرامل بتحجر
ولكن اغلبيه تبطيل السيارة فجاة ممكن وانا باخد ملف او مطب يعنى بمعنى اوضح على السلنسيه
المكيانيكى قالى شغله كهرباء خليه يغيرلك الفيشه والكهربائى قاس الفيشه قالى دة عيب كربتير وبتاع الكربتير قالى عندك كربيترك زى الفل
فارجوا منكم ان تعيوننى بسرعه لان هذا المشكله قد تودى بحياتى وحياتى اسرتى فى اى وقت
وكتبنا عليهم انه من قتل نفس بغير حق فكانما قتل الناس جميعا ومن احياة فكنما احيا الناس جميعا صدق الله العظيم

يا صديقى اولاً عافاك الله وبلغك السلامة
هذا العيب حدث معى على الدولى يتاع دمياط المنصورة وانا على سرعة 140كم وربنا ستر ونزلت دورت العربية دارت ورجعت من غير مشكلة وبعدين عملتها تانى ولما اروح للميكانيكى يقولى مفيش حاجة يا بية العربية زى الفل
فقررت استعين بالله واشغل دماغى وحصرت المشكلة فى الاتى 1- إما ان الكربراتير بيشرق من كتر البنزين بسبب تآكل الابرة بداخلة 2- واما ان الرداخ بتاع البنزين (ترمبة البنزين ) بايظة وبتقطع بنزين عند الاحتياج لكمية بنزين كبيرة فى السرعة 3- بك السرعة ضيق جداً او بوابتة مش بتفتح وعلشان احسم موضوع الرداخ قطعت خرطوم البنزين بعد الرداخ وركبت فلتر تانى هتقولى لية ؟ علشان المفروض فلتر بعد الرداخ يكون مليان علطول ولما تبطل العربية يفضل زى ماهو واذا نقص البنزين منة يبقى كدة الرداخ بيرجع البنزين والسكس بلف بتاعة بايظ
وقد كان لقيت المشكلة لما بطلت تانى ان الفلتر التانى فاضى يعنى الرداخ بايظ غيرتة وانتهت المشكلة
ارجو ان اكون قد افدتك بجديد

رد: سوال اعجز المكيانكيه على الرد عليه

اقتباس:

المشاركة الأصلية كتبت بواسطة mnp (المشاركة 369058)

يا صديقي أنت ذكرت أن السيارة حين تبطل تكون الفرامل لها محجرة , وأنا أنبهك أن تبطيل السيارة لا يسبب تحجر الفرامل , ولكن العكس هو الصحيح فكلبشة الفرامل هي التي من الممكن أن تتسبب في بتطيل السيارة ولهذا أنصح بمراجعة ميكانيكي ليبحث سبب كلبشة الفرامل .

رد: سوال اعجز المكيانكيه على الرد عليه

اقتباس:

المشاركة الأصلية كتبت بواسطة bekeat (المشاركة 411377)

يا باشا هو يقصد إن الفرامل بتحجر لأن شغل الضغط بتاع الفرامل بيعتمد على ضغط هواء خارج من المكنة مع الزيت وبالتالى لما العربية تبطل حمل الفرامل كله بيبقى على رجله عشان كده بتحجر:crazyW14:

رد: سوال اعجز المكيانكيه على الرد عليه

اقتباس:

المشاركة الأصلية كتبت بواسطة ايمن عبدالحميد (المشاركة 411292)

كلامك منطقي جدا ، والفكرة بتاعتك ممتازة. لكن المشكلة إنه بيقول إنها بتبطل لما بيشيل رجله من على البنزين، وأعتقد لو المشكلة في طرمبة البنزين العربية هتبطل منه حتى لو دايس بنزين؟؟؟؟؟؟؟؟