رد: خمسة عشر رد .. لخمسة عشر وهم ليـــــــــــــــــه مبارك مش لازم يتنحى الآن
 

انا بحترم رايك و اتمنى ان تمنحني حرية الرد
قبل ثورة 25 مكانش في حد اقابله في الشارع فعلا اللا لما يسب و يلعن في مبارك و سلسفين مبارك و انه اللي سرقها و نهبها و خربها هو و اللي حوالية و اخيرا كمان حيسلمها لابنه من بعده يعني مش كفاية 30 سنه لأ كمان مش هاين عليه اللا ان الننوس يخلص على الباقي !
طبعا الكلام ده اللي بيقولهولي كان لازم يبص حواليه عشر مرات قبل ميتكلم و عشر مرات و هوا بيتكلم و صوته اوطى من الوشوشه!
و ده عائد طبعا لاننا دولة ديموقراطية في ازهى عصور الديموقراطية و الحرية! كما يذيع الاعلام المصري برئاسة انس الفقي!
عموما نيجي دلوقتي ننسى القديم كله! ده انا اللي كنت عارفه قبل مظاهرة ولا غيره! احنا شعب طيب جدا و ده ميزه و عيب! ميزه ان الرحمة في قلوبنا اتجاه بعضينا و بنساعد بعض وقت الشدة حتى لو فيه خلافات بيننا!
و عيب اننا سبنا كلاب السكك تنهش فينا و ديكتاتور يركبنا 30 سنه! و عيبها الاكبر ان لما جه شباب مثقف و واعي دلوقتي يقول كفاية! نقف في وشهم و نقولهم حرام عليكوا و خليه يخرج بشرف!
طب بشرفي لو كان في ايدي دلوقتي لكنت حاكمته و اعدمته في ميدان عام على كل اللي قتلوا و عذبوا بمعرفته و رضاه و تحت اشرافه او باوامر شخصية منه!
يا جماعة انتوا مش واخدين بالكوا اننا بنتحدث عن قاتل؟ ديكتاتور؟ مش راجل عجوز او قائد عسكري مشرف لبلدنا؟ انا والدي خاض حرب اكتوبر و قضى في العسكرية 6 سنين من عمره برغم انه مكانش كلية حربية! و شرف مصر و ساهم في نصر اكتوبر! كان في كتيبة سلاح المهندسين قسم رادار و رصد! و هو اللي وجه القوات الجوية للضربة! هل هذا يعطي والدي الحق انه يقتل و يعذب شباب مصر و يقول هما يستاهلوا بيعارضوني؟ و لو عنده 70 سنه حاليا و الناس قالت يجب ان يعاقب على اللي عمله( الشباب بيقول اقالته من عمله حتى!! مش عقاب ) اقولهم ازاي تفكروا في كده ازاي يسيب شغله! ده راجل كبير و زي ابوكوا!!!!
لو خرج مخلوع يبقى شرف ليه لان كل بيت فيه شهيد او فرد فقد عين او اصيب او اختفى بيطالب بدمه مش انه يسيب الحكم بس!

رد: خمسة عشر رد .. لخمسة عشر وهم ليـــــــــــــــــه مبارك مش لازم يتنحى الآن
 

الموضوع ده بيفكرني بحاجه ظريفة!
انتوا كلكوا عندكوا عربيات
و بتسوقوا
ردوا على السؤال ده
لو سواق لوري او نقل لبس في العربيه بتاعتك من ورا ( يعني هوا غلطان غلطان )
و راح نازل بعين بجحة و قالك مش تفتح يا اعمى!!! ولا اعتذر و لا حتى انه سكت!
ايه الرد من الناس اللي حواليكوا؟
يا عم حصل خير... خلاص بقى انت حتكبر الموضوع ليه... المسامح كريم.. الراجل قد والدك... اللي يجي في الريش بقشيش... انت تحمد ربنا انها جت في الصاج! انت يعني حتقبل العوض! ما تمشي بقى و تفتح السكة.. ورانا مصالح و اشغال... خللي الناس تشوف مصلحتها... و رانا اكل عيش! الخ

اتحدى ان 90% من الموجودين في منتدانا العزيز مر بالتجربة السعيده دي! واللا ايه؟ ده اللي بيحضرني حاليا مع كل واحد يقول بعد تفكير عميق! برضه نديله فرصه!

سواق النقل ده بعد ما بهدلك و بهدل عربيتك و مشي بدون عقاب
تتوقع بعد ما مشي في طريقة عادي جدا! هل حياخد باله او حيهتم انه ميخبطش حد بعدك؟
فكر و رد عليا!

رد: خمسة عشر رد .. لخمسة عشر وهم ليـــــــــــــــــه مبارك مش لازم يتنحى الآن
 

الراجل ده بيقول كلام زى الفل و انا معاه

رد: خمسة عشر رد .. لخمسة عشر وهم ليـــــــــــــــــه مبارك مش لازم يتنحى الآن
 

انا من رايى ان ذيل الكلب المعووج عمره ميتعدل
انتوا تعرفو ان تم عمل احصائيه لثروة مبارك وعائلته والنتيجه كانت
70مليار دولار يعنى من اغنى اغنياء العالم
الراجل ده مش عايز يقعد 6شهور علشان يصلح 30 سنه خراب لالالالالالالا
ده عايز يقفل حساباته ويحرق كل الورق القديم علشان محدش يمسك عليه حاجه
لانه لو استسلم للثوره الشعبيه واتنازل عن الحكم الشعب هيحاكمه وطبعا الفضايح
كلها هتبقى على عينك يتاجر وخصوصا ان الثوره كانت مفاجئه لكل العالم
ومبارك كان حاطط فى بطنه بطيخه صيفى ومعتقد ان الشعب خلاص تحت الجزمه
خصوصا بعد انتخابات مجلس الشعب الاخيره وبعد ما المعارضه والاخوان طلعوا بره
اللعبه ومجلس الشعب بقى كله حزب وطنى وطبعا كان هيستلم الحكم جمال
وطبعا كان هيكمل مسيرة ابوه وهيخلى ال70 مليار 140 مليار
يجماعه الراجل عايز يقعد علشان يحرق الورق القديم كله ومحدش يعرف يمسك عليه حاجه
لازم نبقى فاهمين النقطه ديه كويس جدا

طيب ممكن واحد يقولى هما اخلوا السجون ليه والداخيه طلعت المساجين من السجن ليه ؟؟؟

انا اقوللك علشان لو الثوره ديه تم القضاء عليها السجون والمعتقلات هتتملى تانى بس المره ديه
مش بالمساجين لالالالالالا هتتملى بالشباب اللى بيكافحوا علشان 80 مليون مصرى يعيشوا بكرامه

رد: خمسة عشر رد .. لخمسة عشر وهم ليـــــــــــــــــه مبارك مش لازم يتنحى الآن
 

لو اللي انت بتقوله ده طلع صح دي تبقى كارثة!!!!
الطف يا رب