المشاركة الأصلية كتبت بواسطة Komy (المشاركة 351324)

بعد إذن الاستاذ والبروفيسير بتاعنا أ/ سمير عياد انا بس هقول رأيى:

انا مبرجحش البطاريات الجافة فى العربيات القديمة علشان خرج ( الفولت الخارج من الدينامو ) الدينامو مش ثابت زى العربيات الحديثة لكن طالما حضرتك إشتريت وخلاص فالكلام ده ملوش تأثير بس حبيت اقوله للإفاده, وبالنسبة للمشكلة انا هقولك على حاجة برضو تلاحظها بالليل : دور العربية وبعدين شغل النور الصغير وخليك مركز على شدة اضائته وبعدين شغل النور الواطى وشوف شدة الإضاءة زى ما هى ولا ضعفت وبعدين النور العالى ولاحظ وبعدين الكاسيت ولاحظ وكل ده طبعا وإنت دايس شوية بنزين لأن العربية فى السلانسيه بتبقى شغالة على البطارية ,لو النور بيضعف يبقى كده فى حاجة فى الدينامو وغالبا هيكون سليكون وحش فى قاعدة السليكونات بتاعت الدينامو.

وبالنسبة لموضوع الدوارة الصبح وريحة البنزين دى سببها طقم الكهرباء بتاع العربية ( الابلتين والكوندينسر والبوجيهات ) عايز يتظبط وريحة البنزين عشان انت لما العربية ما بتدورش معاك بتدوشلها بنزين.

ارجو ان اكون افدت ولو بعض الشىء على قد معلوماتى:playing_music:

المشاركة الأصلية كتبت بواسطة samirayad (المشاركة 351327)

أنا ضد الكلام ده

:playing_music:

المشاركة الأصلية كتبت بواسطة khaled_bibo (المشاركة 351330)

بس انا مغير ملف و 3 سليكونات في الدينامو و علمتلوا صيانه شامله و قست الشحن كان تمام بس في حاجة ان الكتاوت كان في سن منه خارج من مكانه و الكهربائي عملوا و لو اني اصريت انه يغيره قالي لأ كده تمام