رد: خبر عاجل: إعلان شراكة بين كرايسلر و فيات !!
 

رد: خبر عاجل: إعلان شراكة بين كرايسلر و فيات !!
 

فيات مش هتصرف و لا مليم على كرايزلر,
فيات هتستخدم مراكز توزيع كرايزلر و مصانعها لدخول السوق الأمريكى,
فيات حققت مبيعات هائلة فى السنة الماضية, و مكاسبها تعدت الشركات الفرنسية بكثير, لكن سوقها لسه محدود باوروبا و امريكا اللاتنينية و بعض دول الشرق الأوسط,
دخول فيات امريكا مهم جدا لها لأنه سوق مفتوح و كبير, و المنافسة فيه أعتقد انها اسهل من اوروبا,
و الأمريكان زى ما بيركبوا الهامر و السيارات الضخمة, مننساش انو فيه عربيات صغيرة بتبيع هناك كويس زى الفورد كا و المينى, و ال500 نازلة تنافسهم, و أعتقد انها افضل منهم شكلا و موضوعا,
و أعتقد انو نجاح المازيراتى مؤخرا فى أمريكا شجعهم كتير.
صحيح انو الأمريكان عندهم فكرة متوارثة من السبعينات سيئة عن اعتمادية فيات, أعتقد انو جزء كبير منها خاطىء تماما, لكن برضو معظمهم يتذكر سيارات رائعة مثل الاكس 19, و ال124 و غيرها. ده غير انو فيات حققت قفزات هائلة على صعيد الاعتمادية و الجودة فى السنوات الأخيرة.
اذن فيات هتصرف لدخول السوق الأمريكى, لكن لو نجحت هناك هتاخد أضعاف اللى هى دفعته.

فى المقابل كرايزلر هتاخد دفعة جديدة مع تكنولوجيا فيات, و هترسم لنفسها صورة مختلفة تماما عن الماضى, ده غير انها هتقدر من خلال فيات تخش أسواق كانت صعبة عليها, لاسيما الأسواق الأوروبية, و الأهم من ذلك انها هتقدم خطة عمل تقنع بها الكونجرس لنيل المساعدات المالية.
و عموما موضوع الاندماج مع بيجو لازال قائما, و فى الحالة دى هنبقى ادام عملاق لا يقهر, فيات-بيجو سيتروين-كرايزلر منتشر فى كل أنحاء العالم و يتمتع بتكنولوجيا متفوقة و يغطى كل فئات السيارات من اول الرياضية و ال4*4 الضخمة الى السيارات المدمجة.

حاجة كمان مهمة جدا, فيات حاطة فولكس فى دماغها و بتهاجمها فى كل الأسواق, و بدخولها للسوق الأمريكى, هتاخد جزء كبير من مبيعات فولكس هناك, و اعتقد انو ده خطوة كبيرة جدا فى صراعها مع فولكس.

رد: خبر عاجل: إعلان شراكة بين كرايسلر و فيات !!
 

والله عارف يا رجاله انها مش هتصرف ولا مليم على كريسلر
و حتى لو لا قدر الله حبيت تصرف هتجيب منين
انا بتكلم ازاي اداره عاقله زي فيات و استطاعت من قبل ان تنجو بفيات بعد ما كادت جنرال موتورز ان تخفيها بعد اثقالها بالديون
ازاي يكرروا نفس الغلطه
بس اسوء
كريسلر وضعها سيء جدا جدا جدا
لو استطاعت الوجود لاخر العام لسمي انجاز
كريسلر الان اصبح لديها 3 شركات فقط
كريسلر و دودج و جيب
على الاقل يجب الغاء اسم كريسلر و القضاء عليه نهائيا

يارجاله كريسلر قدرت تبوظ مرسيدس و ميتسوبيشي في احسن حالتهم
و مقدرتش تستفاد من مرسيدس على الاطلاق
غير في موديلين جيب واغونر و كريسلر 300سي و تشارجر

كريسلر فالانعاش اصلا

اما بالنسبه للسوق الامريكيه فاصبح ليس مفتوحا بشكل كبير كالماضي
و اول تقدم سيشهده براي اكثر مجموعه علماء و خبراء تفاءلا لن يكون قبل 2011
و برضك مش فكره جوده و اعتماديه مهي اودي و فولكسفاجن مبيعاتهم زادت في امريكا نسبيا
على الرغم من معرفه الجميع انهم شركه اخطاء

و يكفي ان يكون في عام واحده مجموعه تنتج اكثر من 6 مليون سياره تسحب اكثر من 15 مليون سياره

فسحبت كل انتاجها من البنتلي كونتيننتال / فلينج سبير
و سحبت كل انتاجها من الاودي على مدار خمس سنوات
و ايضا باسات و جيتا و جولف و تيجوان

و انا اعلم ان جوده تصنيع فيات افضل من فولكسفاجن

و لكن لا يمكن ان تتزوج امراه عجوزه ميته اكلينيكيا و نفس الوقت فقيره

فقط لا يمكن

رد: خبر عاجل: إعلان شراكة بين كرايسلر و فيات !!
 

اعتقد انو المرادى مختلفة تماما عن التحالف مع جنرال موتورز,
أثناء التحالف مع جنرال موتورز كانت جنرال موتورز هى التى تمتلك 20% من أسهم فيات,
و لم تظهر أى فائدة من هذا التحالف سوى فى تبادل بعض المكونات بين الشركتين.
أما هذه المرة فواضح انو فيات هى المتحكمة تماما فى كرايزلر, و هدفها واضح تماما, و هو الدخول السريع الى السوق الأمريكى,
رئيس فيات قالها كذا مرة, فيات متقدرش تعيش بحجمها الحالى, لازم تفتح أسواق جديدة, و تنتشر عالميا, أو تخش فى تحالف ضخم ,
من غير هذا التحالف, كانت فيات ستحتاج الى عدة سنوات لدخول السوق الأمريكى, لبناء مصانع و شبكات التوزيع, و شبكات توزيع مازيراتى و فيرارى حجمهم لا يكفى, نظرا لأنها سيارات مرتفعة الثمن تباع بأعداد قليلة.
فيات شركة متقدمة تكنولوجيا جدا, لكن للأسف حجم مبيعاتها و انتشارها لا يعكس ذلك, و هو الوضع الذى تسعى لاصلاحه.
و فى النهاية فان احياء كرايزلر ممكن جدا, خاصة بعد المساعدات الحكومية, و مننساش انو فيات ذات نفسها من سنوات قليلة كانت شركة على حافة الافلاس, و مازيراتى كانت تخسر من 17 عاما, و الفاروميو كانت بحالة مزرية عندما اشترتها فيات,
و الأن ازدهرت مازيراتى و عادت الى الواجهة و اقتحمت السوق الأمريكى, و ازدهرت الفاروميو و نالت سياراتها الاحترام و التقدير,و لانسيا تستعد للعودة مرة أخرى عبر طرازاتها الجديدة, لذا فان اعادة احياء كرايزلر ممكن, خاصة و انها هتاخد دفعة قوية من فيات عبر تصنيع طرازات صغيرة و جذابة تستند الى تكنولوجيا فيات.
اللى بقوله انو فيات مكنش ادامها سبيل أخر للتوسع, و لا خيار امامها سوى التوسع الأن و الا, فان حجمها الحالى لا يسمح لها بالبقاء فى المستقبل, لذا فانه وقت المخاطرة.

رد: خبر عاجل: إعلان شراكة بين كرايسلر و فيات !!
 

صح

و هذا لا يتعارض مع ما قلته

و لكن شتان بين وضع فيات عند حافه الانهيار
و بي ام و نيسان عندما كانوا كذلك و بين كريسلر

كريسلر تأخذ المساعدات الامريكيه لدفع الرواتب

و عندك مثال

جنرال موتورز اللي المفروض عندها تنوع اكتر و موديلات تحفه و خاصه فولت/كونفرج

خلصوا اول 5 مليار و عايزين الخمسه التانيين قبل اول مارس ياما هيقفلوها

حيث ان مدام عمله BAILOUT مينفعش يعملوا BANKRUPCY

فكده الجنرال بحجمه و مبيعاته اللي هي ضعفين و يزيد معرض للاغلاق

غير ان فيات كانت ماشيه حلو في الولايات المتحده هذا العام في مبيعات 500

عن طريق مراكز خدمه و صالات عرض بي ام دابليو

و العقد موقع اصلا

و ما تحتاجة وقت ليس اكثر