مصر موتورز مجتمع السيارات - معرض فورميلا الاهرام2009 للسيارات 21 يناير

مصر موتورز مجتمع السيارات (https://www.masrmotors.com/vb/index.php)

- فورميلا اﻷهرام (https://www.masrmotors.com/vb/forumdisplay.php?f=175)

- - معرض فورميلا الاهرام2009 للسيارات 21 يناير (https://www.masrmotors.com/vb/showthread.php?t=4612)

رد: معرض فورميلا الاهرام للسيارات 21 يناير

انا برده روحت و مفيش اي حاجة مميزة اطلاقا

باستثناء المرسيدس سي الجديدة جامدة بجد و تبدأ من 300 الف

و الشيفروليه كروز

كنت عامل عليها موضوع قبل كده

http://www.masrmotors.com/vb/showthread.php?t=2283

و فعلا لو نزلت بسعر مناسب هتعمل شغل جامد

و كمان الاوبل كورسا

يعني يعتبر جناح منصور هوا الوحيد المهتم

حتي جناح الفور باي فور العربيات العادية اللي بنشوفها في الشارع مفيش جديد

رد: معرض فورميلا الاهرام للسيارات 21 يناير

اقتباس:

المشاركة الأصلية كتبت بواسطة shamelkh (المشاركة 18910)

الشركات الاتية غير متواجدة بالمعرض:
1 - سكودا
2 - هوندا
3- ميتسوبيشى
4 - بى ام دبليو
5 - رينو
6 - فيات
7- بيجو (عربيتين بس)
8 - ستروين
9 - الفا روميو
10 - اودى
11- تويوتا (فقط فى قاعة 4 × 4 بسيارة واحدة)
12 - دايهاتسو (زى تويوتا فى 4 × 4 فقط)
13- نيسان
14 - سوبارو
15 - مازدا
16 - كيا

اللى عاجبنى فى المعرض عربيتين : المرسيدس C180 الجديدة وكمان عربية تانية شيفورليه يمكن تنزل بداية من 130000 اسمها كروز

للأسف... ماكانش معرض يستاهل المرواح.. الحمد لله ان الواحد كان معاه دعوه بدل مكان يتحصر حتى على ال 10 جنيه للدخول :)

احبطتنى يا راجل انا كنت ناوى اروح يوم السبت بعد الامتحان

اما كل دول شركات مش موجودة امال الموجود اية متسيكلات

شكرا على تنبيهك وفرت عليا المشوار و ال 10 جنية ptmnlo123per1127

رد: معرض فورميلا الاهرام للسيارات 21 يناير

اقتباس:

المشاركة الأصلية كتبت بواسطة lancer.style (المشاركة 18928)

لا مؤاخذة على الاحباط :) بس والله ماليه اى لازمة!!

دانا كمان ايه؟؟ محتاج اجيب عربية يعنى زبون جاهز.. بس للأسف والله انا خارج من المعرض عندى احباط انا كمان!

رد: معرض فورميلا الاهرام للسيارات 21 يناير

انا ونيسان روحنا المعرض اول يوم المخصص لل VIP ومن زياراتى السابقة لفورميلا الاهرام عارف انة مش معرض جامد واقل بكتير من مستوى اوتوماك بس قولت لازم اروح حتى علشان اعمل تقرير فى المنتدى واشوف الجديد ومن ناحية تانية قولت اكيد المعرض فى يوم ال VIP هيبقى له شكل تانى

المعرض كتنظيم سىء جدا بوابة واحدة لدخول العربيات وطبعا البوابة ديه بسببها الشارع واقف كله (امتداد رمسيس من ناحية طريق النصر كانت واقفة خالص)
المفروض اليوم الخاص بال VIP ميكونش بتذاكر بس كان فيه تذاكر واى حد بيخش عادى جدا
زحمة فى الدخول ولركوب الباصات والمسافة اللى بيمشيها الباص مش مستاهلة الحوار ده كله
المطاعم والكافيهات قليلة جدا مشوفتش غير سينابون وبس
مفيش اماكن تجيب منها مية حتى تتشرب
القاعات اعداده ضعيف جدا وفيه قاعات اضائتها غلط او مش كفاية
المعرض فاضى وشركات كتير مهمين مش موجودين
من كتر فضيان المعرض هتلاقى المصرية واخدة جناح لوحديها وشوفت معرض سيارات تانى مش معروف واخد بارتشن عارض فيه خمس ست عربيات برضو

اغلب الموديلات قديمة فى السوق

الموديلات الجديدة
مفيش جديد غير الشيفرولية الكروز وكانت مقفولة ومحدش عارف سعرها ومفيش حتى برشور ليها !
والمرسيدس طبعا والبارتشن بتاعها كان عليه اقبال جامد
سيات بعرض الابيزا الستب ترونيك بس البارتش بتاع السيات عامة مكانة والستب بتاعة وحش جدا
البرايد سابا الجديدة
عرض البولو الجديدة

غير كده المعرض فاضى ومفيهوش حاجة تستحق المشوار بالعكس ممكن تنزل معارض وتتفرج احسن واسهل

بصراحة المعرض فاشل جدا

رد: معرض فورميلا الاهرام للسيارات 21 يناير

كويس انك لفت انتباهنا عشان منروحش