مصر موتورز مجتمع السيارات - تانى مشكلة فى اللانوس 2011 فى اقل من اسبوع

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - تانى مشكلة فى اللانوس 2011 فى اقل من اسبوع (https://www.masrmotors.com/vb/showthread.php?t=43937)

رد: تانى مشكلة فى اللانوس 2011 فى اقل من اسبوع

انا بشجع الصناعة المصري مش علشان العامل! و على فكرة لو العامل المصري اديته 10 الاف جنيه في الشهر حيفضل معفن! و حيشتغل شهر و يقعد عشرة علشان العسر الاف بتوع الشهر الاول حيكفوه فملهاش لازمة يروح الشغل! بس علشان نتطور لازم نجمع و خصوصا مع الشركات الاجنبية وي نيسان و تويوتا و خصوصا ميتسوبيشي لأنها شركة كانت السبب في نشوء هيونداي و بروتون!! بتشجع التطور للفروع اللي فيها تجميع و مين عارف ممكن يفتحوا خط انتاج للمحركات!

رد: تانى مشكلة فى اللانوس 2011 فى اقل من اسبوع

اقتباس:

المشاركة الأصلية كتبت بواسطة samirayad (المشاركة 321758)

كلامك كله عقلانى بجد

يا أخ : علاء

وكتاباتك من المقربه إلى قلبى

ربنا يخليك ياباشمهندس ده بس عشان احساسنا واحد وانا بوصف احساسى

رد: تانى مشكلة فى اللانوس 2011 فى اقل من اسبوع

اقتباس:

المشاركة الأصلية كتبت بواسطة corsair (المشاركة 321778)

متزعلش نفسك يا زعيم وديه عيوب بسيطة وسهل حلها وربنا يديك خيرها ويكفيك شرها

ربنا يكرمك الحمد لله على كل شئ

رد: تانى مشكلة فى اللانوس 2011 فى اقل من اسبوع

اقتباس:

المشاركة الأصلية كتبت بواسطة dr_maged (المشاركة 321224)

من اسبوع كان فى مشكلة عندى فى مؤشر البنزين اللى كتبتها فى الموضوع دا
http://www.masrmotors.com/vb/showthread.php?t=42966

وروحت وحلتها الحمد لله

ومن يومين ظهرت مشكلة تانية وهيا صوت طقطقة وانا ماشى على السرعات العالية وطلعت من الباب زى ما قال المهندس اللى جرب العربية وانا معاه وقالى كدة اتحلت

اللى حصل بقى وانا فى التوكيل النهار دة ركب معايا مهندس عشان يشوف صوت الطقطقة ولما قالى انة مش من العفشة بس فى صوت تانى قال انه سامعة ولما نرجع يبص عليه :ايه ياترى
رجعنا للتوكيل رفعوا العربية انا طبعا مش عارف هوه سمع اية لأن خبرتى فى العربيات من 7 شهور بس ومكنتش سامع حاجة
يبص هنا وهنا هوه و2 ميكانيكية المهم قالى هنغير علبة البيئة هيا بتعمل زنة فى الشكمان
قلتلة غير انت اللى سمعت وانت اللى كشفت
غيرها وقالى يلا نجرب444546
قالى لأ الصوت لسة موجود ارفع العربية تانى وركب جوه المهندس علشان يدورها وهيا مرفوعة ويبص الميكانيكى من تحت !!!!!

فضل الميكانيكى يربط فى مسامير والمهندس متشعلق فى العربية وبيسمع وهيا دايرة لحد ما جه فى حتة وقال ايوة الصوت هنا زاد قال طب وكدة قال ايوة قل شوية.... وكدة لا زاد .....وكدة لا احسن .....طيب احسن ولا راح خالص قالة مرحش خالص
وفضل يربط مسامير وبتاع وفى الاخر المهندس قالة كدة احسن نزل
قلتلة اية بقى اللى كنت بتربطة دا قالى دا قاعدة المتور (what)
قلتلة طيب وكدة اية النظام قالى كدة كويسة ان شاء الله بس تعالى بعد يومين على السبت يعنى اظن ان دى استشارة يشوف العلاج نفع ولا التدخل الجراحى بقى لا مفر منه معلش انا بكلمكم بالطب بحكم المهنة :)

يلا الحمد لله على كل شئ وربنا يسترها بقى

يا دكتور:
خلى أى ميكانيكى محترم يبصلك على العربية والمشكلة اللى عندك دى مشكلة بلف تحت عمود الكامة و الله أعلم و رسوله

رد: تانى مشكلة فى اللانوس 2011 فى اقل من اسبوع

شكرا يا استاذ ادهم وان شاء الله ده اللى ناوى اعمله بس افضى شوية