رد: أستهلاك السيارة للوقود
 

نزلت أهلا ووطأت سهلا يا أستاذ على. نورت منتدانا المتواضع بتشريفك عضويتة وحضور المقابلة فى الاسكندرية يوم الجمعة الموافق 17 ديسمبر 2010. ,ارجو التكرم بقبول اعتذارى عن عدم التواجد فى مقدمك مستقبليك.

جزاك الله خيرا على مرورك الكريم على موضوعى المتواضع وان شاء الله يكون بة فائدة تعم على الجميع.

بالنسبة لاستهلاك سيارة حضرتك المذكور عالية فهو معدل مقبول كمتوسط عام وقد يستطيع التوكيل اعادة ضبط المحرك لتحقيق معدلات استهلاك أفضل من وجهة نظرى وقد يفيدنا ملاك آخرين لنفس السيارة بالرأى الصواب.

أرجو من سيادتك تقبل خالص تحياتى حتى لقاء قريب بأذن الله تعالى

رد: أستهلاك السيارة للوقود
 

الله عليك يا عم هشام والله تقرير ولا اروع انتا كان ناقص تقول العربية سحبت ميه من الريداتير قد ايه ههههههههههههههههههههههه

علي العموم ال 74.17 جنيه دول لازم اهل اسكندرية يتحملوها مش كفايا انهم توهوك كمان وخلوك تروح علي ابو العباس بدل من الداون تاون


عن نفسي يا باشا هدي حضرتك تقرير عن الفيرنا عندي وانا جي من اسكندرية في اجازة الصيف من ابو قير الي بيتنا في عين شمس

وزن السيارة 925 كيلو

تقريبا كدا حمولة العربية كان قد وزنها بردك ههههههههههههههههههههههههه ه جيش كان راكب في العربية وشنط وخلافه لا حقيقي يترواح الوزن من 350 الي 450 كيلو جرام

مفيش تشغيل للتكيف الا بداية من وصولنا المحور حتي البيت لان الجو بقا حر

متوسط السرعه كان 90 علشان الردار

درجة الحرارة ما بين 30 الي 37 درجة مئوية

المسافة المقطوعه من الفندق بابو قير الي بيتنا 318 كيلو

استهلاك البنزين 13 لتر بالتمام والكمال


بنزين 92
وعايز حسابهم لامؤخذه ههههههههههههههههههههههه

رد: أستهلاك السيارة للوقود
 

جزاك الله خيرا على الاطراء والمجاملة وقبله الدعاء الجميل ... ربنا يباركلك فى عربيتك ويحفظك ويحفظهالك ويكفيك شرها ... اللهم آمين

رد: أستهلاك السيارة للوقود
 

دة أنا كنت لسة ححط صور فواتير المياة والكهرباء والغاز وايجار العربية والذى منة بس خليهم فى مشاركة تانية يا أحمد بك

318 كم مقسومين على 13 لتر يساوى 24.46 كم/لتر ودة معدل خرااااااااافى يا أحمد بك لم أسمع بة من قبل ... دى حتى السوبر فيورا -أول عربية أشتريها فى حياتى- أفضل معدلاتها عندما سافرت بيها من الاسكندرية الى شرم الشيخ ودهب أو فى رحلة مرسى مطروح أو بورسعيد أو رحلات القاهرة المتكررة (أصلى أنا سافرت بيها الجمهورية كلها أيام الكلية) لا أتذكر أننى وصلت بها لمعدل أفضل من 16-17 كم/لتر وهى 900cc !!! ... ربنا يباركلك فيها وان شاء الله تحقق بها 100 كم/لتر يا رب وتدخلها كلية الطب

رد: أستهلاك السيارة للوقود
 

شكرا على الموضوع يا استاذ هشام لكن انا بقالى فتره كبير مصفرتش العداد عند التموين لكن اوعدك ان شاء الله هصفر العداد المره القادمه و اقولك الاستهلاك اد ايه ROSE4U