رد: عاوز افهم يعنى ايه تسقيط الغيار فى الجرى ؟
 

مع احترامى لكل الشرح اللى فات انا مش فاهم حاجه
ايه علاقة العزم بالسرعة ؟؟؟؟ ومش المفروض ان الغيار الاعلى بيدى سرعة اعلى ؟؟؟؟؟ ولا ايه؟؟
طيب لو انا ماشى ع الرابع وعايز اسرع اكتر بنقل للخامس عشان السرعة تزيد وده الواقعى وعدد لفات الموتور يقل ويريح الغيار برضه مش كده؟؟
لازمته ايه بقى انزل من غيار عالى لغيار اقل؟؟؟؟ على قد مافهمت كده عشان العزم يزيد صح؟ طب لازمته ايه العزم ده ؟؟؟؟ وبيفيد فى ايه انى اعمل كده؟؟؟ لغاية دلوقتى مش شايف غير اضرار وامتى اللى بيسقط الغيار يعمل كده ؟؟ فى اى حاله يعنى ؟؟؟؟؟
معلش اعذرونى على جهلى وضيق فهمى حلمى نظمى رسمى

رد: عاوز افهم يعنى ايه تسقيط الغيار فى الجرى ؟
 

فعلا الترس الأعلا يدي سرعه اكبر .. لكن قدرته اقل
يعني ايه
يعني لما سرعه العربيه زادت امكانيه التسارع قلت
علشان كده تبص تلاقي العربيه بتاخد وقت معين علشان توصل لسرعه 100 كم/س
حنقول مثلا مثلا 10 ثواني
لكن علشان توصل ل 150 كم مثلا بتاخد وقت اطول مثلا 20 ثانيه
طيب مش المفروض ان اللي وصلها لسرعه 100 في 10 ثواني يخليها توصل لسرعه 150 في 15 ثانيه
السبب ايه ... ان العربيه علشان تمشي على سرعه اكبر بتستخدم ترس اصغر
وبالتالي عدد لفاته تزيد بالنسبه لعدد لفات الموتور ( زي فكره ترس العجله كده)
فيديك سرعه اعلا .. بس ساعتها العزم بيقل
العزم ده عباره عن قدره العربيه في المحافظه على التسارع
علشان كده تسارع العربيه بيضعف كل ما سرعتها تزيد
وكل ما تستخدم ترس اكبر تحقق تسارع افضل ... لحد ما الترس يجيب اخره :(
فتنقل على اللي بعده
انت ممكن تمشي على الرابع على سرعه 40 .. لكن لو حاولت تزود سرعه العربيه حتكون الاستجابه ضعيفه جدا ... لأن عدد لفات الموتور قليله جدا و بالتالي العزم ضعيف ... مع ان الرابع المفروض يمشيك مستريح على سرعه 100
فالعزم هو المقدره على زياده السرعه

رد: عاوز افهم يعنى ايه تسقيط الغيار فى الجرى ؟
 

الموضوع كله مرتبط بزمن التسارع مش اكتر
ده خلاصة الكلام
ركز في الكلام ورتبه في ذهنك من الاول وانت تعرف
والكلام ده لو انا عاوز الحق حاجة بسرعة او لو انا داخل سباق مع حد لكن في القيادة العادية هعمل كده ليه هتفرق معايا 10 ثواني قوي او حتى دقيقة طبعا لأ

ولأنها فيها خطورة على الجير الكل حذر ان الموضوع لازم يكون محسوب صح زي مقالو مينفعش مثلا تكون ماشي على سرعة 100 وتقول انزل على الثاني او الاول

رد: عاوز افهم يعنى ايه تسقيط الغيار فى الجرى ؟
 

والله حضراتكم اساتذة وقمة فى العلم + العطاء + الذوق
ربنا ما يحرمنا من علمكم
الواحد كل ساعة(مش كل يوم) بيتعلم حاجه جديدة
جزاكم الله خيرا

رد: عاوز افهم يعنى ايه تسقيط الغيار فى الجرى ؟
 

معلومات جميلة تشكرو عليها