رد: أرجو الرأي بخصوص اللانسر كريستالة
 

اشتاذ حازم التويوتا تعتبر احسن خامات فيهم و ده لا شك فيه!!! الصني اكتر عربيه فيهم بتفضل ماسكة نفسها غير انها احدثهم و اعلاهم عن الارض !! بس انا مرشحتش التويوتا لانها لو حتبقى بسعر يقارن بالتانيين حتبقى حالتها مش كويسه يا اما حتبقى اغلى 10 الاف جنيه لو بنفس حالة المنافستين!!! الانسر عربيه شكلها لحسلي دماغي من اول ما نزلت 1998 و عجبتني جدا و كنت ارشحها للي عايز يجيب! بس بالتجربة و شهادة الاقارب اللي اشتروها العربيه واطية جدا و لازم تحت في اي مطب في الشوارع الجانبية !و عزل الصوت بتاعها اقل شوية من الاتنين التانيين! غير كده العربيه شكلها رياضي جدا و فعلا قابلة للتعديل (للي غاوي يعدل بس تعتبر ميزه) لكن لو ستوك انصح بالصني لان ال 2001 اول الشكل الجديد و ياباني بالكامل و قوية

رد: أرجو الرأي بخصوص اللانسر كريستالة
 

لو بصيت علي تابلوه الكريستاله و فرش الابواب و الصاج مقارنه بين الكورولا 98 و اللانسر حتعرف اد ايه لانسر فعلا متميزه من حيث جوده الخامات و متانه الصاج و المرونه
فعلا اعلي عربيه فيهم لكن دا بيأثر علي ثباتها لو حنقارن بين الثلاث عربيات حتلاقي اللانسر تكسب و مش معني كده ان الباقي زباله لكن اللانسر متفوقه
اللانسر علشان تجيب منها عربيه كويسه مش اقل من 48 الف لو هاف اوبشن مانيوال
و ليا واحد صاحبي لسه شاري واحده 99 ب 56 الف كامله اتوماتيك من شهرين بالضبط
و الكورولا عمرها ما وصلت للتمن دا لانها مش مرغوبه اساسا مقارنه بالموديل السابق
انا معايا لانسر 98 و مش بتحك مني علي الرغم من ان العربيه علي وضعها مش عاليه
لكن انا ركبت طقك جنوط 14 اول ما جبتها و دا يمكن ضبط موضوع الحك في المطبات كتير
معاك حق في دي لكن حط في الاعتبار ان الكورولا ناعمه الي ابعد درجه و لا تقارن في النعومه مع اي عربيه اخري
و دي كمان انا معاك فيها
و نقطه كمان
اللانسر نزلت من 96 الي 2000 و الكورولا نزلت 98 و 99 و بعد كده في 2000 نزلت الرموش
و دا بيخلي اللانسر قطع غيارها في الاستعمال اكتر من العيون و بالتأكيد سعرها ارخص
علاوه علي ان كل حاجتها موجوده في التوكيل اوريجنال للي عاوز يدفع444546
يكفي اني اقولك ان واحد صاحبي نده عيون داخ علي ماستر فرامل و مافيش منه استعمال و الجديد تايواني و مش كويس و الاوريجنال كان ب 1200 جنيه
في اللانسر عمرك ما تدفع التمن دا في ماستر فرامل نهائي

رد: أرجو الإفادة حول الصني 2001
 

الله يخليك

وبالتوفيق

وأوصيك بالأستخاره

رد: أرجو الإفادة حول الصني 2001
 

اتوكل على الله و هات الصني افضلهم بس ابطأهم بيعا! و صلي برضه استخارة زي ما قال استاذ سمير

رد: أرجو الرأي بخصوص اللانسر كريستالة
 

بايدك طبعا ان الانسر اكثر قطع غيار متوافرة ! لانها ارخص سيارة ياباني بالكال على مستوى العالم في فئة السيدان او عائلية صغيرة الحجم كما يقال لدرجة ان سعرها ينافس الكوري مع ان خامتها تتفوق عن الكوري بمراحل و مراحل! شركة و سيارة حققت المعادلة الصعبة بس في خلا السنتين اللي فاتوا توكيلها ابتدى يموتها برفع اسعارها لتنافس الكبار بصورة غريبة و مقززة لانها فقدت نقطة تميزها و اعتقد ان قرار سحب التوكيل اكثر من مقنع لاني ابتديت اشد في شعري ما الاسعار الغريبة اللي التوكيل كان بينزلها للبومة مؤخرا قبل سحب التوكيل و ده بيثبت قوة ميتسوبيشي موتورز و سيطرتها بقبضة من حديد على وكلائها و سمعتها و انها لا تسمح لاي كان بالتلاعب بسمعتها في مصالح مادية او شخصية و الى الامام ميتسوبيشي في تحقيق المعادلة الصعبة! بس على فكرة الكورولا 98 - 99 تعمل من 58 - 68 الف و هي فعلا اغلاهم الانسر من 42 - 56 و الصني 2001 من 55 - 64 برغم انها احدث ب 3 سنوات