مصر موتورز مجتمع السيارات - يعني ايه الكتاوت

اقتباس:

المشاركة الأصلية كتبت بواسطة الايطالى الصغير (المشاركة 664821)

طالما فتحتوا فى موضوع الكتاوت

انا عندى استفسار نفسى حد يجاوبنى عليه

اشتريت كتاوت عادى - كتاوت نور مثلا او مارش

لقيت كالاتى

فيه اربع بنات

وطرف خامس سلك قصير خارج من جسم الكتاوت

اخرته حلقة صغيرة زى الترامل كده

طيب الاربع بنات pinsاو اطراف

هم

86 ؟؟

87؟؟

30 كهرباء

51 اموت واعرف الطرف 51 بتاع ايه ؟؟؟؟؟

ممكن بقى اعرف كل طرف رايح فين بالضبط

واهم شىء الطرف الخامس

السلك القصير الى خارج من جسم الكتاوت مكتوب عليه 85

هل ده الارضى

ونضرب مثل على كتاوت المارش

عايزين نوزعها

85 ( سلك قصير خارج من الكتاوت مكتوب جمبه 85) هنقول مثلا ده أرضى

طيب وزعولنا الباقى ربنا يخليكوا

86 ؟؟؟؟؟

51 ....؟؟؟؟

30 كهرباء

87

عايزين حد يوزعهم ويقولى كل طرف بيعمل ايه بالضبط

بما انه لم يرد احد من المختصين حتى الان فساقوم بشرح تجربتى عن كتاوت مختلف شوية عن اللى ذكرته وهو كتاوت الكلاكس لانى كنت لسه بالعب فيه يوم الجمعة ، وساذكر لحضرتك ما فهمته بعد فكه من الداخل ،
اولا ما وجدته داخل الكتاوت ما هو الا ملف لعمل مغناطيس يعمل عند توصيل طرفيه (85 ، 86) بالطرفين الموجب والسالب ، فيعمل الملف وتتكون المغناطيسية المطلوبة والتى تقوم بتوصيل النقطتين (30 ، 87) ببعض.
ــــــ 87

85 | | 86

| 30

وبالتالى فان خرج الكتاوت هو النقطة 87 والتى تنتج من اتصال الداخل الى الكتاوت من النقطة 30

ولنفترض الان اننا نريد خروج موجب من الطرف 87
فيكون التوصيل كالتالى
الطرف 30 : موجب من اى مكان موجب فى العربية وغالبا ياتيه من موجب البطارية او مثل عندى من موجب المارش (اللى هو اصلا جاى من موجب البطارية)
الطرف 85 : ايضا موجب
الطرف 86 : الطرف السالب او الارضى (وهو اهم طرف الان لانه لن يكون اتيا من جسم السيارة كما هو معتاد بل سياتى من مفتاح الكلاكس - اى عن الضغط على مفتاح الكلاكس يقوم مفتاح الكلاكس بتوصيل طرف الارضى الى الكتاوت )
الطرف 87 : الطرف الخارج الى كلاكس السيارة

والان عند الضغط على مفتاح الكلاكس سيقوم بتوصيل الارضى الى النقطة 86 وبالتالى يعمل الملف حيث ان الطرف المقابل له وهو الموجب موصول اصلا بالموجب والان تم توصيل الطرف السالب ، اذًا يعمل الملف كمغناطيس ويجذب نقطة التلامس بين الطرفين 30 ، 87 فيتم توصيل التيار من النقطة 30 الى النقطة 87

ارجو ان يكون فهمى سليم وتكون الصورة قد وضحت كما وضحت لى