مصر موتورز مجتمع السيارات - لماذا نتباها بالمواصفات الخليجية ..الذين هم يشتكون منها ...

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: لماذا نتباها بالمواصفات الخليجية ..الذين هم يشتكون منها ...

اقتباس:

المشاركة الأصلية كتبت بواسطة mercedes (المشاركة 290880)

ROSE4Uالسلام عليكم و رحمة الله و بركاتهROSE4U

مواصفات العربيات اللى بتنزل ليهم أعلى من اللى بتنزلنا , لأن :

هما ماعندهمش جمارك زينا و بالتالى العربيات عندهم أرخص من عندنا .

هما عندهم قوة شرائية أكتر مننا لأن معاهم فلوس أكتر مننا .

هما البنزين عندهم أرخص مننا فمش هاممهم سعة الموتور و السيسيهات و الحوارات دى, ده كان فيه سعوديين , لما بلاقيه راكب شيفروليه كابريس , كنت أسأله , أنت عارف العربية دى كام سى سى ؟؟؟ , يقوللى ( والله مادرى(what) ) رغم أن جنب العربية مكتوب عليه 5.7 !!!!!!!!!!!!

هما الشوارع عندهم أوسع مننا

الوكلاء عندهم, عنيهم مش بجحة زى عندنا و مايقدروش يسرقوهم زينا و لا بيتبعوا معاهم سياسة ( بلحة و انشالله تغضبوا ) و لا بيسيبوهم يخبطوا دماغهم فى الحيط و لا يشربوا من البحر زى عندنا , لأن هناك المواطن هو الانسان رقم 1 فى البلد و أى شكوى منه بتروح ضد أى موزع معتمد و لا وكيل, الحكومة بتمسك الوكيل تطلع تلاتة ترابنتين أهله الأول و بعد كده تحقق فى الشكوى .

هى دى الأسباب اللى بتخلى مواصفات العربيات اللى بتنزلهم أعلى من اللى بتنزلنا و لأن الانسان بطبعه عنده تطلعات , فتلاقينا هنا بنطمح للمواصفات الخليجى و هما فى الخليج بيطمحوا للمواصفات اللى أعلى من اللى بتنزلهم , اللى هى المواصفات سواء فى بلد المنشأ أو بلاد تانية زى أميركا الشمالية مثلا .

MERCEDES E230

فعلن الكلام ده مظبوط 100% و انا معاك فى هذا الرئى

رد: لماذا نتباها بالمواصفات الخليجية ..الذين هم يشتكون منها ...

ع الاقل الخلايجه عندهم مواصفات لكن ف مصر العمليه ماشيه بالبركه

هناك عربيات معموله عشان تستحمل درجات الحراره العاليه و السرعات العاليه
زي الكروز مثلا نازله بماتور 1800 اقل حاجه
دا غير طبعا العربيات الي ب نص مليون هنا بتتباع هناك ب 60 و 70 الف

بس دلوقتي الي معاه فلوس هناك بيشتري بي ام او كاديلاك او مرسيدس
و الشباب بيشترو موستانج و الي معوش فلوس خالص بيجيبله صني يلعب بيها

دا الصني كانت ف فتره ب 20 الف ريال بس !!!!!!!!!

رد: لماذا نتباها بالمواصفات الخليجية ..الذين هم يشتكون منها ...

الموضوع متشعب جدا يا جماعه
أنا شغال حاليا بتاني أكبر شركة للسيارات المستعملة بالكويت
والموضوع يتلخص في بعض النقاط منها زي اللي قاله الاخ مرسيدس ومنها ايضا أن

- الرقابه علي وسائل الامان هنا شديد جدا
- وكالات السيارات لايمكن انها تضحي بسمعتها لو حتي اضطرت لخسارة كبيرة
- السيارات هنا لو قارنتها بمصر فررررررررررق شاسع في السعر لعدم وجود جمارك وفي السعه اللتريه لان البنزين هنا رخيص جدا وفي الاوبشن لأن عندنا في المحروسه بياخدو فلوس علي كل أوبشن في السيارة
- وأهم حاجه ان هنا الخليجيين أهتمامهم الاساسي بأوبشن السيارة أما مسأله السيفتي أو الامان اللي بالسيارة فده موضوع مفروغ منه لانهم سايبينه للدوله أو الحكومة بمعني أصح

-- أما بالنسبه للمواصفات الخليجي وانبهار الناس بيها فالفرق كل الفرق من ناحية الاساسيات بيكون في دورة التبريد عشان تستحمل الحر وقوة التكييف بس
أما من ناحية الامان والاوبشن فده أكتر وافضل هنا عشان زي ما قلنا مفيش جمارك