مصر موتورز مجتمع السيارات - السيارة a113 بعد صاينة الالف الاولى

مصر موتورز مجتمع السيارات (https://www.masrmotors.com/vb/index.php)

- A 113 (https://www.masrmotors.com/vb/forumdisplay.php?f=188)

- - السيارة a113 بعد صاينة الالف الاولى (https://www.masrmotors.com/vb/showthread.php?t=38532)

رد: السيارة a113 بعد صاينة الالف الاولى

يا جماعه لازم تفهم طبيعة موتور عربيتك يعني عريبيتك و عربيتي اللي هيا ال 113 بتجيب اقصى عزم ليها 122 نيوتن عند 3500 ل 4500 لفه و ده مش كلامي ده كلام الشركهhttp://www.cheryinternational.com/sp...ons/en/a1.html

يعني لازم تقرص شويه مش تنقل بدري
وانا عربيتي جايب بيها 180 وكان لسا مش اخر الدواسه و كان على الخامس و ال RPM على 5500

رد: السيارة a113 بعد صاينة الالف الاولى

اقتباس:

المشاركة الأصلية كتبت بواسطة mostafaelsamahy (المشاركة 282515)

السلام عليكم... وعيد سعيد ع الجميع.

الله ينور عليك وعلى كلامك لازم الكل يفرق ما بين المواتير الحديثة حسب نقطة العزم.. يعني الشركة المصنعة لمواتير الاسبيرانزا (شيري و Avl) بتقول ان اقصى عزم ما بين 4200-4300 لفة.. يعنى مفيش ضرر ع المواتير نهائي (بس دا بعد التليين.. يعني من وقت للتاني ابدأ اقرص ع الموتور مرة في مرة واتفرج على تجميع العربية معاك وسحبها)

الضرر الحقيقي ع الموتور بيكون عن طريق القرص بغشامة ودخولك المتكرر للريد زون.. مع إن الشركة برضوا مأمنه الموضوع دا.. عن طريق ارسال رسالة من كمبيوتر السيارة لرشاشات البنزين بتوقفها عن العمل حتى تخرج من المنطقة الحمراء مرة اخرى) مفيش قلق خالص واستمتعوا بالسيارة
والسلام ختام

رد: السيارة a113 بعد صاينة الالف الاولى

اقتباس:

المشاركة الأصلية كتبت بواسطة kimocyc (المشاركة 286992)

شكرا للتوضيح

وحكاية الريد زون دي صح و عن تجربه

كنت مره قارص على التاني و جايب 90 و مر وحده لقيت العربيه هديت ( الموتور هدي من غير مشيل رجلي من على الدواسه )

رد: السيارة a113 بعد صاينة الالف الاولى

بصراحة انا سمعت نصيحتكوا و ابتديت اقرص على الغيار شوية والعربية سحبها اتغير بالامانه وعلى المطالع اصبحت شكل تانى خالص بس العربية عامله 3000 كم و اخرها معايا ال120 كم /ساعة مش عاوزة تعديها بالرغم من انى بشوف عربيات A113 بتجرى اسرع من كده بكتير - اكيد العربية اتتغير معايا بعد ال5000 كم انا بسمع على ناس بتجيب بيها 160 كيلو بالامانه العربية اتحسنت معايا جدآ بعد القرص على الغيار وحاسس ان الغيار لسه ممكن يجيب كمان بس انا مش عاوز اقرص عليها جامد الا بعد ما تعدى ال5000 كم وكمان انا شايف ان سحبها للبنزين عالى شوية يمكن لما الموتور يلين سحبها يتعدل بس بصراحةالعربية كل شوية بتشد عن الاول وبتريح معابا فى السواقه يعنى اول مرة اطلع بيها على الصحراوى تعبت جدآ لكن دلوقتى حاسس انها بتمشى معايا ملبن مش لازم ادوس على البنزين جامد و اى دوسة بتخليها تجرى وشكرآ ليكم على النصيحة الغالية فعلا ما خاب من استشار.

رد: السيارة a113 بعد صاينة الالف الاولى

اقتباس:

المشاركة الأصلية كتبت بواسطة مادا (المشاركة 289627)

سبب احساسك بالتغيير دا.. هو انك لما قرصت ع الموتور اكيد حتكون وصلت للعزم المطلوب 4200 لفة ودا معناه ان قلبت إلي نظام السواقة الرياضي.. وهي ان اقل لمسة لبدال البنزين تفرق معاك في السحب ودا لسبب ان بدال البنزين على حساس مش على واير ودا بيخلى كمبيوتر العربية يعرف انك بتسوق بالنظام الرياضي..

ربنا يديلك خيرها ويكفيك شرها