رد: ما هى الأعراض التى تحدث للسيارة بسبب تلف المانيفول
 

ألف مبروك حل المشكلة، وفي انتظار رأيك بعد التركيب

رد: ما هى الأعراض التى تحدث للسيارة بسبب تلف المانيفول
 

بعد إذنك يا أستاذ حازم كنت عايز أسأل حضرتك عن ميكروباص فولكس، 1600سي سي موتور أمامي. هل هذا الميكروباص موديل 1980 أو قبل ذلك؟
وهناك من يسقط له موتور تويوتا جاز، هل هذا أفضل أو البنزين؟
وشكرا مقدما

رد: ما هى الأعراض التى تحدث للسيارة بسبب تلف المانيفول
 

مساء الخير أستاذ حازم وشكرا على إهتمامك وأحب أعرف سيادتك إن وش السلندر بعد التركيب أداءالسيارة أصبح أفضل وجميع المشاكل تقريبا إتحلت فيما عدا مشكلة واحدة وغريبة جدا حتى الميكانيكى قالهالى بوضوح وبكل صراحة قالى العربية فيها كتمة وبحاول أعرف السبب وإطلع جرب وشوف المهم دورت الكونتاكت ولاحظت إن صوت الموتور أصبح هادىء والرعشة إختفت وسحب السيارة كويس والمشكلة هى زى ماقالى إن العربية فيها كتمة وهى عبارة عن أول ما أدوس بنزين ألاقى العربية مكتومة وبعد كدة ألاقى الوضع أصبح طبيعى ولما أرفع قدمى من على دواسة البنزين وأذود بنزين تانى تحدث نفس الكتمة ودى لاحظتها فى جميع الغيارات من الأول حتى الخامس وكذلك فى المرشيدير نفس الكتمة وقلتلة على الملاحظة دى قالى أنا بحاول أعرف السبب وكشف بالكمبيوترتانى وقالى جميع الدواير سليمة ولم يسجل أعطال وهو راجع على جميع أجزاء السيارة من فلتر هواء وبنزين وطلمبة وجميع الحساسات والبوابة والرشاشات وجميع الوصلات والخراطيم حتى الكارتة ركب واحدة جديدة والنتيجة نفس الكتمة ورجع ركب القديمة تانى هو بصراحة لم يترك شىء فى السيارة إلا وشافة وقالى هات العربية يوم السبت علشان أشتغل فى العربية على رواقة علشان أقدرأحت إيدى على العيب دة وأخذت العربية ورحت لورشة كهربائى علشان أتأكد من كلامة وشرحت لة الوضع وكشف بالكمبيوتر ولم يسجل أى أعطال أوقراءة خطأ وقالى كل حاجة عندك سليمة إرجع للميكانيكى يشوف حل للكتمة دى وبصراحة وش السلندر ملوش دعوة بالكتمة دى وعلى العموم أنا إحترت وتعبت وروحى طلعت ومعنديش حل سوى الأنتظار ليوم السبت

رد: ما هى الأعراض التى تحدث للسيارة بسبب تلف المانيفول
 

فيه أستفسار بسيط من سعاتك الأول يا أستاذ : محمد

الميكانيكى اللى متحدد بالأزرق فى الأقتباسين

هو هو

ولا ده غير ده

رد: ما هى الأعراض التى تحدث للسيارة بسبب تلف المانيفول
 

خد العربيه مشوار طويل ان شاء الله الكتمه تروح
لو ما راحتش يبقي في علبه شكمان مسدوده