رد: محمية وادى الحيتان
 

كلام مش مظبوط طبعا ......واكيد انت بتخمن
لكن دى تجاربى الشخصية
المخابرات مراقبة كل حاجة فى مصر بالقمر الصناعى
المسألة مش هايصة
وانا فوجئت بواحد من مباحث احد الأقسام بيقول لى مرة انهم مراقبين دايرة القسم بالقمر الصناعى يعنى داخل القاهرة مش فى الصحرا
فمبالك الصحرا اللى بتتهرب فيها كل حاجة بسهولة اكتر من المدينة لازم تتراقب طبعا
ولما اتريقت وقلت له / اومال تجارة المخدرات بتزيد ليه؟؟؟؟
ضحك وقال جملة عجيبة جداااااااا
قال / ان الظابط المسئول بيطفى الشاشة حوالى 20 ثانية او دقيقة تكون العربية مشيت اللى فيها الحمولة
بس محمية وادى الحيتان واضح من الكلام كده انها حاجة زى رحلة كده ممكن تاخد فيها العيلة والاولاد وساندوتشات وكلام من ده
لكن المغامرة الحقيقية فى الصحراء الغربية
و...ده اللى انا اتكلمت عليه وعملت له وصف فى اول مشاركة ليا هنا
لانى مروحتش وادى الحيتان قبل كده
وبالتالى واضح ان وادى الحيتان ده محتاج عربية عادية مش لازم 4* 4
اذا كان الصحراء الغربية للى هيا اسوأ بكتير دخلتها بالملاكى وعربيتى نيسان صنى مش 4*4

رد: محمية وادى الحيتان
 

اشك فى كلام الراجل الى قالك كده, ده تهويش, مهو لو همه فالحين اوى كده كانو لقو العربيات المسروقة مثﻻ

رد: محمية وادى الحيتان
 

ده على اساس انك فاهم اننا فى دولة محترمة فيها قانون
انا عربيتى اتسرقت والمباحث لقيوها وساومونى واخدو 7000 جنيه بالعافية علشان يقولو لى مكانها فين ويسلموهالى

ولو حبيت انفذ القانون / ابسط كلمة اتقـالت لما حسو انى ناوى امشيها قانونى
جارى البحث عنها

وطبعا دفعت

كل شىء موجود ......لكن المهم الاشخاص القائمين على التنفيذ
ثم محدش قال لى حاجة ده الراجل جاى بناء على اخبارية وصلت له وهما افتكرونى زبون رايح اشترى ارض منه وعربيتى كانت فى ارضه

ابتسم انت فى مصر