رد: سياره مرور تصدم سياره سيدة مصريه بالكويت و تسجن اخواتها
 

أنا كمان بكره السعوديين أوووووولا كره العمى ويليهم الكويته.... أنا هنا في السعوديه بعاني من غبائهم وكبريائهم ومنظرتهم ع الفاضي بس أنا مابسكتش لحد فيهم يفكر يتطاول بالذات لو كان غلطان مع أن والدي دايما بيحذرني من الأشتباك معاهم لأن حكومتهم بتقف في صفهم حتى لو غلطانين .... لأن مافيش عدل وبس بلد الحكم الإسلامي والدين بالبق بس فعل مافيش ... بس معليش اللي خلانا أستحملناهم السنين اللي فاتت دي كلها نستحملهم الكم سنه اللي فاضله لهم والبترول بتاعهم يخلص .... ويبقوا يوروني بقى هيعيشوا منين.... ماهي لو كانت دامت لغيرك ماكانتش وصلتلك ... أنا اللي كنا بنأكلهم زمان ودلوقت بقوا بيتنططوا علينا .....الصبر بس الصبر .

رد: سياره مرور تصدم سياره سيدة مصريه بالكويت و تسجن اخواتها
 

مش عارف يا استاذ باسم بس اكيد انتا عايش معاهم وعارفهم اكتر مننا وربنا يرجعك لارض الوطن سالم غانم ان شاء الله

رد: سياره مرور تصدم سياره سيدة مصريه بالكويت و تسجن اخواتها
 

نفس الفكره بالضبط و اتفاق في الرأي
لكن مش بحب احكم علي موقف من طرف واحد
المصريين برضه مش ملائكه و اعوذ بالله منهم في الغربه (مش الكل طبعا لكن الغالبيه ) و الله اعلم باللي حصل
لكن مهما كانت الامور المفروض ما توصلش لكده ابدا
للاسف يا سيد باسم معظم دول الخليج و خصوصا البحرين و السعوديه و الامارات اصبح اعتمادهم علي البترول كدخل اقل من الماضي و بقي عندهم مصانع و صناع و تجاره
و للاسف بروح اشتري حاجات الاقيها تصنيع السعوديه!!!!!
يعني بعد ما كانت كسوه الكعبه و اكلهم بيروح من مصر لعندهم دلوقتي بقوا بيصدروا لينا كمان...
غير كده انت مش واخد بالك من ايرادات الحج و العمره ؟؟؟
دا غير التنشيط التجاري الرهيب في الموسمين دول
يعني فرضا لو البترول خلص حيقدروا بكل بساطه يزودوا مصاريف الاجراءات و بالتالي دخلهم يزيد

رد: سياره مرور تصدم سياره سيدة مصريه بالكويت و تسجن اخواتها
 

فعلا , احنا فضلنا سنوات طويلة , فاكرين أنهم ناس مابيفهموش فى أى حاجة و بنتريأ عليهم و نقعد نقول احننا اللى علمناهم الألف من كوز الدرة و أنهم مابيعرفوش يفكوا الخط و هما طول الفترة دى بيعملوا من غير لا دعاية ولا شوشرة و بقوا زى الأخ الفاضل / حازم خضر بيقول , أن أصبح عندهم صناعة و زراعة - فى سنة من السنين, السعودية صدرت قمح لمصر!!!!!!! - و تجارة و مناطق تجارية حرة و تطوير فى كل شئ و هما زى مابيستخدموا فلوسهم فى كلام فاضى , بيستخدموها كتيييييييير جدا فى حاجات مهمة زى التعليم فى أحسن الجامعات الأجنبية - فيه طلبة خلايجة كتير جدا هنا فى كندا و فى كل الجامعات الأجنبية فى جميع أنحاء العالم- و أهو كله بالفلوس, ده البطارية الجافة AC Delco اللى أنا روحت أشتريها للعربية لقيتها مصنوعة فى الدمام - السعودية و أدوية كتير من اللى عندنا فى الصيدلية , مصنوعة فى شركات سعودية و اماراتية و أمثلة غير كده كتير , احنا اللى للأسف بنتأخر و مفكرين انهم زى ماهما فى الستينات و السبعينات , يدوب بيطلعوا البترول من الأرض و يشتروا بيه أكل و شرب و عربيات و خلاص , هما لا زالوا صحيح بيعملوا كده , بس غير كده بيعملوا حاجات تانية كتيييييييييييير أوى بالفلوس بتاع البترول و بالفعل بيستعدوا بالفعل لليوم اللى هييجى و البترول يخلص فيه , ساعتها, احنا هنكون دولة متأخرة جدااااااااااا و هما هيكونوا متقدمين و عندهم دعائم غير نفطية للاقتصاد بتاعهم كتييييييييييير جدا , زى الامارات دلوقتى , هى بتستفيد من كونها منطقة تجارة و سياحة عالمية أكتر من البترول اللى فى أرضها .

طول عمرنا كنت بنتريأ على السعودى اللى تلاقيه مش بيعرف يقرا ويكتب و دول لحد النهاردة موجودين كتير أوى لسه , بس أنا عمرى ما هنسى اليوم اللى حصل فيه الموقف ده ( كنت مرة ماشى فى طرقة المستشفى الحكومى اللى أنا كنت بشتغل فيها فى السعودية , و كانت المستشفى دى هى المسئولة عن اجراء الكشف الطبى الروتينى لكل اللى جايين يشتغلوا فى السعودية من الأجانب توطئة لاستخراج الاقامة, المهم لقيت واحد عامل مصرى لا بيعرف يقرا ولا يكتب -عادى يعنى- و بيطلب من موظف الأمن السعودى اللى طبعا عالأقل بيعرف يفك الخط, أنه يملاله الاستمارة بتاع الكشف, قولت فعلا, سبحان الله , الأيام دول!!!!!!!!!! )

شكرا و آسف للاطالة

رد: سياره مرور تصدم سياره سيدة مصريه بالكويت و تسجن اخواتها
 

اهم حاجه عند السطات الصريه المحافظه على العلاقات الدبلو ماسيه ايا كان الثمن