مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- رينو كليو Clio (https://www.masrmotors.com/vb/forumdisplay.php?f=163)

- - رينو كليو 2003 (https://www.masrmotors.com/vb/showthread.php?t=3450)

رد: عاجل : أسأل عن رينو كليو 2003

الف مبروك يا باشا الجوليت بس قولى ايه نظامها وخلصتها بكام لانى بفكر اغير

رد: عاجل : أسأل عن رينو كليو 2003

الله يبارك فيكم كلكم يا إخواني الفضلاء (أبو نورا - سام رام - بوب الجامد) وربنا يزيدكم من فضله

والعربية يا بوب لحد دلوقتي ما شاء الله تمام، بصراحة السوق الأسعار مبالغة فيه بالمقارنة بهبوط الأسعار المعروف والمتوقع خلال الأيام القادمة، يعني أنا سألت عن الكليو موتور 1200 لقيت ناس لسة بتتكلم في 48 والكلام الفاضي ده !! مع إني كنت خلصت الموتور 1400 موديل 2001 كاملة مانيوال وفابريكة برة وجوة عدا جانب واحد وحالتها العامة ممتازة خلصتها بـ 40 ألف !
المهم، بالنسبة للجولييت بتاعتي هي موديل 2000 ، موتور 1500 ، فابريكة دواخل ، باور ، 4 زجاج كهرباء ، سنتر ، تكييف شغال ، إمكانية تحريك الدركسيون ، RPM ، كاسيت سي دي كينوود و2 سماعة كينوود و2 بايونير ، 5 جنوط سبور مقاس 15 و5 فرد كاوتش جديد، ما شاء الله الحالة العامة جيدة جدا محتاجة بس شوية شغل خفيف زي تغيير كبلن وشوية كماليات خفيفة، وربنا يكفيني شرها آمين
نسيت أقول إن اللي غير رأيي من الرينو الكليو على الرغم من إعجابي الشديد بها وحسرتي عليها ! إلى الدايو عموما والجولييت خصوصًا هو أسعار قطع الغيار وسهولة الصيانة بدون الحاجة إلى مركز أو توكيل بياخد الطاق عشرة ! ولما رحت أعاين الكليو في مركز الخدمة حسيت فعلاً إن العملية مش سهلة ! ففكرت لبعيد حتى لا أتورط في عربية كويسة بس يوم ما أفكر أغيرلها أي حاجة بايظة محطش إيدي على خدي وأركنها تحت البيت لحد ما تفرج !! وأولاً وأخيرًا كل شخص يعرف مدى إمكانياته ويقدر يظبط نفسه على قد مستواه

رد: عاجل : أسأل عن رينو كليو 2003

ربنا يباركلك فيها يا ابو عبدالرحمن بس انت برضه مقولتليش خلصتها بكام؟؟؟

رد: عاجل : أسأل عن رينو كليو 2003

لا مؤاخذة يا بوب نسيت والله !
أنا خلصتها بـ 42 ألف
وسافرت بيها أول إمبارح المنصورة ورجعت إمبارح ، العربية الحمد لله حالتها كويسة جدًا وسحبها تمام إلا إنها محتاجة شوية تظبيط في العفشة عشان كانت بتعوم مني في الطرق غير الممهدة وكمان لما جيت أشغل التكييف على السرعة 3 أو 4 كان الموتور بيخف مني وبيبطل بس لما بشغله على 2 بيبقى تمام ، وانا راجع امبارح في تلت الطريق تقريبًا حصلي موقف بايخ وربنا ستر والحمد لله ، الزجاج الأمامي انكسر فجأة ونزل عليا زي حبات الرز ! عشان كان اللي متركب مصري مفيهوش بلاستيك، بس الحمد لله ربنا سهلها ورحت لواحد بتاع زجاج وركبت واحد سعودي بـ 370 جنيه

رد: عاجل : أسأل عن رينو كليو 2003

الحمد لله قدر الله وماشاء فعل خدت العين معاها...
المهم حاول تعمل وليمة اوتدبح لو تقدر كنوع من انواع التقرب لله وشكرله ليكفيك شرها...