مصر موتورز مجتمع السيارات - ناوي اشتري اول عربيه !

اقتباس:

المشاركة الأصلية كتبت بواسطة h00ka (المشاركة 226465)

@ sad-bird

شكرا للرد و الخيارات
كلامك حلو...بس عارف انا فى الاكاديمية اللي فـ ابوقير قسم هندسة ... ولو ليك حد هناك او روحت الكلية هتعرف ان مستوى العربيات هناك حاجة عالية عالية يعنى :]
ف ال128 و الفيورا مش برستيج اوي وكمان لو جيت اظبطها هتحتاج وقت ودماغ وبعد كل ده لقدر الله و كمان عشان مليش ف السواقة ممكن تتخبط واجري على دة و دة و تعطيل

المازدا دي حلوة و مكنتها ناعمة وبيقولو سحبها كويس و انا كلمت واحد معرفة وان شاء الله ننزل نشوفها و لو ربنا وفق يبقى تمام

عارف كل الجامعات الخاصة كلها تقهر
فكرتني بمرة روحت فيها الجامعة الالمانية في الشروق وجنبها البريطانية واكاديمية المستقبل
العربية الحقيرة اللي شوفتها في وسط المهرجان اللي هناك ممكن نقول ايه
هيونداي اكسنت مثلا او اكسل او شاهين دول تقريبا اللي كانو حاجة كده يااااااااااي بيئة مش مستوانا
طبعا البقية الباقيه كانت جاجور ومرسيدس وبي ام 608 وشيروكي والعادي او المتداول او الشائع كان بقى في التويتات بانواعها و الهيونداي الحديث بانواعها والمازدا 3 والشيفورليه بانواعها وطبعا الكوبيهات قول زي منتا عاوز
تحس انك مش في مصر
بصراحة كان حرقة دم
هههههههههه

المهم
ممكن نوسعلك خياراتك شوية ومتقفلش دماغك زي احمد
لو مش عجبتك المازدا ممكن تدور على حاجة من دول
جيلي ( صيني لكن ماتور ياباني وعفشتها هيا عفشة شاريد
دايهاتسو شاريد سيدان وهاتشباك
تويوتا كريسديا بس دي طويلة شوية ووقورة وانت عاوز حاجة شبابي
مازدا 121
ممككن اكسل او اكسنت موديلات تعمل من 30 ل 33

دول اللي في دماغي دلوقتي وان افتكرت حاجة هقلك عليها ان شاء الله

اقتباس:

المشاركة الأصلية كتبت بواسطة h00ka (المشاركة 226717)

@ lol64
شكرا وربنا يوفق الجميع

@ احمد بدر1978
اكيد ما هو دة اللي بيخلي الواحد يلف عشان يدفع ف حاجة تستاهل
طلب اخيـــــــــــر فى تلخيص كدة ايه اهم الحاجات اللي ف العربية عشان ابص عليها

اول حاجة
1. العربية من برة لازم ميكونش فيها مطبات او فوارق لان ده دليل على اما انها عاملة سمكرة ودهان او عاملة حادثة وانت كنت قلت انه قالك انها فابريكه
2, تبص على الاعتاب واماكن نزول المية بتاع الغسيل او المطر لو لقيت فيها صدأ كتير او بروما ده يقلل في سعرها طبعا انت في اسكندرية يعني اغلب العربيات هيكون فيها صدا علشان الرطوبة
3. الماتور وده هيفيكد فيه الميكانيكي
4. تدوير العربية لازم تجربها طبعا وتشوف هدور معاك عادي والا بتركن في الدوراة ومادام معرفه يبقى ممكن تاخدها منه يومين
5. العفشة وهتبان لما تتحرك بالعربية فيه حاجة بتحك فيه حاجة بتكركر فيه حاجة بتشخلل وهكذا
6. الفرش من جوه متقطع أومبقع أوعاوز يتزود أوعاوز يتغير
7. الدركسيون والسلوك اللي في العلبة بتاعته ملعوب فيها والا سليمة علشان فيه كتير ناس بتقعد تلعب وترقع وتوصل في السلوك
دي الحاجت اللي اعرفها في حدود علمي واكيد فيه ناس اكثر مني خبرة بالموضوع ده

ولو مش هتعرف تاخد بالك من الكلام ده يبقى اللي معاك هو اللي يشوف المواضيع دي