رد: لماذا نجحت اسبيرانزا فيما فشل فيه الأخرون
 

تسلم على التقرير الجاااااااااااااااامد جدا ده وانا بجد فكرت اني اشتري اسبرانزا a113

رد: لماذا نجحت اسبيرانزا فيما فشل فيه الأخرون
 

شكرا يااستاذ حازم لعرضك الموضوع المتميز المهم للغاية واسمحلى
اولا ثقافة المصريين فى شارء سيارة لاتعتمد على الجودة والامان الاهم انت شارى عربية تبع مين ومع مين من قرايبنا ومعارفنا وقال عليها ايه بغض النظر عن كل المواصفات وده يشمل معظم المصريين ومش كله طبعا واسباب نجاح العربيتين دول تحديدا اسم الوكيل اكتر من جودة العربية فى الاساس ودى ثقافة مجتمع

رد: لماذا نجحت اسبيرانزا فيما فشل فيه الأخرون
 

رد: لماذا نجحت اسبيرانزا فيما فشل فيه الأخرون
 

استاذ حازم انا بهنى حضرتك على هذا الموضوع بس انا لية تعقيبات بسيطه
انا متفق مع حضرتك انا التوكيل هو السبب فى انتشار السيارة او بمعنى اصح ابوالفتوح بيعرف ازاى يسوق بضاعتة او بيعرف ازاى يضحك على الشعب المصرى اكبر دليل على كده ان بيقوله ان ماتور الاسبرانزا المانى وان ماكينات الزجاج المانى وان التكييف يابانى والشاسية المانى والمساعدين صينى والمفروض ان العربية 45 % منها منتجات مصرية
واحنا شعب طيب بنصدق كل حاجة ويمكن انا حضرت لقاء على قهوه ما بين سواقين تاكسى واحد بيحلف يقول الماتور المانى والتانى بيحلف ويقول الماتور يابانى ده دليل على ان فى ناس كتير مخدوعه فى العربية مع العلم ان هتلاقى سواقين التاكسى اكتير ناس تاخذ منها النصيحة فى العربية بيشكرو جامد جدا فى العربية بس ده لية علشان كل واحد فيهم كان راكب ايه فى الاول 128 واللى راكب 125 واللى راكب رينو القديم يعنى اما يجى يركب اسبرانزا تبقئة بالنسباله تحفة زى بالضبط انا الاول كنت راكب 323 بعد كده ركبت اسبرانزا 213 ودى كانت اول عربيه زيرو بتاعت قريب لية بعد كده ركبت شيرى A11 وكنت هيمن من العربية كل ده فى ظل وانا معايا 323 وبعد كده بعت 323 وجبت الاسبرانزا 516 وكانت بالنسبة لى وهم وابدات الاعطال وكل اما اكلم حد يقولى روح لاحمد مهران يعمل كذا او روحت الضمان اعمل كدذا الاقى الواحد جايب عربية ودافع فيها شقى سنوات والعربية لسة عايزة مصاريف واول اما جبت النيو اكسنت حسايت انها فى اختلاق رهيب رهيب فنا مطلوب من حضرتك طلب ياريت حضرتك تجرب تسوق اى عربية زيرو تانية غير الاسبرانزا وشوف رد فعل حضرتك مع العلم ان ممكن تكون حضرتك جربت بس حضرتك مش عايز تتقتع بالموضوع واكبر دليل حضرتك حاول تفكر تبيع عربيتك لا قدر الله لو حصل حاجة وحضرتك اتزنقت فى فلوس العربية ساعتها مش هتسعفك لا بيعها وله فى سعرها وحضرتك اكيد عندك فى البيت حاجات صينى شوف بتقعد اد ايه واما بتكون الحاجة اصلى بتقعد الصينى بتحاول تعمل الشكل من بره ومن جوه يلعم الله ممكن اسال حضرتك كام سؤال
العربية مع انها منتشره لكن قطع غياره غاليه جدا ؟
العربية مع انها منتشرة اعاده بيعها فى الارض؟
العربية مع انها منتشره قطع غياره غير معمره ؟
العربية مع انها منتشرة بتخرج من المصنع فيها عيوب صناعة ؟
العربية مع انها منتشرة التوكيل فشل فى صيانتها ؟
مش عارف احزن على الفلوس اللى ادفعت فيها والحمد لله على كدة وله العربية حلوه وانا اللى طلع بطيخطى قرعة ؟؟؟؟؟؟؟
اسف طولت على حضرتك كتير ,,,,

رد: لماذا نجحت اسبيرانزا فيما فشل فيه الأخرون
 

تمام يا أستاذ محمود على الرغم من إنك عايز تبين إن الموضوع دفاع منى عن العربية لكن برضه إن هقول تانى الموضوع ده علشان نناقش ليه العربية إنتشرت رغم كل العيوب إللى حضرتك ذكرتها

أخيرا حضرتك حطيت إيدك على سبب جديد ما ذكرتوش قبل كده

و هو غياب المعلومات الفنية الصحيحة عن العربية و انتشار الشائعات

موتور ألمانى عفشة يابانى كهربا برنجانى (و لو إن الكهربا بتاعت العربية معتمده على تصميم ألمانى فعلا و فيها حاجات بوش للأمانة)