مصر موتورز مجتمع السيارات - ما هو افضل نوع كاسيت بايونير بسرعه

مصر موتورز مجتمع السيارات (https://www.masrmotors.com/vb/index.php)

- أطقم الصوت والمالتى ميديا (https://www.masrmotors.com/vb/forumdisplay.php?f=125)

- - ما هو افضل نوع كاسيت بايونير بسرعه (https://www.masrmotors.com/vb/showthread.php?t=29584)

رد: ما هو افضل نوع كاسيت بايونير بسرعه

اقتباس:

المشاركة الأصلية كتبت بواسطة مصاص الدماء (المشاركة 209304)

بس حصل معايا حوار كنت هموت فيها بعد لما ركبت و مشيت فجاه سمعت بوووووووووووووووووووووووو وووووووووووووووم و السماعات فصلت قلت بس الوصلات غلط و رحت فى داهيه و انا دافع فى التركيب مبلغ و قدره فيه حد هيموت النهرده
رحت واخد بعضي و طلعت على واحد تانى قاللى كل الوصلات تمام و جربنا الكاسيت برضوا بووووووووووم وراح فاصل اعدنا نجرب نجرب نجرب طلع ان كل لما اقفل شنطه العربيه السماعات تفصل اتاري الشنطه لما بتقفل بتقفل على السلكين بتوع سماعه من السماعات فبيلمسوا قلنا الحمد لله ان مفيش حاجه باظت..

ههههههههههههههه, ده أنت تلاقيك كنت هتموت فيها.
وشكرا على review.

وعلى العموم مبروك ياباشا وعقبال ال double din .

رد: ما هو افضل نوع كاسيت بايونير بسرعه

اقتباس:

المشاركة الأصلية كتبت بواسطة Injection (المشاركة 208736)

نقاء الصوت و الوات بتاع الكاسيت هيبقوا واحد تقريبا ليهم كلهم, الصوت كده كده هيطلع نقى, المهم الكاسيت بيطلع كام وات, وتقريبا كل الكاسيتات دى بتطلع فى حدود 60 وات rms للسماعة.
ودى مميزات كل كاسيت فيهم من موقع شركة بيونيير

deh-3250
http://www.pioneer.com.sg/storefront...&CatId=2,24,33
deh-4250
http://www.pioneer.com.sg/storefront...&CatId=2,24,33
deh-5250
http://www.pioneer.com.sg/storefront...&CatId=2,24,33

و رأيى أن أفضل أثنين هما الأول والتانى, الثالث غالى على الفاضى.
الثانى شكله حلو عن الأول وبيشغل usb و ميمورى و أكولايزر 5 باند بس سعره غالى.
الأول مابيشغلش ميمورى وفيه أكولايزر 3 باند بس.
أحسن قيمة للفلوس هى فى الكاسيت الأول, لأن معظم المميزات اللى فى الكاسيت التانى مش هتفيدك فى مصر ومش هتستخدمها(مميزات متعلقة بال i phone و i pod).
والعضو لول (أيوه أسمه لول) كان جاب كاسيت بايونيير فيه حاجة أسمها dsp ودى بتخليك تتحكم فى الصوت اللى خارج من كل سماعة وتضخمه وتعمل نظام محيطى جوه وبره العربية, لو النظام بتاعك كامل وفيه صب أو بازوكا, هو بيشكر فيه الكاسيت ده قوى وممكن أجيبلك الموضوع بتاعه لو حبيت والكاسيت ده فى حدود 1000 جنيه.

انجيكشن ياجامد يمصيتنى
الكاسيت اللى معايا مش ب 1000 1000 دى بداية الحاجات اللى فيها dsp وكمان الكاسيتات دى بتبقى استيراد

رد: ما هو افضل نوع كاسيت بايونير بسرعه

السلام عليكم
ممكن اعرف سعر بايونير 3150 كام جديد ؟
وايه رايكم فيه ولا 2150 ؟؟؟ كامكانيات وهل جديد ولا 3150 مستعمل
معروض عليا ب 400 ج مستعمل لمدة سنه ومحل الكاسيتات بيشكرلي فيه وبيقولى انا فتحته ونضفته بس ومش معمول فيه تصليحات
وياريت كمان اعرف ايه اقل سعر بايونير فيه امكانية تركيب شاشة عرض عليه
وايه معنى كاسيت جرافيك ؟ هل بيعرض ميديا على شاشه ولا رسومات على شاشة الكاسيت نفسه فقط اثناء الاغنيه ؟
اسف للاطاله
وشكرا جزيلا