مصر موتورز مجتمع السيارات - قبل أن تشتري اسبيرانزا

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - قبل أن تشتري اسبيرانزا - احذر! (https://www.masrmotors.com/vb/showthread.php?t=2958)

رد: قبل أن تشتري اسبيرانزا - احذر!

اقتباس:

المشاركة الأصلية كتبت بواسطة تامر ابو امين (المشاركة 12278)

انا محتاج نصيحة سريعة ورض بسرعة الله يخليكمhttp://www.masrmotors.com/vb/images/icons/5br3aj123.gif
انا معروض عليا دايو نوبيرا 2002 بحالة ممتازة معروضة عليا 55000 جنية عاملة 100000 مانيوال جميع الكماليات وعربية كويسة الان صاحبها كان بالخارج ولسة جاى
وذهبت اليوم الى المصرية وعجبنى الاسبرانزا 1600سي سي 68500 جنية
وانا على فكرة هأجر السيارة جنب مشروع عندى صغير على ادى

الرجاء حد يقولى اعمل اية اجيب جديد ولا اجيب قديم ولا اعمل اية وهل التأجير هتستحمل الاسبرانزا وعلى فكرة انا هأجر بس مش لاى حد بس لغايت لما تجيب القسط بس ptmnlo123per172
جزاكم الله خيرا

تامر باشا ابعد عن المستعمل خاصة لو هتشغلها كمان ايجار وخاصة لو العربية ديه كورى وعاملة 100 الف كم

المستعمل كويس جدا لو كسر زيرو مثلا هتبقى العربية فعلا حالتها ممتازة وعدادها لسه قليل وتقدر تأجر وبعدها تبيع بسعر معقول والعداد مكترش اوى

بالنسبة للاسبيرانزا انا شايف انها تمشى كويس فى الايجار علشان الكماليات اللى فيها وحجمها وشكلها بس كعتمادية بصراحة مقلقة وقطع الغيار لسه غالية ولسه مش منتشرة برة التوكيل على حد علمى وديه كلها حاجات تخوف الواحد من انه يستخدمها بشكل تجارى (ايجار - تاكسى الخ الخ )

انصحك تسأل عن اسعار قطع الغيار كلها فى التوكيل وتدور عليها برة التوكيل وتعرف اسعارها واتمنالك التوفيق فى قرارك باذن الله

رد: قبل أن تشتري اسبيرانزا - احذر!

السلام عليكم ورحمة الله وبركاته
استوقفنى الموضوع جدا ومستغرب قوى حد يجيب عربيه وزيرو ويطلع فيها العيوب دى كلها ؟؟؟؟ اعتقد ان صاحب الموضوع جمع كل العيوب اللى ممكن تطلع وحطها فى عربيه واحده

مافيش شك ان اى عربيه جديده بتلاقى فيها بعض الحجات اللى بتحتاج تظبيط وعلشان كده فيه صيانه الالف ولو اتكلمنا على بعض العيوب بتبقى حجات بسيطه , عضه فتيس اكيد الدبرياج عاوز يتظبط بسيطه يعنى عفشه بتعمل صوت اكيد عاوزة تتربط عادى يعنى مع العلم ان الاسبرانزا عقشه رياضيه والمعروف ان العفشه الرياضيه ناشفه

انما بقى طابلوة قوس!!!! انا بصراحه ماشوفتش سبرانزا 1600 ماشيه فى الشارع الا وماشاء الله ماسكه نفسها وواقفه وزى الزيرو وطبعا العربيه بقالها كام سنه اهو فى السوق ,,, انا شوفت منها هنا فى اسكندريه تاكسى وقطع غيارها بقت فى صلاح الدين وليها كمان اكسسوارات خاصه بيها
يا جماعه الاسبرانزا دى حتبقى لانوس الاسنين الجايه دى وتزكروا الهجوم كان على الانوس ايه اول ما نزلت ودلوقتى العربيه الشعبيه فى مصر

تعليق اخير انا الحمد لله اشتريت سبرانزا 1600 موديل 2009 من شهر وعندى صيانه الالف بكرة بازن الله وعاوز اقول ربنا يباركلى فيها ويكقينى شرها ويدينى خيرها والعربيه ماشاء الله وفى السفر والله ماشاء الله وللعلم انا كنت بسوق عربيه والدى تيوتا كرولا 1600 اتوماتك موديل 2007 وماحستش بفرق كبير فى السفر بينهم مع الوضع فى الاعتبار فرق الاتومتك ومدى انه مريح لكن فى السرعات العاليه انت جايب الخامس وكان العربيه اتومتك :)

ارجو المقارنات تبقى عادله واللى بيقارن عربيه ب 68 الف مايقارنهاش بعربيه ب 140 الف او اكتر
العربيه بالنسبه لسعرها فوق الممتازة

ياريت تبقى ردودنا عن تجربه ومش عن سماع

شكرا

رد: قبل أن تشتري اسبيرانزا - احذر!

عمري ماوثقت في الصيني ولا هثق فيه

رد: قبل أن تشتري اسبيرانزا - احذر!

انا لسة هاحكم بعد اول صيانة 1000 كم انا لسة شارى a113 موديل 2009

رد: قبل أن تشتري اسبيرانزا - احذر!

مبروك عليكم يا جماعة (استاذ pp900 و zizosm ) وفعلا الحكم لمقتنى السيارة لأن فيه ناس بتحب تبالغ