رد: برجاء المساعدة فى اختيار سيارة فى متوسط ( 150 الف جنية)
 

السلام عليكم, الالتيا فئه والاوكتافيا فئه تانيه خالص فمش هينفع تقارن اوكى .وعلى فكره الاوكتافيا اولها 170 الف ستيب ترونك .وبما انت من الواضح انك عاوز عربيه كويسه فانا بفضلك الهوندا سيفكvti بجد عربيه جامده اوى لأبعد درجه ممكن تتصورها , وعلى فكره فى عيب فى الاوكتافيا ال5 هو كمبروسر التكييف كتر الاستعمال بيضعفه وسعره استعمال خارج 3600 اوكى بس عموما الاوكتافيا حلوه لا كن السيفك ال فى تى اى احسن ويبدا سعرها من 150 الى 178 الف دى بسقف وفرش جلد وفوانيس شبوره وزينون وجنط 16 بوصه وايرباج جانبى وتكيف تاتش و paddle shift فى التاره وتحكم كاست فى التاره ونظام ثبات السياره فى الملفات الجامده .... وفى حاجه تانى مهمه جدا السياراه اليابانى عموما استهلاكتها قليله فى قطع الغيار والبنزين وبالذات الهوندا لاكن الالمانى سنتين تلاته وتبدا بقى يطلب قطع غيار وحاجتها نار عن تجربه انا معايا بورا 2002 بتصرف كتير اوى فى كلام فاضى وانا هبعها واجيب سيفك ودا بعد تجربه . وياريب يكون لونها ابيض لؤلؤى جامد جامد جامد وبالذات بالاوبشنز الافى الفى تى اى وفتحه السقف والجنط . , وباسف على الاطاله

رد: برجاء المساعدة فى اختيار سيارة فى متوسط ( 150 الف جنية)
 

الاكتافيا كويسه جدا جدا

رد: برجاء المساعدة فى اختيار سيارة فى متوسط ( 150 الف جنية)
 

يا شباب حيرتونى الاوكتافيا ولا الهوندا سيفيك

رد: برجاء المساعدة فى اختيار سيارة فى متوسط ( 150 الف جنية)
 

لو عاوز اوبشنز كتير وقطع غيار اقل من الالمانى يبقى السيفك بس خد بالك العربية واطية على الارض وهتتعبك فى المطبات الاوكتافيا اعلى شوية وتقيلة وموزنة على الارض ...
وياريت تروح اى معرض عربيات وتشوف الاتنين بنفسك واكيد هتستريح لواحدة فيهم نفسيا ودة هيبفى عامل مؤثر اكتر كمان ممكن تعمل تست درايف للعربيتين..فى كمان اختيارات تانى قدامك دور علشان متندمش بعد الشراء
ارشحلك الفيكترا او الجيتا كمنافس المانى للاسكودا
والكرولا والافينسس والماذدا 3 والانسر الشارك كمنافس يابانى للسيفك