مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - بنك مصر موتورز (https://www.masrmotors.com/vb/showthread.php?t=25400)

رد: بنك مصر موتورز

اقتباس:

المشاركة الأصلية كتبت بواسطة joophy (المشاركة 177439)

أحمد باشا كل ده ومش عاوز تحبطنا يا راجل دا انا نفسى صاحب الفكرة جالى اكتئاب ههههههههههههههههههه
على العموم اشكرك ورأيك ده برده مهم جدا لينا وانا باحترم رأيك بشدة بس برده يا جماعة انا بأرجع واقول ان الموضوع ابسط من كده يعنى مثلا لو كل عدد صغير من الاعضاء من 15 الى 20 عضو اشتركوا فى جمعية على قدهم بمعنى اننا مثلا نشوف مين عاوز يشترى هيونداى اكسنت ويكونوا مع بعض جمعية مقابل تمن العربية دى وكل واحد ياخد دوره على حسب احتياجاته وظروفه ده مثلا مثلا يعنى وبعدين خلينا نجمع الافكار اولا ممكن نوصل لحاجة جديدة

هههههههههههههههههه
مش قصدى والله يا باشا
وانا قلتلك ان لو المشروع دا تم حطوا اسمى اول واحد
بس علشان الموضوع دا يتم لازم كل اللى هيدفع يحس بالامان علشان مانجيش فى النص ونعطل.. صح؟
وبعدين برضه ابو نورا قالى شكرا وماردش ... مصيبة ليكون بيشاور واحنا مش شايفينه
ماشى يا عم وائل يا تقيل
صباح الفل يا باشا

رد: بنك مصر موتورز

مفيش غير الجمعية العادية المتعارف عليها بين الزملاء او الجيران غير كدة أنا فطست علي روحي من الضحك لما لقيت رد زميلنا(محمد شهاب) بيقول فيه (أرنوب أبو ودان )ممكن يلم الفلوس وكل واحد بدل ما حيلعب قدام بيته اللي ورا أرنوب أبو ودان حيلمونا هيلا بيلا ورا الشمس ومش حنشوف فلوسنا تاني ولا الشارع
الطريق الي جهنم في الغالب بيكون دايما ملىء بالنوايا الحسنة
لا خير في خير بعده النار (1)ولا شر في شر بعده الجنة(2)
مثال علي (1) لو مثلا ابنك مش عايز يروح المدرسةبدون سبب الراحة وحبك لابنك لا غبار عليه (خير بصورة مجردة)لكن عواقبه بعدين مش كويسة

ومثال علي (2) لو بتزق واحد(في ظاهره شر) من قدام عربية حتدهسه ووقع عالارض واتوجع احسن ماكانت العربية موتتهptmnlo123per122

رد: بنك مصر موتورز

ايه يا جماعة مفيش حد عنده اى افكار جديدة ممكن تفيدنا ؟ نصرف نظر عن الموضوع ولا ايه؟

رد: بنك مصر موتورز

الموضوع جميل جدا بس مين اللى هيجيب الاول / وبكام اشترك الفرد فى الجمعية دى وكام فرد يتهيألى الموضوع صعب شوية
بس والله الفكرة جميلة بس الظروف هى اللى صعبة وما فيش حد عنده فلوس زيادة عن حاجته اليومين دول
والله الظروف لو تسمح كنت اول واحد اشتركت ولو با‘دى اسعد اى انسان والله ما أتأخر ابدا والله المستعان
شكرا لكم اعضائنا الكرام وربنا يديم عليكم الترابط والاخوة

رد: بنك مصر موتورز

طيب نبتدى بخطوات البدايه ان شاء الله كام عضو مستعد يشترك فى الجمعيه دى وثانيا عايزين نعرف متوسط المبلغ اللى الاعضاء تقدر تدفعة ودا اللى هنعرفة من خلال اقتراحتكم وماهى طريقة التحصيل وبردو عشان نطمن الاعضاء لازم يكون فى حاجة قانويه تحفظ حقوق الاعضاء ...بالتوفيق منتظرين المشاركة والاقتراحات....