رد: تسارع لمبورجيني ريفنتون من السعودية
 

والله يا باشا مش حكاية الصول سميح بس فيه حاجات لازم تاخد انطباع سئ عنها اول ما تشوفها .. انت عارف لو مكنش الفيديو ده سعودى كان ممكن الواحد يبقى عادى و يركز على العربية ...اصل غير المسلمين انت مش هتزعل عليهم ولا منهم يعنى لو لقيتهم مبذرين و فيه ناس مش لاقية تاكل جنبهم بميت كيلو ......من جميع الاتجاهات

و انا اكيد يا باشا عارف و متأكد مليون فى المية ان مفيش حد فى الدنيا ماعندوش مشاكل (لقد خلقنا الإنسان فى كبد)

اقولك طريقة لمحو المشاكل من حياتنا يا باشا ... و يا رب اعرف انا اعملها ... خليك مع ربنا و اعمل اللى عليك ...و ملكش دعوة ... كدة مش هيكون عندنا مشاكل .. انما ممكن يكون عندنا ابتلاءات من ربنا لاختبار قوة ايماننا (الكبد)

.. انا اللى مضايقنى ان فيه مسلمين كتير جدا جدا بقوا من اهل الدنيا و بيعملو اللى اكتر من اللى كنا بنقرأه زمان عن اغنياء الكفار من فرس و روم فى مختلف العصور من السفه و الخيلاء و نسينا لما كانوا مبعوثى المسلمين اثناء الحروب بيروحوا لهم غير مكترثين بتلك الخيلاء بل و يدنسون لهم ما فرحو به من ذهب و فضة و حرائر ..لثقتهم فى الله و فى ديننا الحنيف .... يا راجل دول الكفرة كانوا بيعملو حمام (اكرمكم الله) فى أوانى من ذهب

و نسينا كمان ان سيدنا عمر رضى الله عنه كان بينام تحت شجرة متكئا على خفيه فى وقت حكمه لدولة الخلافة الاسلامية اقوى و اغنى و اكبر دولة فى العالم فى وقتها و سيدنا ابو بكر رضى الله عنه اتبرع بفلوسه عن آخرها لنصرة الاسلام

الا ما شفت يا اخى حد من الناس دى واخدهم قدوة فى حياته بنسبة 1 % ...

ما هو لازم حالنا يبقى كدة فى الدنيا ما دام تسابقنا كله على متاعها ...

معلهش انا سخنت تانى .................

اللهم اغفر لنا جميعا يا رب العالمين وخفف عنا الحساب و العذاب

رد: تسارع لمبورجيني ريفنتون من السعودية
 

للاسف كتير جدا من السعوديين بيصرفو بسفه في حاجات زي دي
يعني هو مش هيحتاج السرعه دي كلها عشان يروح مشوار 10 كيلو
امال لازمه الطيارات ايه ؟؟!!

بس للاسف السعوديين عايشين عشان ياكلو و يشربو قليل الي بيدور علي انه يفيد نفسه او يفيد الامه
وللاسف قليل الي بيفكر في غيره

رد: تسارع لمبورجيني ريفنتون من السعودية
 

مشوار 10 كيلو بالسرعه دي يعني هايوصل و هو بيقول توكلنا علي الله اذا كان هايقول اساسا

المهم انا كده عرفت صحبي مات في حادثه في السعوديه ازاي
لانه مات بعد ما امير سعودي خبطه بالعربيه
توفي بعد ماتخبط ب 4 ثواني
انا كده تخيلت السرعه اللي كان ماشي بيها الراجل اللي خبطه و حسبي الله و نعم الوكيل
مش معني يا جماعه ان الطرق كويسه
و العربيات جامده اننا نقفل الامبير يعني
او عادي نقفله اذا كان 200 و لا 220
مش 400
و الله العالم اللي بتعمل كده هاتندم في يوم اشد الندم
ربنا يهديهم

رد: تسارع لمبورجيني ريفنتون من السعودية
 

للاسف مفيش حد بيحاسبهم
هم ماشيين بمبدأ احنا اصحاب البلد و نعمل فيها الي احنا عايزينه و محدش هيكلمنا
و لو داس واحد ولا خبط واحد و موته هيدفع الديه و مش هتفرق معاه

كذا حادثه تحصل قدامي بسبب التهور و عدم المبالاه
و ناس بتموت و الدنيا بتمشي ولا كأن فيه حاجه حصلت ولا كأنه لسه قاتل بني ادم

رد: تسارع لمبورجيني ريفنتون من السعودية
 

علي فكره العربيات دي لما بيجربوها في اوروبا بيجربوها في تراك سباق زي الفورميلا او ما شابه ذلك
اما واحد يجرب السرعه دي في الشارع مستحيل يحصل بره ولو ابن رئيس جمهوريه
ومع الاسف حياه الناس عندنا ببلاش