مصر موتورز مجتمع السيارات - تعمل إيه لو راكن عربيتك و رجعت لقيت الباب عايز باب ؟؟!!

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: تعمل إيه لو راكن عربيتك و رجعت لقيت الباب عايز باب ؟؟!!

اقتباس:

المشاركة الأصلية كتبت بواسطة corsair (المشاركة 166674)

ربنا يكون في وعونك واخوك بردك قبل كدا روحت البيت لاقيت واحد ضرابلي 3 فرد كاوتش عندي بمطوه وسبلي واحدة امشي نفسي بيها قولي انتا هتعمل ايه نفسي ومنا عيني اقفش واحد من اللي مبيفهموش دول واللي بيحبوا ياذو الناس هتطلع عليه القديم والجديد

ههههههههه فاكرتنى بواحد صاحبى كل يوم بيلاقى حد منيمله فرده من الأربعة ههههههههه

رد: تعمل إيه لو راكن عربيتك و رجعت لقيت الباب عايز باب ؟؟!!

اقتباس:

المشاركة الأصلية كتبت بواسطة mansoub504 (المشاركة 166705)

يا هوبا ربنا يعوض عليك
وعلي فكره الحاجات دي طبيعية انا كان عندي عيل معرفوش مزاج عنده يعملي خطين بمسمار علي جنبين العربية
ولما اعملها يرجع يعملهملي
ريحت دماغي وسبت الخطين اللي هو عامله قولت هو ادري مني بمصلحة العربية

ههههههههههههههههههههههههه والله هقع ع الأرض من الضحك .... ألف شكر يا باشااااااااااااااااااااا

رد: تعمل إيه لو راكن عربيتك و رجعت لقيت الباب عايز باب ؟؟!!

اقتباس:

المشاركة الأصلية كتبت بواسطة braveheart911 (المشاركة 166722)

ربنا يعوض عليك
حسبى الله ونعم الوكيل فى الاغبيه والغشمه

آآمين يا رب .... شكراً يا باشا ...

رد: تعمل إيه لو راكن عربيتك و رجعت لقيت الباب عايز باب ؟؟!!

اقتباس:

المشاركة الأصلية كتبت بواسطة vito.vito (المشاركة 166770)

انت مفيش قدامك غير حل واحد........انك تجيب باب جديد ههههههههه !!! طبعا ولا تزعل نفسك ربنا يعوض عليك ويسترها بعد كده ان شاء الله والله اكتر السيارات في القاهره مش بتتخبط غير وهي واقفه الناس مستهتريين جداااا مش عارف ليه ومفيش عندهم صبر

الحمدلله على كل شىء ... ألف شكر على مشاركتك يا Vito

رد: تعمل إيه لو راكن عربيتك و رجعت لقيت الباب عايز باب ؟؟!!

والله ياعمنا اناكنت الاول بزعل وبعدين كبرت دماغى قلت العربية تمشى مشوهة بدل م تتحسد و اخش بيها فى قطار والا حاجة ( عربيتى نيسان صنى 2008)
خد عندك علشان من شاف بلاوى غيره هانت عليه بلوته
مرة ركنت امام محل ونزلت اشترى حاجة وارجع غبت 10 دقايق بالظبط ومع انى راكن سليم والرصيف واسع يعنى مش سادد باب المحل ومع ذلك خرج صاحب المحل ومعاه كتر (cutter) اللى بيستخدموه فى قطع الورق والكرتون وب سن السلاح بتاعه رسم لعبة اكس او ( السيجة ب لغة العواجيز اللى زى حالاتى) على باب العربية شوهه ولما سالت عرفته فروحت له فقال ببرود بعد م انكر اولا قال علشان متركنش ادام باب رزق وتسده طبعا بيستهبل وبعد كلام سبته ومشيت
ثانيا / منطقتنا فيها لايقل عن 10 مدارس حوالين البيت وموضوع المسمار اللى بيجرحو بيه العربيه ده طبيعى عندنا
اللى يغيظ بقى ان بعض الجيران عنده عربيتين وتلاتة وممكن يديها لابنه الشاب الروش يمشى يهبل فى الشارع يخبط ده ويحك ده وهكذا وانا شخصيا شفت عيل سورى فى كلمة عيل لانه عندى 45 سنة وهو حوالى 20 (بغض النظر عن السن تصرفه يقول انه طفل)راجع بالليل تقريبا محشش مسطول متفهمش وماشى يتطوح بالعربية خبطنا كلنا واحنا واقفين اكتر من 15 عربية
ثالثا / دى نكتة بقى عندى 2 ستات جيرانى معندهومش فكرة عن السواقة ومعاهم عربيتين قديمتين واحدة رينو 12 اكصدام حديد ماشاء الله والتانية 128 وبرضه اكصدام حديد واجارك الله لو واحد ركن من اصحاب العربيات الحديثة وراهم او ادامهم ومهما ساب من مسافة بينه وبينهم لاززم يخبطوه واقربها امبارح نزلت لقيت عربيتى وكانت راكنة ورا الرينو الاكصدام بتاعى الامامى فيه حتة كبيرة متقشرة وعايزة معجونة ورش وشغلانة واحنا اتعودنا منهم على كده
ومن كام يوم كان فى تراب رهيب فى البلد وطبعا عندنا والبواب يغسل العربية وبعد ساعتين كانها متنضفتش من شهرين وانزل الاقى بقى اللى لاعب اكس او واللى كاتب للذكرى الخالدة واللى كاتب فلان + فلانة = اجمل حب ومكتوب حاجات كتير وللحق كنت بقعد اكتر من 10 دقايق الف حوالين العربية اقرا الحاجات دى ومرة واحد كتب لى نكتة هقولهالك علشان تضحك بيقول
مرة واحد بخيل زعلان اوى مراته بتساله زعلان ليه قال لها الصيدلية اللى جنبنا عاملة خصم كبير على الادوية ومحدش فينا عيااان
احيانا بحس ان عربيتى بقت مجلة او جريدة او اى حاجة تانية