مصر موتورز مجتمع السيارات - زيارتى لمعرض اللوجان.........

اقتباس:

المشاركة الأصلية كتبت بواسطة Prince2003 (المشاركة 126278)

السلام عليكم

الف شكر أ/ringoo على الردود التفصيليه بس لى سوال اخير انا عارف انى تقلت عليك بس من العشم انا كنت قريت فى منتدى اخر ان التوكيل بيركب عزل للوجان عند حضرتك فكره بالموضوع ده و هل هيمنع الحراره ال بيتكلموا عليها تحت الدوسات و سعرها كام؟؟؟؟

ربنا يباركك فيك

اولا عشان نكون واضحين فى الكلام .. الملحوظة دى مش فى كل عربيات اللوجان وهى سببها ان مواسير التكييف الساخن
بتمر بجانب هذه المنطقة اللى هى منطقة الكونسول بجانب دواسة البنزين وهى بتعمل حرارة بسيطة اللى بيشعر بيها
البنات بالذات عشان بيلبسوا جيب وبالتالى الحرارة بتوصل للجسم او يكون حد بيلبس شورت مثلا بالتالى حيحس بيها
وللتكرار مش فى كل العربيات ومش كل الناس حسا بيها وفيه ناس شعرت ببعض الحرارة ومش عاملة للموضوع اى اهتمام لانه بسيط اوى دة بالنسبة للملحوظة
......................... ......................... .
طيب عربيتك لو فيها حرارة مضايقاك فى هذا الجزء ودة طبعا مش حيظهر فى الشتا نظرا لبرودة الجو
وانت بتعمل اول صيانة بتقول على الملاحظات قبل ما تدخل العربية الصيانة وتحط الملاحظة دى ضمن ملاحظات العربية اللى حتتعالج فى الصيانة .. على فكرة هو بيركب مجانا فى الضمان لانه حاجة بسيطة اصلا زى العوازل بتاعت الافران كدة مجرد يعزل حرارة الماسورة بس .. مع العلم ان ماسورة التكييف الساخن بتكون سخنة .. دة طبيعى
لكن لو الموضوع مش حاسس بيه متشغلش بالك بيه اصلا ... انا عن نفسى ماحستش بيها نهائى ومش شاغل بالى بيها
......................... ......................... .
بالنسبة لمدى فاعليته انا معرفش بصراحة لانى مجربتهوش .. لكن طالما التوكيل ركبه يبقى دة اكيد حل للموضوع والا التوكيل ماكنش كلف نفسه
على فكرة الحل دة جاى من رينو فرنسا مش اختراع من توكيل رينو مصر
رينو مصر مش بيعمل اى تعديل على اى عربية الا بالرجوع الى رينو فرنسا
وتحت امرك فى اى استفسار ومفيش تتقيل ولا حاجة احنا اخوات وعشمك فى محله